ಸುರತ್ಕಲ್: ಚೇಳಾಯಿರು ಖಂಡಿಗೆ ಬೂಡು ಧರ್ಮರಸು ಶ್ರೀ ಉಳ್ಳಾಯ ದೈವೊಲ್ಯದ ಗಡಿಪ್ರಧಾನೆರಾಯಿನ ಆದಿತ್ಯ ಮುಕ್ಕಾಲ್ದಿ ಮೇರ್ ಗಡಿ ಪ್ರಧಾನೆರಾದ್ 30 ವರ್ಷೊ ಆಂಡ್. ಈ ಬಗೆಟ್ ಆರೆಗ್ ಸಾರ್ವಜನಿಕ ಅಭಿನಂದನಾ ಲೇಸ್ ಮೇ ತಿಂಗೊಲ್ಡ್ ನಡಪರೆ ನಿರ್ಧಾರ ಮಲ್ದೆರ್.
ಖಂಡಿಗೆ ಬೂಡುಡು ನಡತಿನ ಸಭೆಟ್ ಅಭಿನಂದನೆ ಸಮಿತಿ ಗೌರವಾಧ್ಯಕ್ಷೆರ್ ಬೊಕ್ಕ ಕರ್ನಾಟಕ ಸರಕಾರದ ವಿಧಾನ ಪರಿಷತ್ ಸದಸ್ಯೆರ್ ಭಾರತಿ ಶೆಟ್ಟಿ ಮೇರ್ ಅಟ್ಟಣೆದ ಸಭೆಟ್ಟ್ ಪಾಲ್ ಪಡೆದ್ ಪೊಲಬು ಕೊರಿಯೆರ್. ಅಭಿನಂದನೆ ಸಮಿತಿದ ಅಧ್ಯಕ್ಷೆರ್ ಕರುಣಾಕರ ಶೆಟ್ಟಿ ಪಣಿಯೂರು ಮೇರ್ ಪಾತೆರ್ದ್, ಅಭಿನಂದನಾ ಸಮಿತಿ ದೆತೊನ್ನ ನಿರ್ಣಯದ ಬಗೆಟ್ ಪೊಲಬು ಕೊರಿಯೆರ್. ಈ ಪೊರ್ತುಡು ಗಡಿ ಪ್ರಧಾನೆರ್ ಆದಿತ್ಯ ಮುಕ್ಕಾಲ್ದಿ, ದೈವೊಲ್ಯದ ಆಡಳಿತ ಸಮಿತಿದ ಗೌರವಾಧ್ಯಕ್ಷೆರ್ ಉದಯಕುಮಾರ್ ಶೆಟ್ಟಿ, ಅಧ್ಯಕ್ಷೆರ್ ದಯಾನಂದ ಶೆಟ್ಟಿ ಖಂಡಿಗೆ, ವಿಶುಕುಮಾರ್ ಪಡ್ಡೆದ್ರ ಸಮಿತಿ ಕಾರ್ಯ ದರ್ಶಿ ಉದಯಕುಮಾರ್ ಶೆಟ್ಟಿ ಚೇಳಾಯಿರು, ಉಲ್ಲಾಸ್ ಆರ್ ಶೆಟ್ಟಿ ಪೆರ್ಮುದೆ ಮೊಕುಲು ಮಾತ ಇತ್ತೆರ್.
Editorial