ಪಿರವುರ್ದ್ ಬರೊಂದಿತ್ತಿನ ಟೆಂಪೋ ಗುದ್ದುದು ಬೈಕ್ ಸಮೇತ ಲಾಗಿದ್ ಎದುರುಗು ಪೋವೊಂದಿತ್ತಿನ ಕಾರ್‌ಗ್ ಗುದ್ದುದು ಫೋಟೋಗ್ರಾಫರ್ ತೀರ್ ಪೋಯೆರ್

ಕಾರವಾರ: ಬೈಕ್ ಬೊಕ್ಕ ಟೆಂಪೋದ ನಡುಟ್ಟ್ ಆಕ್ಸಿಡೆಂಟ್ ಆದ್ ಆಸ್ಪತ್ರೆಗ್ ಕೊನನಗ ಸಾದಿದ ನಡುಟ್ಟ್ ಬೈಕ್ ಡ್ರೈವರ್ ತೀರ್ ಪೋಯಿನ ಘಟನೆ ಕಾರವಾರದ ಅಮದಳ್ಳಿ ಕೈತಲ್ ನಡತ್ಂಡ್.

ಕುಮಟಾದ ಫೋಟೊಗ್ರಾಫರ್ ಆಯಿನ ಮಹಾಬಲೇಶ್ವರ ಅಂಬಿಗ ತೀರ್ ಪೋಯಿನಾರ್. ಬೈಕ್‌ಡ್ ಪೋವೊಂದಿಪ್ಪುನಗ ಮಹಾಬಲೇಶ್ವರ ತಿರ್ಗಾಸ್‌ಡ್ ಬೈಕ್ ಟರ್ನ್ ಮಲ್ಪುನಗ ಈ ಘಟನೆ ನಡತ್ಂಡ್.

ಬೈಕ್‌ದ ಪಿರವು ಇತ್ತಿನ ಟೆಂಪೋ ಡ್ರೈವರ್‌ನ ನಿಯಂತ್ರಣ ತಿಕ್ಕಂದೆ ದುಂಬು ಇತ್ತಿನ ಮಹಾಬಲೇಶ್ವರ ಮೆರೆನ ಬೈಕ್‌ಗ್ ಗುದ್ದುದ್ಂಡ್. ಬೈಕ್‌ಡ್ ಇತ್ತಿನ ಮಹಾಬಲೇಶ್ವರ ಪಿಚ್ಚರ್‌ದ ರೀತಿಡ್ ಬೈಕ್ ಸಮೇತ ಲಾಗಿದ್ ಎದುರುಗು ಪೋವೊಂದಿತ್ತಿನ ಕಾರ್‌ಗ್ ಗುದ್ದುದು ಮಾರ್ಗದ ಬರಿಕ್ಕ್ ಬೂರ್ದೆರ್.