March 16, 2023

CRPF – 9000 vacancies for the post of constables CRPF ಡ್ 9 ಸಾರ ಕಾನ್ಸ್ ಟೇಬಲ್ ಬೇಲೆ

CRPF ಡ್ ಖಾಲಿ ಇಪ್ಪುನ 9 ಸಾರ ಕಾನ್ಸ್ ಟೇಬಲ್ (ತಾಂತ್ರಿಕ ಬೊಕ್ಕ ಟ್ರೇಡ್ಸ್ ಮನ್) ಬೇಲೆಗ್ ನೇಮಕಾತಿ ನಡಪರೆ ಉಂಡು.

ಪೊಂಜೋವ್ ನಕ್ಲೆಗ್ 107 ಬೊಕ್ಕ ಅಂಜೋವ್ ನಕ್ಲೆಗ್ 9105 ಬೇಲೆ ಉಂಡು. ಅರ್ಜಿ ಪ್ರಕ್ರಿಯೆ ಮಾ.27 ರ್ದ್ ಸುರು ಆಪುಂಡು. ಅಧಿಕೃತ ವೆಬ್‌ಸೈಟ್‌ crpf.gov.in ಗ್ ಭೇಟಿ ಕೊರ್ಪುನ ಮುಖೇನ ಅರ್ಜಿ ಸಂದಾವೊಲಿ. ಎ.25 ಮುಟ್ಟ ಅರ್ಜಿ ಪಡೊಲಿ.

CRPF – 9000 vacancies for the post of constables

Applications are invited for the post of constables ( technical and tradesmen) for 9000 vacancies in CRPF.
For more information log on to :
crpf.gov.in.

PM Modi nominated for Nobel peace prize?? ಪ್ರಧಾನಿ ಮೋದಿಗ್ ಶಾಂತಿ ನೊಬೆಲ್ ಪ್ರಶಸ್ತಿ?

ಪ್ರಧಾನಿ ನರೇಂದ್ರ ಮೋದಿ ಮೆರೆನ ಪುದರ್ ನೊಬೆಲ್ ಶಾಂತಿ ಪ್ರಶಸ್ತಿಗ್ ಸ್ಪರ್ಧಿಲೆನ ಪಟ್ಟಿಡ್ ಉಂಡು ಪಂದ್ ತೆರಿದ್ ಬೈದ್ಂಡ್.

ನೊಬೆಲ್ ಪ್ರಶಸ್ತಿ ಸಮಿತಿದ ಉಪನಾಯಕೆ ಅಸ್ಲೆ ತೋಜೆ ಈ ಪೊಲಬುನ್ ಕೊರ್ತೆರ್. ಮೋದಿ ಮೆರೆನ ಸರ್ಕಾರನ್ ಪುಗರ್ ದೆರ್. ನೊಬೆಲ್ ಪ್ರಶಸ್ತಿಗ್ ಮೇರ್ ಪ್ರಬಲ ಸ್ಪರ್ಧಿ ಆತೆರ್. ಜಾಗತಿಕ ಶಾಂತಿಗ್ ಮೆರೆನ ಕೊಡುಗೆನ್ ಪರಿಗಣಿಸಾಯೆರೆ ಆಪುಂಡು ಪಂದ್ ಪಂಡೆರ್.

PM Modi nominated for Nobel peace prize??

The name of PM Narendra Modi is in the list of prospective list of names likely to get the Nobel peace prize said sources.

An information regarding this was given by Asle Toje who is in the Nobel prize selection committee. Modi is said to be a strong contender as he has played a notable role in global peace

Earthquake in Newzealand – measured 7.1 on the Reichter scale ನ್ಯೂಜಿಲೆಂಡ್ ಡ್ ಭೂಕಂಪ: ರಿಕ್ಟರ್ ಮಾಪಕಡ್ 7.1 ಬಿರ್ಸ್ ದಾಖಲ್

ನ್ಯೂಜಿಲೆಂಡ್ ಡ್ ಇನಿ 7.1 ಬಿರ್ಸ್ ದ ಭೂಕಂಪ ಆತ್ಂಡ್.

ಚೀನಾ ಭೂಕಂಪ ನೆಟ್ ವರ್ಕ್ ಕೇಂದ್ರದ ಪ್ರಕಾರ, ನ್ಯೂಜಿಲೆಂಡ್ ದ ಕೆರ್ಮಾಡೆಕ್ ದ್ವೀಪಡ್ ಭೂಕಂಪ ನಡತ್ ದ್ಂಡ್. ನೆತ್ತ ಕೇಂದ್ರಬಿಂದು ಭೂಮಿದುಲಯಿ 10 ಕಿಲೋಮೀಟರ್ ದಾತ್ ಉಂಡು. ಈ ಮಲ್ಲ ಭೂಕಂಪದ ಬೊಕ್ಕ ಸುನಾಮಿ ಬರ್ಪುಂಡು ಪಂದ್ ಎಚ್ಚರಿಕೆ ಕೊರ್ತೆರ್. ಈತ್ ಜೋರುದ ಭೂಕಂಪ ‌ಮಲ್ಲ ವಿನಾಶಗ್ ಕಾರಣ ಆವು ಪಂದ್ ವರದಿ ಆತ್ಂಡ್.

Earthquake in Newzealand – measured 7.1 on the Reichter scale

The intensity of the earthquake that was experienced in Newzealand today measured 7.1 on the Reichter scale.

As per reports from China’s Earthquake network centre the core of the earthquake is about ten miles inside the Earth’s crust. The intensity of the earthquake may also trigger an tsunami said sources.

Did the home minister Araga Gyanendra mock the divine deity Guliga of Tulunadu?? ಗುಳಿಗ ದೈವೊಗ್ ಅವಮಾನ ಮಲ್ತಿನ ಗೃಹ ಸಚಿವೆರ್ ಆರಗ ಜ್ಞಾನೇಂದ್ರ?

ಶಿವಮೊಗ್ಗ : ತೀರ್ಥಹಳ್ಳಿಡ್ ನಡತಿನ ಸಾರ್ವಜನಿಕ ಸಭೆಟ್ಟ್ ಪಾತೆರ್ದಿನ ಗೃಹ ಸಚಿವೆರ್ ಆರಗ ಜ್ಞಾನೇಂದ್ರ ಮೇರ್ ತುಳುನಾಡ್ದ ಆರಾಧ್ಯ ದೈವವಾಯಿನ ಗುಳಿಗ ದೈವೊದ ಬಗ್ಗೆ ಅವಮಾನಕರವಾದ್ ಪಾತೆರ್ದಿನ ವೀಡಿಯೊ ವೈರಲ್ ಆವೊಂದುಂಡು.

ತೀರ್ಥಹಳ್ಳಿಡ್ ಕಾಂಗ್ರೆಸ್ ಮುಖಂಡೆರ್ ಕಿಮ್ಮನೆ ರತ್ನಾಕರ್ ಬೆಂಬಲಿಗೆರ್ ಶಿವದೂತೆ ಗುಳಿಗೆ ತುಳು ನಾಟಕನ್ ಆಯೋಜನೆ ಮಲ್ತ್ ದ್ ಇತ್ತೆರ್. ಈ ಬಗೆಟ್ ಮಾರ್ಗದ ಬರಿಟ್ಟ್ ಪೋಸ್ಟರ್ ಲೆನ್ ಪಾಡ್ದ್ ಇತ್ತೆರ್. ಉಂದೆನ್ ತೂದಿತ್ತಿನ ಆರಗ ಜ್ಞಾನೇಂದ್ರ ಮೇರ್ ಗುಳಿಗ ದೈವೊದ ಬಗ್ಗೆ ಅವಮಾನ ಮಲ್ತ್ ದ್ ಪಾತೆರ್ದೆರ್.

“ಅವು ದಾದ ? ಗುಳಿಗೆ ಗುಳಿಗೆ ಪಂದ್ ಪೋಸ್ಟರ್ ಪಾಡ್ದೆರ್, ಇಂಚೆನೆ ಬುಡುಂಡ ನನ ಜಿಲಾಬುದ ಗುಳಿಗೆ ಪಾಡ್ದ್ ಕೊರ್ಪೆರ್ ” ಪಂದ್ ತಮಾಷೆ ಮಲ್ದೆರ್. ಮೇರ್ ಈ ರೀತಿ ಹೇಳಿಕೆ ಕೊರ್ನೆಕ್ಕ್ ತುಳುನಾಡ್ ದಕುಲು ಬೆಚ್ಚ ಆತೆರ್. ಆರಗ ಮೇರ್ ತಪ್ಪು ನಟ್ಟೊಡೆ ಪಂದ್ ತುಳುವೆರ್ ಒತ್ತಾಯ ಮಲ್ದೆರ್.

March 17 th: Tulu Koota , Qatar to host ” Tulu Jatra 2023 ” ಮಾ.17: ತುಳುಕೂಟ ಕತಾರ್ ದ ತುಳು ಜಾತ್ರೆ 2023

ಭಾರತದ ರಾಯಭಾರ ಕಚೇರಿದಡಿಟ್ಟ್ ICC ದ ಸಹಾಯಕ ಸಂಸ್ಥೆ ತುಳುಕೂಟ ಕತಾರ್ ಅರ್ಪಣೆ ಮಲ್ಪುನ ತುಳು ಜಾತ್ರೆ 2023, ಮಾ.17 ಕ್ಕ್ ಮಿಡ್‌ಮ್ಯಾಕ್ ವೃತ್ತದ ಕೈತಲ್ ಪರತ್ ಆದರ್ಶ ಇಂಡಿಯನ್ ಸ್ಕೂಲ್ ಮೈದಾನಡ್ ನಡಪರೆ ಉಂಡು.

ಈ ಲೇಸ್ ಡ್ ಪಾಲ್ ಪಡೆಪುನಕ್ಲೆಗ್ ಮುಕ್ತ ಪ್ರವೇಶ ಉಂಡು. ಬಯ್ಯ ಗ್ 4 ಗಂಟೆಗ್ ಗೇಟ್ ಓಪನ್ ಆಪುಂಡು ಪಂದ್ ತುಳುಕೂಟ ಕತಾರ್ ತೆರಿಪಾದ್ಂಡ್.

March 17 th: Tulu Koota , Qatar to host
” Tulu Jatra 2023 “

Tulu Koota Qatar will host Tulu Jatra 2023 on the 17 th of March at the old Adarsh Indian school maidan. Entry is free and the gates will open at 4 p. M in the evening.

March 25 th : PM Narendra Modi to visit Davangere ಮಾ.25: ಪ್ರಧಾನಿ ಮೋದಿ ದಾವಣಗೆರೆಕ್ಕ್ ಭೇಟಿ

ದಾವಣಗೆರೆಟ್ಟ್ ನಡಪರೆ ಇಪ್ಪುನ ಬಿಜೆಪಿದ ವಿಜಯ ಸಂಕಲ್ಪಯಾತ್ರೆದ ಮಹಾ ಸಂಗಮಗ್ ಪ್ರಧಾನಿ ಮೋದಿ ಬರಿಯೆರೆ ಉಲ್ಲೆರ್.

ಈ ಸಂಗಮಡ್ 10 ಲಕ್ಷರ್ದ್ ಎಚ್ಚ ಜನ ಪಾಲ್ ಪಡೆಪುನ ನಿರೀಕ್ಷೆ ಉಂಡು. ಜಿಎಂಐಟಿದ 400 ಎಕರೆ ವಿಶಾಲ ಜಾಗೆಡ್ ಈ ಲೇಸ್ ನಡಪರೆ ಉಂಡು. ರಾಜ್ಯದ 4 ಕಡೆರ್ದ್ ಪಿದಾಡಿನ ಈ ರಥಯಾತ್ರೆ ಮುಲ್ಪ ಮುಗಿಪುಂಡು. ಮಲ್ಲ ಪೆಂಡಾಲ್, ಚಾವಡಿ ಬೊಕ್ಕ 3 ಲಕ್ಷರ್ದ್ ಎಚ್ಚ ಆಸನದ ವ್ಯವಸ್ಥೆ ಆತ್ಂಡ್. ಪಾಲ್ ಪಡೆಪುನಕ್ಲೆನ ವನಸ್ ಬೇತೆ ವ್ಯವಸ್ಥೆ ಮಲ್ಪರೆ ಆತ್ಂಡ್ ಪಂದ್ ವರದಿ ಆತ್ಂಡ್.

Haleyangadi Shri Vidya Vinayaka Yuvaka Mandala (R) ; -Tulu Samajika Nataka compitition ಹಳೆಯಂಗಡಿ ಶ್ರೀ ವಿದ್ಯಾ ವಿನಾಯಕ ಯುವಕ ಮಂಡಲ (ರಿ.) ಮುತಾಲಿಕೆಡ್ ಮುಕ್ತ ತುಳು ಸಾಮಾಜಿಕ ನಾಟಕ ಪಂತೊ

ಹಳೆಯಂಗಡಿ: ಮೂಜಿ ಸರ್ತಿ ಕರ್ನಾಟಕ ರಾಜ್ಯ ಪ್ರಶಸ್ತಿ ಪುರಸ್ಕೃತರಾಯಿನ ಹಳೆಯಂಗಡಿ ಶ್ರೀ ವಿದ್ಯಾ ವಿನಾಯಕ ಯುವಕ ಮಂಡಲ (ರಿ.) ನೆತ್ತ ಸುವರ್ಣ ಮಹಾ ಉಚ್ಚಯದ ಅಂಗವಾದ್ 2023ನೇ ಮೇ ತಿಂಗೊಲ್ಡ್ 6 ದಿನತ್ತ ಮುಕ್ತ ತುಳು ಸಾಮಾಜಿಕ ನಾಟಕ ಪಂತೊ ನಡಪರೆ ಉಂಡು.

ಪಂತೊಡು ತುಳು ನಾಟಕ ಕೂಟಲೆಗ್ ಮುಕ್ತವಾದ್ ಪಾಲ್ ಪಡೆಯೆರೆ ಅವಕಾಶ ಉಂಡು.

ನೆತ್ತ ನಿಯಮ ಬೊಕ್ಕ ನಿಬಂಧನೆಲು:
1.ಸಾಮಾಜಿಕ ನಾಟಕಗ್ ಅವಕಾಶ ಉಂಡು. ನೆಟ್ಟ್ ಸುಖ, ದುಃಖ, ಹಾಸ್ಯ ಪುರಲ ಇಪ್ಪೊಡು.
2.ಪಂತೊದ ಪೊರ್ತು 2 ಗಂಟೆ ರ್ದ್ 2:30 ಮುಟ್ಟ ನಡಪಾವೊಲಿ.
3. ಪಂತೊಗ್ ಬೋಡಾಪುನ, ಬೊಲ್ಪು, ಸ್ವರತ್ತ ವ್ಯವಸ್ಥೆ ಉಂಡು
4. ಕೂಟಲು ತಾನ್ ಪ್ರದರ್ಶನ ಮಲ್ಪುನ ನಾಟಕದ ಪ್ರತಿನ್ ನಿಗದಿತ ತಾರೀಕ್ ದುಲಯಿ ಸಂಘಟಕೆರೆಗ್ ಕಡಪಾವೊಡು. ಬೊಕ್ಕ ನಾಟಕ ರಚನೆಕಾರೆರ್ನ ಅನುಮತಿ ಪತ್ರನ್ ಕಡ್ಡಾಯವಾದ್ ಕೊರೊಡು.
5. ನಿಗದಿತ ತಾರೀಕ್ ದುಲಯಿ ಲಿಖಿತವಾದ್ ನೋಂದಾವಣೆ ಮಲ್ತಿನ ಕೂಟಲು ತಾನ್ ಪ್ರದರ್ಶನ ಮಲ್ಪೆರೆ ಇಪ್ಪುನ ನಾಟಕದ ಕಥೆ, ಸಾರಾಂಶ, ಸಂದೇಶನ್ ತೂದು, 6 ಕೂಟನ್ ಆಯ್ಕೆ ಮಲ್ಪರೆ ಆಪುಂಡು. ಆಯ್ಕೆ ಪಕ್ರಿಯೆ ತೀರ್ಮಾನ ಸಂಘಟೆಕೆರೆನವೇ ಆದಿಪ್ಪುಂಡು.
6. ಆಯ್ಕೆ ಆಯಿನ ಕೂಟಲು ಒಂಜಿ ಸಾರ ರೂ. ಠೇವಣಿನ್ ಕೊರೊಡು.
7. ಗೆಂದಿನ ಕೂಟಲೆಗ್ ಸುರುತ, ರಡ್ಡನೇ, ಮೂಜಿನೇ ನಗದ್ ಇನಾಮು ಬೊಕ್ಕ ಖಾಯಂ ಫಲಕ ಉಂಡು. ಅತ್ತಂದೆ ಎಡ್ಡೆ ನಿರ್ದೇಶಕೆ, ಎಡ್ಡೆ ಪೋಷಕೆ ನಟೆ, ಎಡ್ಡೆ ಕಥಾ ನಾಯಕೆ, ಎಡ್ಡೆ ಕಥಾ ನಾಯಕಿ, ಎಡ್ಡೆ ಖಳನಾಯಕೆ, ಎಡ್ಡೆ ಹಾಸ್ಯ ಬೊಕ್ಕ ಎಡ್ಡೆ ಸಂಗೀತಗ್ ವೈಯಕ್ತಿಕ ಇನಾಮು ಉಂಡು. ಗೆಂದಿನ ಕೂಟ ಬುಡ್ದು ಒರಿದಿನ‌ 3 ಕೂಟಲೆಗ್ ಪ್ರೋತ್ಸಾಹಕ ನಗದ್ ಇನಾಮು ಉಂಡು.

ನಾಟಕ ಪಂತೊ ಪ್ರತೀದಿನ ಬಯ್ಯಗ್ 7 ಗಂಟೆರ್ದ್ ಯುವಕ ಮಂಡಲದ ರಂಗ ಮಂದಿರಡ್ ನಡಪರೆ ಉಂಡು. ಪಾಲ್ ಪಡೆಪುನ ಕೂಟದಕುಲು ತನ್ನ ಕೂಟದ ಪುದರ್, ವಿಳಾಸ, ದೂರವಾಣಿ ಸಂಖ್ಯೆ, ನಾಟಕದ ಪುದರ್, ನಾಟಕದ ಒಂಜಿ ಪ್ರತಿ ಬೊಕ್ಕ ಕಲಾವಿದೆರೆನ ಪುದರ್ ದೊಟ್ಟಿಗೆ ಮಾ.31 ತ್ತ ಉಲಯಿ ಪ್ರಧಾನ ಕಾರ್ಯದರ್ಶಿ, ಸುವರ್ಣ ಮಹಾ ಉಚ್ಚಯ ಸಮಿತಿ, ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲ (ರಿ.) ಹಳೆಯಂಗಡಿ, ಕುಡ್ಲ ಮೊಕ್ಲೆಗ್ ಕೊರೊಡು. ಅಂಚನೆ ಎಚ್ಚದ ಪೊಲಬುಗಾದ್ 9741979491, 9972410618, 9008160198, 9980769762 ಈ ಮೊಬೈಲ್ ನಂಬರ್ ಗ್ ಸಂಪರ್ಕ ಮಲ್ಪೊಲಿ ಪಂದ್ ಹಳೆಯಂಗಡಿ ಶ್ರೀ ವಿದ್ಯಾ ವಿನಾಯಕ ಯುವಕ ಮಂಡಲ (ರಿ.), ಸುವರ್ಣ ಮಹಾ ಉಚ್ಚಯ ಸಮಿತಿ ಪ್ರಕಟಣೆಡ್ ತೆರಿಪಾದ್ಂಡ್.

April 4th – 8th : Shri Lokanatheshwara temple, Nidigal-Annual jatra ಎ.4-8: ನಿಡಿಗಲ್ ಲೋಕನಾಡ್ ಶ್ರೀ ಲೋಕನಾಥೇಶ್ವರ ದೇವಲ್ಯಡ್ ವರ್ಷಾಧಿದ ಜಾತ್ರೆ, ನಡ್ವಾಲ್ ಸಿರಿಜಾತ್ರೆ

ಬೊಲ್ತೇರ್: ಕನ್ಯಾಡಿ ಗ್ರಾಮದ ನಿಡಿಗಲ್ ಲೋಕನಾಡ್ ಶ್ರೀ ಲೋಕನಾಥೇಶ್ವರ ದೇವಲ್ಯಡ್ ವರ್ಷಾಧಿದ ಜಾತ್ರೆ ಬೊಕ್ಕ ನಡ್ವಾಲ್ ಸಿರಿಜಾತ್ರೆ ಎ.4-8 ಮುಟ್ಟ ನಡಪರೆ ಉಂಡು.

ಮುಂಡೂರು ಶ್ರೀ ಗೋಪಾಲಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ಬೇತೆ ಬೇತೆ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಎ.4 ಅಂಗಾರೆ ಬೊಲ್ಪುಗು ಪುದೆಕಾಣಿಕೆ ಸಮರ್ಪಣೆ, ಕೊಡಿ ಏರುಂಡು. ಮಧ್ಯಾಹ್ನ ಪಲ್ಲಪೂಜೆ, ಅನ್ನಸಂತರ್ಪಣೆ, ರಾತ್ರೆ ಭೂತರಾಜ, ಮಹಿಷಂತಾಯ, ಮೂರ್ತಿಲ್ಲಾಯ ದೈವೊದ ನೇಮ ನಡಪರೆ ಉಂಡು.

ಎ.5 ಬುಧಾರ ಬೊಲ್ಪುಗು ಗಣಹೋಮ, ದೇವೆರೆನ ಉಚ್ಚಯ, ನಾಗತಂಬಿಲ ಸೇವೆ, ಮಧ್ಯಾಹ್ನ ಪಲ್ಲಪೂಜೆ, ಬಯ್ಯಗ್ ಭಜನೆ ಸಂಕೀರ್ತನೆ, ಸಾಂಸ್ಕೃತಿಕ ಲೇಸ್ ಊರುದ ಬೊಕ್ಕ ಪರವೂರುದ ಕಲಾವಿದೆರೆರ್ದ್ ನಡಪರೆ ಉಂಡು. ರಾತ್ರೆ ನಲಿಕೆ ಭಜನೆ, ಉಚ್ಚಯ ನಲಿಕೆ, ಸಿದ್ಧಿವಿನಾಯಕ ಕಲಾ ಕೂಟ ಗುರಿಪಳ್ಳ ಬೊಕ್ಕ ಅತಿಥಿ ಕಲಾವಿದೆರೆರ್ದ್ “ಎದುರುಡ್ ಎಡ್ಡೆಡುಲ್ಲೆರ್ ಪಿರವುಡ್ ಬೇತೆನೆ” ತುಳು ನಾಟಕ ನಡಪರೆ ಉಂಡು. ಬೊಕ್ಕ ಕುಮಾರ ದರ್ಶನ, ದೇವೆರೆನ ಉಚ್ಚಯ, ವಸಂತಕಟ್ಟೆ ಪೂಜೆ, ಶ್ರೀ ಅಬ್ಬಗದಾರಗೆರೆನ ಚೆನ್ನೆಮಣೆ ಗೊಬ್ಬು, ಮೂಲ ಮಹಿಷಂತಾಯ, ರಕ್ತೇಶ್ವರಿ, ಪ್ರಧಾನ ದೈವ ಸೇಮಕಲ್ಪ ಪಂಜುರ್ಲಿ ದೈವೊಲೆನ ನೇಮ, ಕುಮಾರ ಬೊಕ್ಕ ಪಂಜುರ್ಲಿ ದೈವೊದ ಭೇಟಿ ನಡಪರೆ ಉಂಡು.

ಎ.6 ಗುರುವಾರ ಬೊಲ್ಪುಗು ಗಣಹೋಮ, ಆಶ್ಲೇಷಾ ಬಲಿ, ಶ್ರೀ ನಾಗದರ್ಶನ ಸೇವೆ, ಮಧ್ಯಾಹ್ನ ಶ್ರೀ ದೇವೆರೆನ ಉಚ್ಚಯ, ಬಯ್ಯಗ್ ಶ್ರೀ ಸತ್ಯನಾರಾಯಣ ಪೂಜೆ, ಭಜನೆ, ಧರ್ಮಸಭೆ, ವಾರ್ಷಿಕ ನಡ್ವಾಲ್ ಸಿರಿಜಾತ್ರೆ, ಬೊಕ್ಕ ಶ್ರೀ ಭಗವತೀ ಮೇಳ ಸಸಿಹಿತ್ಲು ಮೊಕ್ಲೆರ್ದ್ ಮುಗುರು ಮಲ್ಲಿಗೆ ಆಟ ನಡಪರೆ ಉಂಡು.

ಎ.7 ಸುಕ್ರಾರ ಗಣಹೋಮ, ರುದ್ರಾಭಿಷೇಕ, ದೇವೆರೆನ ಬಲಿ, ರಾತ್ರೆ ರಂಗಪೂಜೆ, ಭೂತಬಲಿ ನಡಪರೆ ಉಂಡು. ಎ.8 ಸನಿಯಾರ ಬೊಲ್ಪುಗು ಗ್ರಾಮ ದೈವ ಪಿಲಿಚಾಮುಂಡಿ ದೈವೊದ ನೇಮ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಕೊಡಿ ಜವೆರೆ ಉಂಡು. ಮಧ್ಯಾಹ್ನ ಪಲ್ಲಪೂಜೆ, ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಕೆ. ಜಯಂತ ಗೌಡ ಸಾಯಿಕೃಪಾ ಗುರಿಪಳ್ಳ, ಅರ್ಚಕೆರ್ ಕೃಷ್ಣಮೂರ್ತಿ ಹೊಳ್ಳ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

April 4th – 8th : Shri Lokanatheshwara temple, Nidigal -Annual jatra

Bheltangady: Annual Jatra and Naduval Siri jatra at Needigal, Kanyadi grama Sri Lokanatheshwara temple will be held from April 4 th to 8 th.

Former Mayor Eric appointed as Ambassador to India ಅಮೆರಿಕದ ಭಾರತ ರಾಯಭಾರಿಯಾದ್ ಮಾಜಿ ಮೇಯರ್ ಎರಿಕ್ ನೇಮಕ

ವಾಷಿಂಗ್ಟನ್: ಅಮೆರಿಕದ ಪೊಸ ಭಾರತ ರಾಯಭಾರಿಯಾದ್ ಲಾಸ್ ಏಂಜಲೀಸ್ ನಗರದ ಮಾಜಿ ಮೇಯರ್ ಎರಿಕ್ ಗ್ರಾಸೇಟ್ಟಿ ಮೆರೆನ್ ನೇಮಕ ಮಲ್ಪೆರೆ ಸೆನೆಟ್ ಒಪ್ಪಿಗ್ ಕೊರ್ತುಂಡು.

52 ಜನ ಸದಸ್ಯೆರ್ ಪರವಾದ್ ವೋಟ್ ಪಾಡ್ಂಡ 42 ಜನ ಈ ಪ್ರಸ್ತಾಪನ್ ವಿರೋಧಿಸಾಯೆರ್. ಈ ಮುಖೇನ ಎರಿಕ್ ನೇಮಕಾತಿಗ್ ಹಸಿರು ನಿಶಾನೆ ತಿಕ್ ದ್ಂಡ್. ಅಮೆರಿಕ ಬೊಕ್ಕ ಭಾರತ ನಡುಟ್ ರಕ್ಷಣೆ ಸೇರಿನಂಚನೆ ಕೆಲವು ಕ್ಷೇತ್ರಲೆಡ್ ನಿಕಟ ಸಹಕಾರ ಉಂಡು. ಬೇಗಡೇ ಎರಿಕ್ ಭಾರತಡ್ ಅಧಿಕಾರ ಒಯಿಸೊನಿಯೆರೆ ಉಲ್ಲೆರ್ ಪಂದ್ ವರದಿ ಆತ್ಂಡ್.

Former Mayor Eric appointed as Ambassador to India.

Washington: Former Mayor of Los Angeles Eric Garcetti has been appointed as the new Ambassador to India. He will take charge soon and many defence agreements and others are on the cards which could be finalized.

March 21 st: Talapady Shri Kshetra Devipura-” Bangar Manas” Tulu devotional song released ಮಾ.21: ತಲಪಾಡಿ ಶ್ರೀ ‌ಕ್ಷೇತ್ರ ದೇವಿಪುರತ್ತ ಅಪ್ಪೆನ “ಬಂಗಾರ್ ಮನಸ್‌” ತುಳು ಭಕ್ತಿ ಸುಗಿಪು ಬುಡುಗಡೆ

ದಯಾ ಕ್ರಿಯೇಷನ್ಸ್ ಅರ್ಪಣೆ ಮಲ್ಪುನ ಪೊಸ ಶೈಲಿದ ತಲಪಾಡಿ ಶ್ರೀ ‌ಕ್ಷೇತ್ರ ದೇವಿಪುರತ್ತ ಅಪ್ಪೆನ “ಬಂಗಾರ್ ಮನಸ್‌” ತುಳು ಭಕ್ತಿ ಸುಗಿಪು ಮಾ.21 ಅಂಗಾರೆ ರಾತ್ರೆ 7 ಗಂಟೆಗ್ ದಕ್ಷ ಕ್ರಿಯೇಷನ್ಸ್ ಯೂಟ್ಯೂಬ್ ಚಾನೆಲ್ ಡ್ ಬುಡುಗಡೆ ಆವೆರೆ ಉಂಡು.

ವಿನಯ್ ಕುಮಾರ್ ಶೆಟ್ಟಿ ನಾರ್ಲ, ನಿತ್ಯ ಶೆಟ್ಟಿ ನಾರ್ಲ ಹೊಸಮನೆ, ಸಂತೋಷ್ ಶೆಟ್ಟಿ ನಾರ್ಲ ನಿರ್ಮಾಣದ ಈ ಭಕ್ತಿ ಸುಗಿಪುನ್ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಬೊಕ್ಕ ವಿದ್ಯಾ ಡಿ ಸುವರ್ಣ ಪಂತೆರ್. ಮನೀಷ್ ಕುತ್ತಾರ್ ಸಾಹಿತ್ಯ ಬೊಕ್ಕ ರಾಗ ಸಂಯೋಜನೆ ಮಲ್ದೆರ್. ಅಶ್ವಿನ್ ಪುತ್ತೂರ್ ಸಂಗೀತ ಕೊರ್ತೆರ್. ಛಾಯಾಗ್ರಹಣ ಬೊಕ್ಕ ಸಂಕಲನ ಬಾತು ಕುಲಾಲ್ ಮೇರ್ ಕೊರ್ತೆರ್. ನಿಕಿತ್ ಕುತ್ತಾರ್, ಪ್ರತೀಕ್ ಬಜ್ಪೆ, ಸಂತೋಷ್ ವಿಟ್ಲ ಸಹಕಾರ ಮಲ್ದೆರ್.