ಕಲ್ಲಾಪು ಬುರ್ದುಗೋಳಿ ಕೊರಗಜ್ಜನ ಆದಿಡ್ “ಮಾಯದ ಮಾಯ್ಕಾರೆ ನಮ್ಮ ಕೊರಗಜ್ಜೆ” ತುಳು ಭಕ್ತಿ ಪ್ರಧಾನ ನಾಟಕದ ಮೂರ್ತ

ರಂಗಭೂಮಿದ ಪುಗರ್ತೆದ ಕಲಾವಿದೆರ್ ತುಳುನಾಡ ರತ್ನ ದಿನೇಶ್ ಅತ್ತಾವರ ರಚನೆ ಮಲ್ತ್ ದ್ ನಿರ್ದೇಶನ ಮಲ್ತಿನ ತುಳು ಭಕ್ತಿ ಪ್ರಧಾನ ನಾಟಕ “ಮಾಯೊದ ಮಾಯ್ಕಾರೆ ಕೊರಗಜ್ಜೆ” ದ ಮೂರ್ತ ಕಲ್ಲಾಪು ಬುರ್ದುಗೋಳಿ ಕೊರಗಜ್ಜ ಆದಿಡ್ ನಡತ್‌ಂಡ್.

ಕೊರಗಜ್ಜ ದೈವ ನರ್ತಕೆರ್ ಮಾಯಿಲ ಕುತ್ತಾರ್, ರಾಮ ಕಬಕ ಪುತ್ತೂರು, ಬುರ್ದುಗೋಳಿ ಕೊರಗಜ್ಜ ಕ್ಷೇತ್ರದ ಸಂಜೀವ ಭಂಡಾರಿ, ವಿಶ್ವನಾಥ ನಾಯ್ಕ್, ಪ್ರಶಾಂತ್ ಕಾಯಂಗಳ, ಪುರುಷೋತ್ತಮ ಮೆಲಂಟ, ತೊಕ್ಕೊಟ್ಟು ಸಾಯಿ ಪರಿವಾರ್ ಟ್ರಸ್ಟ್ ದ ಪುರುಷೋತ್ತಮ ಕಲ್ಲಾಪು, ಪ್ರವೀಣ್ ಎಸ್ ಕುಂಪಲ, ಉಳ್ಳಾಲ ಧನ್ವಂತರಿ ವೈದ್ಯ ಶಾಲೆದ ಗಣೇಶ್ ಪಂಡಿತ್ ಮುಳಿಹಿತ್ಲು, ಓವರ್ ಬ್ರಿಡ್ಜ್ ಕೊರಗಜ್ಜ ಕಟ್ಟೆದ ರಾಜೇಶ್ ಕಾಪಿಕಾಡ್, ರೋಹಿತ್ ಉಳ್ಳಾಲ್ ಅಂಚನೆ ರಂಗಭೂಮಿ ಕಲಾವಿದೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ನಾಟಕ ರಚನೆಕಾರೆರ್ ದಿನೇಶ್ ಅತ್ತಾವರ ಬತ್ತಿನ ಬಿನ್ನೆರೆನ್ ಎದ್ಕೊಂದು ಪೊಸ ನಾಟಕ ಮಾಯಕೊದ ಮಾಯಕಾರೆ ಕೊರಗಜ್ಜ ನಾಟಕದ ಬಗೆಟ್ ಸಂಪೂರ್ಣ ವಿವರಣೆ ಕೊರ್ದ್ ತುಳುನಾಡ್ ದ ಜನಕ್ಲೆನ ಸಾಕಾರ ಬಯಕಿಯೆರ್.