ನಾಲ್ ತಿಂಗೊಲ್ದ ದ ಎಲ್ಯ ಬಾಲೆಗ್ ಮೂಜಿ ದಿನರ್ದಿಂಚ ಬುಡ್ದು ಬುಡ್ದು ಜರ ಬರೊಂದು ಇತ್ತ್ಂಡ್. ಜರ ಕಮ್ಮಿ ಆಯೆರೆ ಕೇನಂದಿಪ್ಪನಗ ಬಾಲೆದ ಕುಟುಂಬದಕುಲು ಕುಂದಾಪುರದ ಚಿನ್ಮಯ ಆಸ್ಪತ್ರೆಗ್ ದಾಖಲ್ ಮಲ್ತೆರ್. ಅಲ್ಪ ಡಾಕ್ಟರ್ ಆಪುಜಿ ಪಂದ್ ಮಣಿಪಾಲದ ಕೆಎಂಸಿ ಆಸ್ಪತ್ರೆಗ್ ದಾಖಲ್ ಮಲ್ಪೆರೆ ಪಂಡೆರ್.
ಡಾಕ್ಟರ್ ನ ಸಲಹೆದ ಅಂಚೆನೆ ಈ ಆಸ್ಪತ್ರೆಗ್ ಸೇರ್ಸಾಯೆರ್ ಮುಲ್ಪ ಡಾಕ್ಟರ್ ಬಾಲೆನ್ ಪರೀಕ್ಷೆ ಮಲ್ತ್ ದ್ ಬಾಲೆಗ್ ಜೋರು ಜರ, ಫಿಡ್ಸ್ ಬೊಕ್ಕ ಹಾರ್ಟ್ ಉಂತುನ ಸಾಧ್ಯತೆಲ ಉಂಡು ಪಂದ್ ಬಾಲೆನ್ 9 ದಿನ ಐಸಿಒ ಡ್ ದೀಯೆರ್. ಆಂಡಲ ಬಾಲೆ ಹುಷಾರ್ ಆವಂದಿನಪಗ ಆಸ್ಪತ್ರೆಡ್ ಡಾಕ್ಟರ್ ನನ ಈ ಬಾಲೆನ್ ಬದ್ಕಾಯೆರೆ ಸಾಧ್ಯ ಇಜ್ಜಿ ಪಂದ್ ಪಂಡೆರ್.
ಆಸ್ಪತ್ರೆ ರ್ದ್ ಪಿದಯಿ ಬತ್ತಿನ ಕುಟುಂಬ ಒಡಿಪು ಎಂಜಿಎಂ ಕೈತಲ್ ಡ್ ಇಪ್ಪುನ ಕೊರಗಜ್ಜನ ಕ್ಷೇತ್ರಗ್ ಬತ್ತ್ ದ್, ಕೊರಗಜ್ಜನ ಎದುರು ಜೆಪುಡಾದ್ ಕೈ ಮುಗಿದ್ ಗಂಧ ಪರ್ಸಾದ ಕೊನೊಯೆರ್. ನೇರ್ದಾವೆರ ಬಾಲೆ ಹುಷಾರ್ ಆತ್ಂಡ್. ಉಂದು ಕೊರಗಜ್ಜನ ಪವಾಡ, ಕೊರಗಜ್ಜೆನೆ ಬದ್ಕಾಯಿನಿ ಪಂದ್ ಕುಟುಂಬದ ನಂಬಿಕೆ. ಕೊರಗಜ್ಜನ ಕಾರ್ಣಿಕ ಮಸ್ತ್ ಉಂಡು ಪನ್ಪುನೆಕ್ ಒಂಜಿ ಉದಾಹರಣೆ.
pallavi shetty