ದಸರಾ ಪರ್ಬ ಮಾತೆರೆಗ್ಲಾ ಸುಖ, ಶಾಂತಿ, ನೆಮ್ಮದಿ ಕೊರಡ್: ಮುಖ್ಯಮಂತ್ರಿ ಬೊಮ್ಮಾಯಿ

ಬೆಂಗ್ಲೂರ್: ನಾಡಪರ್ಬ ದಸರಾ ರಾಜ್ಯಡ್ ಮಾತೆರೆಗ್ಲ ಸುಖ, ಶಾಂತಿ, ನೆಮ್ಮದಿ ಕೊರಡ್ ಪಂದ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಸಮಸ್ತ ಜನಕುಲೆಗ್ ಶುಭ ಹಾರೈಕೆ ಮಲ್ದೆರ್.

ಅಂಚನೆ ಸುದ್ದಿಗಾರರೆಡ ಪಾತೆರ್ನ ಆರ್, ಇನಿ ಬೊಕ್ಕ ಎಲ್ಲೆ ದಸರಾ ಪರ್ಬ, ಜನಕುಲು ನೆಮ್ಮದಿಡ್ ಪರ್ಬನ್ ಆಚರಣೆ ಮಲ್ಪಡ್. ದುಷ್ಟರೆನ ನಿಗ್ರಹ ಅವಡ್. ಶಿಷ್ಟರೆನ ರಕ್ಷಣೆ ಅವಡ್. ನಾಡ್ ಡ್ ಶಾಂತಿ, ಸುಭಿಕ್ಷೆ ನೆಲೆಸಡ್ ಪಂದ್ ನಾಡ ದೇವತೆ ಶ್ರೀ ಚಾಮುಂಡೇಶ್ವರಿ ದೇವಿಡ ಪ್ರಾರ್ಥನೆ ಮಲ್ಪುವೆ. ಅಮ್ಮ ಚಾಮುಂಡೇಶ್ವರಿ ಮಾತೆರೆಗ್ಲ ಆಶೀರ್ವಾದ ಮಲ್ಪಡ್‌.

ಪರ್ಬ ಇಪ್ಪುನ ಕಾರಣ ಯಾನ್ ಒವೊವ್ವೆ ರಾಜಕೀಯ ವಿಷಯಲೆನ್ ಪಾತೆರುಜಿಜಿ. ಪ್ರತಿಪಕ್ಷಲು ದಾದನೆ ಆರೋಪ ಮಲ್ಪಡ್. ಮಾತೆಕ್ಲ ಗುರುವಾರ ಉತ್ತರ ಕೊರ್ಪೆ ಪಂಡೆರ್.