ಅಂಡಮಾನ್ ಡ್ ಚಂಡಮಾರುತ, ತುಳುನಾಡ್ ಡ್ ಬರ್ಸ!

ಅಂಡಮಾನ್ ಕಡಲ ಕುದುರುದ ತೆನ್ಕಾಯಿ ಜಾಗೆಡ್ ವಾಯುಭಾರ ಕುಸಿತ ಆದ್, ತೆನ್ಕಾಯಿ ರಾಜ್ಯಲೆಗ್ ಚಂಡಮಾರುತ ಬರ್ಪಿನ ಸಾಧ್ಯತೆ ಉಂಡು.

ಈ ಚಂಡಮಾರುತಗ್ ಮ್ಯಾಂಡಸ್ ಪಂದ್ ಪುದರ್ ದೀತೆರ್. ತಮಿಳುನಾಡ್-ಪುದುಚೇರಿ ಮುಖೇನ ಡಿ.8 ಕ್ ಅವು ಆಂಧ್ರದ ತೆನ್ಕಾಯಿ ಭಾಗೊಗು ಹಾಕುನ ನಿಸಾನಿ ಉಂಡು ಪಂದ್ ಹವಾಮಾನ ಇಲಾಖೆ ಪಂತ್ಂಡ್. ನೆತ್ತ ಪರಿಣಾಮವಾದ್ ತುಳುನಾಡ್ ಸೇರ್ದ್ ಕರ್ನಾಟಕ ದಕ್ಷಿಣ ಒಳನಾಡ್, ಉತ್ತರ ಒಳನಾಡ್ ಜಿಲ್ಲೆಲೆಡ್ ಡಿ.8 ಬೊಕ್ಕ 9 ದಾನಿ ಭಾರೀ ಬರ್ಸ ಬರ್ಪುಂಡು. ಅಂಚಾದ್ ಯೆಲ್ಲೋ ಅಲರ್ಟ್ ಘೋಷಣೆ ಆತ್ಂಡ್.