March 10, 2023

JDS tickets cost one lakh rupees!! ಜೆಡಿಎಸ್ ಟಿಕೆಟ್ ಗ್ 1 ಲಕ್ಷ ರೂ.!

ಕಾಂಗ್ರೆಸ್ ಟಿಕೆಟ್ ದ ಆಸೆ ಇತ್ತಿನಕುಲು 2 ಲಕ್ಷ ರೂ. ಫೀಸ್ ನ್ ಫಿಕ್ಸ್ ಮಲ್ತ್ ದ್ ಇತ್ತ್ಂಡ್. ಇತ್ತೆ ಜೆಡಿಎಸ್ ಟಿಕೆಟ್ ಗ್ 1 ಲಕ್ಷ ರೂ. ಫೀಸ್ ಕೊರ್ದು ಟಿಕೆಟ್ ಅರ್ಜಿ ಪಡೆವೊಲಿ ಪಂದ್ ಪಂದ್ ವರದಿ ಆತ್ಂಡ್.

ಪರಿಶಿಷ್ಟ ಜಾತಿ ಬೊಕ್ಕ ಪಂಗಡದ ಅಭ್ಯರ್ಥಿಲೆಗ್ 50% ರಿಯಾಯಿತಿ ಉಂಡು. ಇತ್ತೆ ಘೋಷಣೆ ಆಯಿನ ಅಭ್ಯರ್ಥಿಲೆಗ್ಲಾ ಈ ನಿಯಮ ಅನ್ವಯ ಆಪುಂಡು ಪಂದ್ ರಾಜ್ಯಾಧ್ಯಕ್ಷೆರ್ ಸಿಎಂ ಇಬ್ರಾಹಿಂ ತೆರಿಪಾದೆರ್.

JDS tickets cost one lakh rupees!!

A report says one can apply for Congress ticket by paying two lakh rupees and a JDS ticket costs one lakh!!

Those belonging to backward class will get it at a discount of 50% and this rule applies to those who have already got the tickets also said state president of JDS C M Ibrahim.

March 13th-20 th: Annual Jatra at Shri Anantha Padmanabha temple, Perdoor ಮಾ.13-20:ಪೆರ್ಡೂರು ಶ್ರೀ ಅನಂತಪದ್ಮನಾಭ ದೇವಲ್ಯಡ್ ವರ್ಷಾಧಿದ ಜಾತ್ರೆ

ಶ್ರೀ ಕ್ಷೇತ್ರ ಪೆರ್ಡೂರು ಮಹತೋಭಾರ ಶ್ರೀ ಅನಂತಪದ್ಮನಾಭ ದೇವಲ್ಯಡ್ ವರ್ಷಾಧಿದ ಜಾತ್ರೆ ಮಾ.13-20 ಮುಟ್ಟ ನಡಪರೆ ಉಂಡು.

ಈ ದೇವಲ್ಯದ ಭೌತಿಕ ಉಚ್ಚಯ ಸಂಪ್ರದಾಯದಂಚನೆ ಕೊರಂಗ್ರಪಾಡಿ ಕೆ.ಜಿ ವಿಟ್ಠಲ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು. ಪ್ರತಿದಿನಲ ಬೇತೆ ಬೇತೆ ವೈದಿಕ, ಧಾರ್ಮಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಮಹೇಶ್ ಕುಮಾರ್ ಶೆಟ್ಟಿ ಪೈಬೆಟ್ಟು, ಕಾರ್ಯ ನಿರ್ವಹಣಾಧಿಕಾರಿ ಕೆ. ರಾಜಗೋಪಾಲ ಉಪಾಧ್ಯಾಯೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Shri Durga Delicacy Hotel opened at Surendra Mansion, Bheltangady ಇನಿ ಬೊಲ್ತೇರ್ ಪೇಂಟೆದ ಸುರೇಂದ್ರ ಮ್ಯಾನ್ಶನ್ ಡ್ ಶ್ರೀ ದುರ್ಗಾ ಡೆಲಿಕೆಸಿ ಹೋಟೆಲ್ ಓಪನ್

ಬೊಲ್ತೇರ್ ಪೇಂಟೆದ ಸುರೇಂದ್ರ ಮ್ಯಾನ್ಶನ್ ಡ್ (ಮಾ.10) ಇನಿ ಶ್ರೀ ದುರ್ಗಾ ಡೆಲಿಕೆಸಿ ಹೋಟೆಲ್ ಓಪನ್ ಆಪುಂಡು.

ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ‌. ವೀರೇಂದ್ರ ಹೆಗ್ಗಡೆ ಬೊಕ್ಕ ಹೇಮಾವತಿ ವೀ. ಹೆಗ್ಗಡೆ ಮೆರೆನ ಆಶೀರ್ವಾದದೊಟ್ಟಿಗೆ, ಈ ಹೋಟೆಲ್ ಸುರು ಆಪುಂಡು. ಈ ಲೇಸ್ ದ ಉದಿಪನನ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಡಿ. ಹರ್ಷೇಂದ್ರ ಕುಮಾರ್ ಮಲ್ಪುವೆರ್. ಮಲ್ಲ ಬಿನ್ನೆರಾದ್ ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ, ಮಾಜಿ ಶಾಸಕೆರ್ ಕೆ. ವಸಂತ ಬಂಗೇರ, ವಿಧಾನ ಪರಿಷತ್ ಸದಸ್ಯೆರ್ ಕೆ. ಹರೀಶ್ ಕುಮಾರ್, ಸುದ್ದಿ ಸಮೂಹ ಸಂಸ್ಥೆದ ಆಡಳಿತ ನಿರ್ದೇಶಕೆರ್ ಡಾ.ಯು ಪಿ ಶಿವಾನಂದ, ಬೊಲ್ತೇರ್ ಪಂಚಾಯತ್ ಸದಸ್ಯೆರ್ ರಜನಿ ಕುಡ್ವ ಬರಿಯೆರೆ ಉಲ್ಲೆರ್ ಪಂದ್ ಮಾಲಕೆರ್ ಯಶೋಧರ ಬಂಗೇರ ಬೊಕ್ಕ ಇಲ್ಲದಕುಲು ಲೆಪ್ಪೋಲೆಡ್ ತೆರಿಪಾದೆರ್.

An informative program on tap water connectivity ನಲ್ಲಿ ನೀರ್ ದ ಸಂಪರ್ಕದ ಬಗೆಟ್ ರೇಡಿಯೊ ಮಣಿಪಾಲ್ ಡ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಮಾ.10 ಸುಕ್ರಾರ ಬಯ್ಯಗ್ 6 ಗಂಟೆಗ್ ನಲ್ಲಿ ನೀರ್ದ ಸಂಪರ್ಕರ್ದ್ ಆಪುನ ಪ್ರಯೋಜನದ ಬಗೆಟ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಹೆಬ್ರಿ ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಸದಾಶಿವ ಸರ್ವೇಗಾರ್ ಎಡ್ಮಡ್ಕ ಪಾಲ್ ಪಡೆಯೆರೆ ಉಲ್ಲೆರ್. ಮಾ.11 ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

An informative program on tap water connectivity

Manipal: Radio Manipal 90.4Mhz; Rural drinking water and sanitation department Bangalore –will air a program on March 10th in the benifits of having drinking water connectivity.

State records first death due to H3N2 virus H3N2 ವೈರಸ್ ಗ್ ರಾಜ್ಯಡ್ ಸುರುತ ಸಾವು

ಬೆಂಗ್ಲೂರ್: 2020ತ ಮಾರ್ಚ್ ಬೊಕ್ಕ 2021 ಮುಟ್ಟ ಕೊರೊನಾ ಸೀಕ್ ಗ್ ಮಸ್ತ್ ಜನ ತೀರ್ ಪೋಯೆರ್. ಇತ್ತೆ ರಾಜ್ಯಡ್ ಈ ವರ್ಷ ಇಂಚಿಪ್ಪ ಹೆಚ್ 3 ಎನ್ 2 ವೈರಸ್ ಸೀಕ್ ಬೈದ್ಂಡ್. ಈ ಸೀಕ್ ರ್ದ್ ಹಾಸನ ಮೂಲದ ಅಜ್ಜೆರ್ (85) ತೀರ್ ಪೋತೆರ್.

ಉಂದು ಕರ್ನಾಟಕಡ್ ಸುರುತ ಸಾವು ಆತ್ಂಡ್. ಜ್ವರ, ಚಳಿ, ದೊಂಡೆ ಬೇನೆರ್ದ್ ನರೆಲೊಂದು ಇತ್ತಿನ ಮೇರ್ H3N2 ವೈರಸ್ ಸೀಕ್ ರ್ದ್ ತೀರ್ ಪೋತೆರ್ ಪಂದ್ ರಾಜ್ಯ ಆರೋಗ್ಯ ಇಲಾಖೆ ಆಯುಕ್ತೆರ್ ಮಾಧ್ಯಮಗ್ ತೆರಿಪಾದೆರ್. ಅತ್ತಂದೆ ಇತ್ತೆ ರಾಜ್ಯದ ಸುಮಾರ್ ಜಿಲ್ಲೆಲೆಡ್ H3N2 ವೈರಸ್ ಹೆಚ್ಚಾವೊಂದು ಉಂಡು. ಹಾಸನ ಜಿಲ್ಲೆಡ್ ಇಡೇ ಮುಟ್ಟ 6 ಜನಕ್ H3N2 ಸೋಂಕ್ ಉಂಡು ಪಂದ್ ಆಯುಕ್ತೆರ್ ತೆರಿಪಾದೆರ್.

14 people lost lives after a large ship sinks North African Sea ಉತ್ತರ ಆಫ್ರಿಕಾ ಕಡಲ್ ಡ್ ಮಲ್ಲ ಓಡ ಮುರ್ಕುದು 14 ಜನ ತೀರ್ ಪೋಯೆರ್

ಉತ್ತರ ಆಫ್ರಿಕಾದ ಟುನೀಶಿಯಾ ಕಡಲ್ ಡ್ ಮಲ್ಲ ಓಡ ಮುರ್ಕುದು 14 ಜನ ವಲಸಿಗೆರ್ ತೀರ್ ಪೋಯಿನ ಘಟನೆ ನಡತ್ಂಡ್.

ಈ ಪೊರ್ತುಡು ರಾಷ್ಟ್ರೀಯ ಗಾರ್ಡ್ ಕಾರ್ಯಾಚರಣೆದ ಮುಖೇನ 54 ಜನನ್ ಬಚಾವ್ ಮಲ್ದೆರ್. ಟುನೀಶಿಯಾದ ಮಧ್ಯ ಸ್ಫ್ಯಾಕ್ಸ್ ಪ್ರದೇಶದ ಮೆಡಿಟರೇನಿಯನ್ ಕಡಲ್ ರ್ದ್ 14 ಪುನನ್ ಮಿತ್ತ್ ಕನದೆರ್ ಪಂದ್ ನ್ಯಾಷನಲ್ ಗಾರ್ಡ್ ವಕ್ತಾರೆರ್ ತೆರಿಪಾದೆರ್. ಈ ಮಾತ ವಲಸಿಗೆರ್ ಆಫ್ರಿಕಾದ ಉಪ ಸಹಾರನ್ ರ್ದ್ ಬತ್ತಿನಕುಲು ಪಂದ್ ವರದಿ ಆತ್ಂಡ್.

14 people lost lives after a large ship sinks North African Sea

14 persons have died when a larg ship capsized near Tunisia in the North African Sea.
The national guards were able to rescue 54 persons. Sources say these people were migrants from Sahara in Africa.

Suraj Suvarna gets the best instructor award for talk on tool box safety ಸೂರಜ್ ಸುವರ್ಣ ಗ್ ಅತ್ಯುತ್ತಮ ಟೂಲ್ ಬಾಕ್ಸ್ ಟಾಕ್ ಸುರಕ್ಷತಾ ತರಬೇತುದಾರ ಪ್ರಶಸ್ತಿ

ONGC mrpl ಮಾ.6 ಕ್ಕ್ 52ನೇ ರಾಷ್ಟ್ರೀಯ ಸುರಕ್ಷತಾ ದಿನತ್ತ ಪೊರ್ತುಡು ಮಾತೆರೆಗ್ಲಾ ಬೇತೆ ಬೇತೆ ರೀತಿದ ಪಂತೊ ನಡಪಾಂಡ್.

ಆಯಿಟ್ ಸೂರಜ್ ಸುವರ್ಣ ಅತ್ಯುತ್ತಮ ಟೂಲ್ ಬಾಕ್ಸ್ ಟಾಕ್ ಸುರಕ್ಷತಾ ತರಬೇತುದಾರೆ ಪ್ರಶಸ್ತಿ 2023 ಟ್ ಸುರುತ ಇನಾಮುನ್ ಪಡೆಯೆರ್.

Suraj Suvarna gets the best instructor award for talk on tool box safety

On the occasion of the 52 nd National Safety day ONGC MRPL had organised competitions in related sectors.

Suraj Suvarna won the award of best instructor 2023 for his talk on tool box safety.

Deputy Chief minister Ashwathanarayan visits Kukke Subramanya Kshetra ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯಗ್ ಉಪಮುಖ್ಯಮಂತ್ರಿ ಅಶ್ವಥ್ ನಾರಾಯಣ್ ಭೇಟಿ

ಸುಬ್ರಹ್ಮಣ್ಯ: ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯಗ್ ರಾಜ್ಯದ ಉಪಮುಖ್ಯಮಂತ್ರಿ, ಉನ್ನತ ಶಿಕ್ಷಣ, ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ, ಜೀವನೋಪಾಯ ಇಲಾಖೆದ ಸಚಿವೆರ್ ಡಾ.ಅಶ್ವಥ್ ನಾರಾಯಣ್ ಸಿ.ಎನ್. ಅಂಗಾರೆ ಕುಟುಂಬ ಸಮೇತರಾದ್ ಭೇಟಿ ಕೊರ್ದು ದೇವೆರೆಗ್ ಆಶ್ಲೇಷ ಬಲಿ ಬೊಕ್ಕ ಪಂಚಾಮೃತ ಮಹಾಭಿಷೇಕದ ಸೇವೆನ್ ಸಂದಾಯೆರ್.

ಮೆರೆನ್ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಮೋಹನರಾಂ ಸುಳ್ಳಿ ಎದ್ಕೊನಿಯೆರ್. ಬೊಕ್ಕ ಸಚಿವೆರ್ ಪ್ರಸಾದ ಭೋಜನ ಸ್ವೀಕಾರ ಮಲ್ತೆರ್. ಅರೆನೊನೊಟ್ಟಿಗೆ ಬೊಡೆದಿ ಶೃತಿ ಅಶ್ವಥ್ ನಾರಾಯಣ್, ಮಗಲ್ ಆಕಾಂಕ್ಷ, ಮಗೆ ಅಮೋಘ್, ಮೆಗ್ಯೆ ಸತೀಶ್ ಇತ್ತೆರ್. ಉಪಮುಖ್ಯಮಂತ್ರಿಲು ದೆವಲ್ಯಡ್ ಸೇವೆ ಸಂದಾಯಿನ ಬೊಕ್ಕ ದೇವಲ್ಯದ ಪ್ರಧಾನ ಅರ್ಚಕೆರ್ ಸೀತಾರಾಮ ಎಡಪಡಿತ್ತಾಯ ಮೇರ್ ಉಪಮುಖ್ಯಮಂತ್ರಿಲೆಗ್ ಶಾಲ್ ಪೊದೆಪಾದ್ ಶ್ರೀ ದೇವೆರೆನ ಮಹಾಪ್ರಸಾದನ್ ಕೊರಿಯೆರ್.

ಈ ಪೊರ್ತುಡು ದೇವಲ್ಯದ ಸಹಾಯಕ ಕಾರ್ಯ ನಿರ್ವಹಣಾಧಿಕಾರಿ ಪುಷ್ಪಲತಾ ರಾವ್, ವ್ಯವಸ್ಥಾಪನಾ ಸಮಿತಿ ಸದಸ್ಯೆರ್ ಪ್ರಸನ್ನ ದರ್ಬೆ, ಶೋಭಾ ಗಿರಿಧರ್, ಮಾಸ್ಟರ್ ಪ್ಲಾನ್ ಸಮಿತಿದ ಸದಸ್ಯೆರ್ ಮನೋಜ್ ಸುಬ್ರಹ್ಮಣ್ಯ, ಮೀನುಗಾರಿಕಾ ನಿಗಮದ ಅಧ್ಯಕ್ಷೆರ್ ಎ.ವಿ. ತೀರ್ಥರಾಮ, ಗ್ರಾ.ಪಂ.ಸದಸ್ಯೆರ್ ಭಾರತಿ ದಿನೇಶ್, ಲೋಕೋಪಯೋಗಿ ಅಭಿಯಂತರ ಪ್ರಮೋದ್ ಕುಮಾರ್, ದೇವಲ್ಯದ ಶಿಷ್ಠಾಚಾರ ಅಧಿಕಾರಿ ಜಯರಾಮ ರಾವ್, ಕೆ.ಎಂ.ಗೋಪಿನಾಥ್ ನಂಬೀಶನ್, ಪ್ರಮೋದ್ ಕುಮಾರ್ ಎಸ್, ನವೀನ್, ಸುಬ್ರಹ್ಮಣ್ಯ ಠಾಣಾಧಿಕಾರಿ ಮಂಜುನಾಥ್ ಎಸ್.ಟಿ, ಮುರಳೀಧರ್, ಎಎಸ್‌ಐ ಕರುಣಾಕರ್ ಇತ್ತೆರ್.

ವರದಿ: ಗೋಪಿಚಂದನ್ ಕೆ.ಎಸ್

March 19 th: Inauguration program of Mother India former students Pratisthan Mumbai ಮಾ.19: ಬೊಂಬೈ ಮದರ್ ಇಂಡಿಯಾ ಮಾಜಿ ವಿದ್ಯಾರ್ಥಿಲೆನ ಪ್ರತಿಷ್ಠಾನದ ಉದಿಪನ ಲೇಸ್

ಬೊಂಬೈ ಮದರ್ ಇಂಡಿಯಾ ಮಾಜಿ ವಿದ್ಯಾರ್ಥಿಲೆನ ಪ್ರತಿಷ್ಠಾನ (ರಿ.) ನೆತ್ತ ಉದಿಪನ ಲೇಸ್ ಮಾ.19 ಐತಾರ ಅಂಧೇರಿದ MVM ದ ಶಾಲಿನಿ ಜಿ. ಶಂಕರ್ ಕನ್ವೆನ್ಷನ್ ಸೆಂಟರ್ ದ 1 ನೇ ಮಾಲಿಗೆಡ್ ನಡಪರೆ ಉಂಡು.

ಮಧ್ಯಾಹ್ನ 3.30 ಕ್ಕ್ ಸಾಂಸ್ಕೃತಿಕ ನೃತ್ಯಲು, ಬೊಕ್ಕ ಮನೋಹರ್ ಶೆಟ್ಟಿ ನಂದಳಿಕೆ ನಿರ್ದೇಶನದ, ಬೊಂಬೈ ರಂಗಮಿಲನ ಕೂಟದಕ್ಲೆರ್ದ್ “ದಾದನ ಉಂಡುಗೆ” ತುಳು ನಾಟಕ ನಡಪರೆ ಉಂಡು.

ಈ ಲೇಸ್ ದ ಗುರ್ಕಾರ್ಮೆನ್ ಮಾತೃ ಭಾರತ ಮಾಜಿ ವಿದ್ಯಾರ್ಥಿಲೆನ ಪ್ರತಿಷ್ಠಾನದ ಸುರೇಂದ್ರ ಪೂಜಾರಿ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಶೆಫ್ ಟಾಕ್ ಫುಡ್ & ಹಾಸ್ಪಿಟಾಲಿಟಿ ಸರ್ವಿಸ್ ಪ್ರೈ. ಲಿ. ದ ಮಾಲಿಕೆರ್ ಗೋವಿಂದ ಬಿ. ಪೂಜಾರಿ ಬರಿಯೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಶಿವ ಸಾಗರ್ ಹೋಟೆಲ್ಸ್ & ರೆಸಾರ್ಟ್ಸ್ ಪ್ರೈ. ಲಿ.ದ ಮಾಲಿಕೆರ್ ಎನ್ ಟಿ ಪೂಜಾರಿ, ಹರೇಕೃಷ್ಣ ಫೌಂಡೇಶನ್ ದ ಮ್ಯಾನೇಜಿಂಗ್ ಟ್ರಸ್ಟಿ ಕರುಣಾಕರ ಪುತ್ರನ್, ಗಂಸೋಲಿ ಶ್ರೀ ಮೂಕಾಂಬಿಕಾ ದೇವಲ್ಯದ ಅಧ್ಯಕ್ಷೆರ್, ಧರ್ಮದರ್ಶಿ ಅಣ್ಣಿ ಸಿ. ಶೆಟ್ಟಿ, ಬೊಂಬೈ ಬಂಟ್ಸ್ ಅಸೋಸಿಯೇಷನ್ ದ ಮಾಜಿ ಅಧ್ಯಕ್ಷೆರ್ ಶ್ಯಾಮ್ ಶೆಟ್ಟಿ, ಮುಲ್ಕಿ ಬಿಲ್ಲವ ಮಹಾಮಂಡಲದ ಉಪಾಧ್ಯಕ್ಷೆರ್ ಸೂರ್ಯಕಾಂತ್ ಜಯ ಸುವರ್ಣ, ಸಾನ್ವಿ ಸ್ಟಾರ್ ಹಾಸ್ಪಿಟಾಲಿಟಿ ಪ್ರೈ. ಲಿ. ಮಾಲಿಕೆರ್ ಬೊಕ್ಕ ಮದರ್ ಇಂಡಿಯಾ ಮಾಜಿ ವಿದ್ಯಾರ್ಥಿಲೆನ ಪ್ರತಿಷ್ಠಾನದ ಉಪಾಧ್ಯಕ್ಷೆರ್ ಸಂತೋಷಕುಮಾರ ಶೆಟ್ಟಿ, ಲೋಟಸ್ (ಅಂತರರಾಷ್ಟ್ರೀಯ) ಫ್ರೈಟ್ ಎಕ್ಸ್‌ಪ್ರೆಸ್ ಪ್ರೈವೇಟ್ ಲಿಮಿಟೆಡ್ ದ ಮಾಲಿಕೆರ್ ಮಹಾಬಲ ದೇವಾಡಿಗ, ಜಯ ಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಅಧ್ಯಕ್ಷೆರ್ ಎಲ್ ವಿ ಅಮೀನ್, ವಿರಾರ್-ನಾಲಸೋಪರ ಕರ್ನಾಟಕ ಸಂಸ್ಥೆದ ಅಧ್ಯಕ್ಷೆರ್ ಗುರುಸ್ವಾಮಿ ಸದಾಶಿವ ಎ ಕರ್ಕೇರ, ಭಾರತೀಯ ಬ್ಯಾಂಕ್ ಮಾಜಿ ಮುಖ್ಯ ವ್ಯವಸ್ಥಾಪಕೆರ್ ಮಾಧವ ಎನ್ ಪೂಜಾರಿ, ಟಿ.ವಿ ಧಾರಾವಾಹಿ ಬೊಕ್ಕ ಚಲನಚಿತ್ರ ನಟಿ ಕಾಜೋಲ್ ಗಣೇಶ್ ಕುಂದರ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಉಪಾಧ್ಯಕ್ಷೆರ್ ರಾಮದಾಸ್ ಎಚ್. ನಾಯಕ್, ಉಮೇಶ್ ಶೆಟ್ಟಿ, ಯಶವಂತ್ ಎನ್ ಪೂಜಾರಿ, ಕಾರ್ಯಕ್ರಮ ಸಮಿತಿದ ಅಧ್ಯಕ್ಷೆರ್
ಸದಾನಂದ ಶೆಟ್ಟಿ, ಸಂಗ್ರಹ ಸಮಿತಿದ ಅಧ್ಯಕ್ಷೆರ್ ಮಂಜುನಾಥ್ ಎಂ ಪೂಜಾರಿ ಲೆಪ್ಪೋಲೆಡ್ ತೆರಿಪಾದೆರ್.

19 th: Inauguration program of Mother India former students Pratisthan Mumbai

Mumbai : The Inauguration of Mother India former students Pratisthan (R) Mumbai will be held on March 19 th.

March 12 th: Drudha Kalashabhisheka at Shri Mahalingeshwara Mahaganapathi temple, Pavanje ಮಾ.12: ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಲ್ಯಡ್ ದೃಢಕಲಶ ಅಭಿಷೇಕ

ಮುಲ್ಕಿ: ತುಳುನಾಡ ಕೈಲಾಸ ಪುಗರ್ತೆದ ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಲ್ಯಡ್ ಇಂಚೊಗು ಬ್ರಹ್ಮಕಲಶ ಆದ್ ಅಯಿರ್ದ್ ಬೊಕ್ಕದ ವಿಧಿತ್ತ ಪ್ರಕಾರ ದೃಢಕಲಶ ಅಭಿಷೇಕದ ಲೇಸ್ ಮಾ.12 ಐತಾರ ಬೊಲ್ಪುಗು 8 ಗಂಟೆಗ್ ನಡಪರೆ ಉಂಡು.

ಶ್ರೀ ಮಹಾಲಿಂಗೇಶ್ವರ ಸಾನಿಧ್ಯಡ್ ಬೊಲ್ಪುಗು 101 ಕಲಶ ಪ್ರಧಾನ ಹೋಮ, ಪ್ರಾಯಶ್ಚಿತ್ತ ಹೋಮ, ಶ್ರೀ ಮಹಾಗಣಪತಿ ಸಾನಿಧ್ಯಡ್ 25 ಕಲಶ ಪ್ರಧಾನ ಹೋಮ, ಗಣಯಾಗ, ಶ್ರೀ ರಕ್ತೇಶ್ವರೀ ಗುಡಿಟ್ಟ್ ನವಕಲಶ ಪ್ರಧಾನ ಹೋಮ, ನಾಗದೇವೆರೆಗ್ ಕಲಶಾಭಿಷೇಕ, ಮಧ್ಯಾಹ್ನ ಮಹಾಪೂಜೆ ಆದ್ ಅನ್ನಸಂತರ್ಪಣೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್, ಸದಸ್ಯೆರ್ ಬೊಕ್ಕ ಜೀರ್ಣೋದ್ಧಾರ ಬೊಕ್ಕ ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.