ಕುಡ್ಲ ಜಿಲ್ಲಾ ನ್ಯಾಯಾಲಯದ ಚಾವಡಿಡ್ “ಆಟಿದ ಲೇಸ್ “

ಕುಡ್ಲ ಜಿಲ್ಲಾ ನ್ಯಾಯಾಲಯದ ಚಾವಡಿಡ್ “ಆಟಿದ ಲೇಸ್ “

ಕುಡ್ಲ : ಕುಡ್ಲದ ಜಿಲ್ಲಾ ನ್ಯಾಯಾಲಯದ ಚಾವಡಿಡ್ ಕುಡ್ಲ ವಕೀಲರ ಸಂಘದ ವತಿರ್ದ್ ಆಟಿದ ಲೇಸ್‌ ನಡತುಂಡು.ಹೈಕೋರ್ಟ್‌ ನ್ಯಾಯಮೂರ್ತಿ ಪಿ.ಕೃಷ್ಣ ಭಟ್‌ ಲೇಸ್ ಉದೀಪನ ಮಲ್ತ್ , ‘ಆಟಿದ ಲೇಸ್ ಡ್ ತುಳುನಾಡ್ದ ಸಂಸ್ಕೃತಿದ ಅನಾವರಣ ಆತುಂಡು .ಇಲ್ಲಗ್ ಬತ್ತಿನ ಅನುಭವ ಆಂಡ್ ಪಂದ್ ಪಂಡೆರ್ ‘.

ವಿಶ್ರಾಂತ ಕುಲಪತಿ ಪ್ರೊ.ಬಿ.ಎ.ವಿವೇಕ್‌ ರೈ ಪಾತೆರ್ದ್ , ನಮ್ಮ ನೆಲದ ಸಂಸ್ಕೃತಿದ ಲೇಸ್ ನ್ ನ್ಯಾಯಾಲಯದ ಚಾವಡಿಡೇ ಅಟ್ಟನೆ ಮಲ್ತಿನವು ಬಾರಿ ಅರ್ಥಪೂರ್ಣವಾತುಂಡು ಪಂದ್ ಪಂಡೆರ್..

u

ವಕೀಲರ ಸಂಘದ ಗುರ್ಕಾರ್ಲಾಯಿನ ಪೃಥ್ವಿರಾಜ್ ರೈ ಎದುಕೊಂಡೆರ್ . ಪ್ರಧಾನ ಕಾರ್ಯದರ್ಶಿ ಶ್ರೀಧರ ಎಣ್ಮಕಜೆ ಸೊಲ್ಮೆ ಸಂದೈತ ಮಲ್ತೆರ್ . ಖಜಾಂಜಿ ಶಶಿರಾಜ್ ಕಾವೂರು ಲೇಸ್ ನಡಪಾದ್ ಕೊರಿಯೆರ್ . ವಕೀಲೆರ್ ಸೇರ್ದ್ ತುಳುನಾಡ್ ದ ಆಟಿದ 50ರ್ದ್ ಜಾಸ್ತಿ ಬಗೆತ ತೆನಸ್ ತಯಾರ್ ಮಲ್ತ್ ಮಾತೆರೆಗ್ಲಾ ಬಲಸಿಯೆರ್.