ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಮುತಾಲಿಕೆಡ್ ಸಿರಿಚಾವಡಿ ಪುರಸ್ಕಾರ, ತುಳು ಪುಸ್ತಕ ಭಂಡಾರ ಬೊಕ್ಕ ಇಲ್ಲ್ ಇಲ್ಲಗ್ ತುಳು ಲಿಪಿ ಪಟ್ಟುನ ಲೇಸ್ ಅ.13 ಗುರುವಾರ ಮಧ್ಯಾಹ್ನ 2 ಗಂಟೆಗ್ ಸುರತ್ಕಲ್ ಗೋವಿಂದದಾಸ ಕಾಲೇಜ್ ಡ್ ನಡಪರೆ ಉಂಡು.
ಈ ಲೇಸ್ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾಲು ದಯಾನಂದ ಜಿ.ಕತ್ತಲ್ ಸಾರ್ ನ ಗುರ್ಕಾರ್ಮೆಡ್ ನಡಪರೆ ಉಂಡು.
ಹಿಂದೂ ವಿದ್ಯಾದಾಯಿನಿ ಸಂಘ (ರಿ). ಸುರತ್ಕಲ್ ನೆತ್ತ ಕಾರ್ಯಂತೆರ್ ಶ್ರೀರಂಗ ಹೊಸಬೆಟ್ಟು ಲೇಸ್ ದ ಉದಿಪನ ಮಲ್ಪೆರೆ ಉಲ್ಲೆರ್.
ಶಾಸಕೆರ್ ಡಾ.ವೈ.ಭರತ್ ಶೆಟ್ಟಿ ಚಾವಡಿ ತಮ್ಮನ ನಡಪಾದ್ ಕೊರ್ಪೆರ್. ಬೈಕಂಪಾಡಿ ರೋಟರಿ ಕ್ಲಬ್ ಗುರ್ಕಾಲು ರೊ.ಅಶೋಕ್ ಎನ್. ಮೇರ್ ತುಳು ಪುಸ್ತಕ ಭಂಡಾರ ಉದಿಪನ ಮಲ್ಪೆರೆ ಉಲ್ಲೆರ್.
ಮಲ್ಲ ಬಿನ್ನೆರಾದ್ ಕಾರ್ಪೋರೇಟರ್ ವರುಣ್ ಚೌಟ, ಕರ್ನಾಟಕ ಯಕ್ಷಗಾನ ಅಕಾಡೆಮಿದ ಪದುಕೆರ್ ಮಾಧವ ಭಂಡಾರಿ ಕುಳಾಯಿ,ಬಂಟರ ಸಂಘ (ರಿ.)ಸುರತ್ಕಲ್ ದ ಗುರ್ಕಾರ್ಲು ಸುಧಾಕರ ಪೂಂಜ, ಕುಲಾಲ ಸಂಘ (ರಿ.) ಸುರತ್ಕಲ್ ದ ಗುರ್ಕಾರ್ಲು ಮೋಹನ್ ಐ.ಮೂಲ್ಯ, ಕುಳಾಯಿ ಬ್ರಹ್ಮಶ್ರೀ ನಾರಾಯಣಗುರು ಸಮಾಜ ಸೇವಾ ಸಂಘ (ರಿ.) ಗುರ್ಕಾರ್ಲು ಗೋಪಾಲ ಬಂಗೇರ ಕೆ, ಅಗರಿ ಎಂಟರ್ ಪ್ರೈಸಸ್ ಸುರತ್ಕಲ್ ದ ಧನಿಕುಲು ಅಗರಿ ರಾಘವೇಂದ್ರ ರಾವ್, ಗೋವಿಂದದಾಸ ಕಾಲೇಜ್ ಪ್ರಿನ್ಸಿಪಾಲ್ ಕೃಷ್ಣಮೂರ್ತಿ ಮಿತ್ತರ್ಮೆಡ್ ಉಪ್ಪುವೆರ್.
ಈ ಲೇಸ್ ಗ್ ಅಕಾಡೆಮಿದ ರಿಜಿಸ್ಟ್ರಾರ್ ಕವಿತಾ, ಸದಸ್ಯ ಸಂಚಾಲಕೆರ್ ನಾಗೇಶದ ಕುಲಾಲ್ ಬೊಕ್ಕ ಸರ್ವಸದಸ್ಯೆರ್ ಮಾತೆರೆನ್ಲಾ ಮೋಕೆಡ್ ಎದ್ಕೊಂದೆರ್.
pallavi shetty