ಬಿಗ್‌ಬಾಸ್ ಸೀಸನ್ 9 ದ ವಿನ್ನರ್ ಪಟ್ಟಗ್ ಕೌಂಟ್‌ಡೌನ್ ಸುರು ತುಳುನಾಡ್‌ದ ಸ್ಟಾರ್ ರೂಪೇಶ್ ಶೆಟ್ಟಿ ಗೆಂದುನ ಸಾಧ್ಯತೆ

ಬಿಗ್‌ಬಾಸ್ ಸೀಸನ್ 9 ಮುಗಿಯರೆ ಕೆಲವು ಪೊರ್ತು ಮಾತ್ರ ಬಾಕಿ ಉಂಡು. ಬಿಗ್‌ಬಾಸ್ ವಿನ್ನರ್ ಏರ್ ಆಪೆರ್ ಪಂದ್ ಅಭಿಮಾನಿಲು ಕಾತೊಂದುಲ್ಲೆರ್.

ತುಳುನಾಡ್‌ಡ ಪುಗರ್ತೆದ ನಟೆ ಮಸ್ತ್ ತುಳು ಪಿಚ್ಚರ್‌ಡ್ ನಟನೆ ಮಲ್ತಿನ ರೂಪೇಶ್ ಶೆಟ್ಟಿ ಬಿಗ್‌ಬಾಸ್ ಸೀಸನ್ 9 ವಿನ್ನರ್ ಆಪಿನ ಸಾಧ್ಯತೆ ಉಂಡು. ತನ್ನ ಪಾತೆರ, ತೆಲಿಕೆ ನಲಿಕೆದ ಮುಕೇನ ಸುರುರ್ದ್ ಎಡ್ಡೆ ರೀತಿಡ್ ಗೊಬ್ಬೊಂದಿತ್ತಿನ ತುಳುನಾಡ್‌ದ ಸ್ಟಾರ್ ರೂಪೇಶ್ ಶೆಟ್ಟಿ ಗೆಂದೊಡು ಆವೊಡು ಪಂದ್ ತುಳು ಅಭಿಮಾನಿಲು ಪನೊಂದುಲ್ಲೆರ್.

ಇತ್ತೆ ಬಿಗ್‌ಬಾಸ್ ಸೀಸನ್ 9 ದ ಫೈನಲಿಸ್ಟ್ ಆದ್ ರೂಪೇಶ್ ಶೆಟ್ಟಿ, ರಾಕೇಶ್ ಅಡಿಗ, ರಾಜಣ್ಣ, ದೀಪಿಕಾ ದಾಸ್ ಉಲ್ಲೆರ್. ಅವೆಟ್ಟ್ ರೂಪೇಶ್ ಶೆಟ್ಟಿ ಬೊಕ್ಕ ರಾಕೇಶ್ ಅಡಿಗ ನಡುಟ್ಟ್ ಮಸ್ತ್ ಫೈಟ್ ಉಂಡು. ಡಿ. 31 ತ್ತ ಕತ್ತಲೆಗ್ ಕಲರ್ಸ್ ಕನ್ನಡಡ್ ಬಿಗ್‌ಬಾಸ್ ಸೀಸನ್-9 ದ ವಿನ್ನರ್ ಪಟ್ಟ ಏರೆಗ್ ತಿಕ್ಕರೆ ಉಂಡು ಪಂದ್ ನಮ ತೆರಿಯೊಲಿ.