ಚಿಕ್ಕಬಳ್ಳಾಪುರ: ಪೊಸ ಇಲ್ಲ್ ಗ್ ಕರೆಂಟ್ ಅರ್ತಿಂಗ್ ಮಲ್ಪರೆ ಗುರಿ ದೆಪ್ಪುನಗ ದೇವೆರೆನ ಮೂರ್ತಿ ತಿಕ್ಕಿನ ಘಟನೆ ಚಿಕ್ಕಬಳ್ಳಾಪುರ ಜಿಲ್ಲೆದ ಗೌರಿಬಿದನೂರ್ ತಾಲೂಕ್ ದ ಹೊನ್ನಪ್ಪನಹಳ್ಳಿ ಗ್ರಾಮಡ್‌ ನಡತ್ಂಡ್.
ಶಿವಕುಮಾರ್ ಬೊಕ್ಕ ಬಾಬು ಪನ್ಪುನ ಮೆಗ್ಯೆ ಪಲಯಲ್ಲು ತೋಟದ ಜಾಗೆಡ್ ಪೊಸ ಇಲ್ಲ್ ಕಟ್ಟೊಂದು ಇಪ್ಪುನ ಪೊರ್ತುಡು ಇಲ್ಲ್ ಗ್ ಕರೆಂಟ್ ದ ಅರ್ತ್ ಕೇಬುಲ್ ಪಾಡಿಯೆರೆ ಇಲ್ಲದ ಕೈತಲ್ ಗುರಿ ದೆಪ್ಪುನ ಗ ಸುರುಕು ಮಲ್ಲ ಬಂಡೆ ಕಲ್ಲ್ ತಿಕ್ಕ್ಂಡ್. ಆಯಿನ್ ದೆತ್ತ್ ದ್ ತೂನಗ ಆಯಿತ ಅಡಿಟ್ಟ್ ದೇವೆರೆನ ಕಲ್ಲ್ ದ ಮೂರ್ತಿಲು ತೋಜಿದ್ ಬೈದ್ಂಡ್. ಈ ಮೂರ್ತಿನ್ ಏಕಶಿಲೆಟ್ ಕೆತ್ ದೆರ್. ನೆಟ್ಟ್ ವಿಷ್ಣು ಬೊಕ್ಕ ಲಕ್ಷ್ಮಿ ದೇವೆರೆನ ಮೂರ್ತಿಲು ಉಲ್ಲ. ಈ ಬಗೆಟ್ ಪುರಾತತ್ವ ಇಲಾಖೆಗ್ ಮಾಹಿತಿ ಕೊರ್ತೆರ್.
ಸುದ್ದಿ ತೆರಿದ್ ಗುಂಪು ಗುಂಪಾದ್ ಬತ್ತಿನ ಗ್ರಾಮಸ್ಥೆರ್ ಮೂರ್ತಿ ಲೆಗ್ ಭಕ್ತಿಡ್ ಪೂಜೆ ಮಲ್ತೊಂದು ಉಲ್ಲೆರ್.
Editorial