ತಿರುವನಂತಪುರಂ: ಗೊಬ್ಬೊಂದಿತ್ತಿನ ರಡ್ಡ್ ವರ್ಷದ ಬಾಲೆಯೊಂಜಿ ಬ್ಯಾಟರಿ ದಿಂಗ್ ದಿತ್ತ್ದ್ ಅವೆನ್ ವೈದ್ಯೆರ್ 20 ನಿಮಿಷಡ್ ಪಿದಯಿ ದೆತ್ತ್ದ್ ಬಾಲೆನ್ ಬಚಾವ್ ಮಲ್ತಿನ ಘಟನೆ ತಿರುವನಂತಪುರಟ್ಟ್ ನಡತ್ಂಡ್.
ಟಿವಿ ರಿಮೋಟ್ಗ್ ಪಾಡ್ದಿನ 5 ಸೆಂಟಿಮೀಟರ್ ಉದ್ದದ ಬೊಕ್ಕ ಒಂಜರೇ ಸೆಂಟಿ ಮೀಟರ್ ಅಗೆಲದ ಬ್ಯಾಟರಿನ್ ಬಾಲೆ ಗೊಬ್ಬೊಂದಿತ್ತಿನ ಪೊರ್ತುಡು ದಿಂಗ್ ದ್ಂಡ್. ವಿಷಯ ತೆರಿ ಕೂಡ್ಲೆ ಪೋಷಕೆರ್ ಬಾಲೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಯಿಬೊಕ್ಕ ವೈದ್ಯೆರ್ ಶಸ್ತ್ರ ಚಿಕಿತ್ಸೆ ಮಲ್ತ್ದ್ 20 ನಿಮಿಷಡ್ ಬ್ಯಾಟರಿನ್ ಪಿದಯಿ ದೆತ್ತ್ದೆರ್.