ಚರ್ಮ ಗಂಟ್ ಸೀಕ್ ತಡೆಪುನ ನಿಲೆಟ್ಟ್ ಕೈಕಂಜಿಲೆನ ಸಾಗಾಟೊಗು ನಿಷೇಧ: ಜಿಲ್ಲಾಧಿಕಾರಿ ಆದೇಶ

ಕುಡ್ಲ : ಕೈಕಂಜಿಲೆನ ಚರ್ಮಗಂಟ್ ಸೀಕ್ ಕಮ್ಮಿ ಮಲ್ಪೆರೆ ಬೋಡಾದ್ ದಕ್ಷಿಣ ಕನ್ನಡ ಜಿಲ್ಲಾಡಳಿತ ಜಿಲ್ಲೆಡ್ ನ. 30 ಮುಟ್ಟ ಕೈಕಂಜಿಲೆನ ಸಾಗಾಟೊಗು ಒಂತೆ ದಿನ ನಿಷೇಧ ಮಲ್ದ್ಂಡ್.

ಕ್ಯಾಪ್ರಿಪಾಕ್ಸ್ ಪನ್ಪುನ ವೈರಾಣುರ್ದ್ ಬರ್ಪುನ ಚರ್ಮಗಂಟ್ ಸೀಕ್ ಪೆತ್ತ ಬೊಕ್ಕ ಎರ್ಮೆಲೆಡ್ ಇಪ್ಪುಂಡು. ಸೀಕ್ ಇತ್ತಿನ ಕೈಕಂಜಿ ಸಾಗಾಟ ಮಲ್ತ್ಂಡ ಆರೋಗ್ಯಡ್ ಇಪ್ಪುನ ಕೈಕಂಜಿಲೆಗ್ಲಾ ಬರ್ಪುಂಡು. ಅಂಚಾದ್ ಅ.20ರ್ದ್ ನ. 30 ಮುಟ್ಟ ಕೈಕಂಜಿ ಸಾಗಾಟೊಗು ನಿಷೇಧ ಪಂದ್ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಆದೇಶ ಕೊರ್ತೆರ್. ನೆತ್ತ ಒಟ್ಟಿಗೆ ಗ್ರಾಮ ಪಂಚಾಯತಿ ವ್ಯಾಪ್ತಿಡ್ ಕೆಲೆಂಜಿ, ಉಮಿಲ್ ನ್ ಕಮ್ಮಿ ಆಯೆರೆ ಫಾಂಗಿಗ್ ಮಲ್ಪುಲೆಕ್ಕ ಮೇರ್ ಈ ಬಗೆಟ್ ಸಂಬಂಧ ಪಟ್ಟಿನಕುಲೆಗ್ ತೆರಿಪಾದೆರ್.