ಉಬಾರ್: ಸರಕಾರಿ ಪ್ರಥಮ ದರ್ಜೆ ಕಾಲೇಜ್ ಕನ್ನಡ ಸ್ನಾತಕೋತ್ತರ ವಿಭಾಗದ ಮುತಾಲಿಕೆಡ್ ನಡತ್ಂಡ್ ತುಳುನಾಡ್ ದ ಐಸಿರ 2022 ಲೇಸ್
ಉಬಾರ್: ಸರಕಾರಿ ಪ್ರಥಮ ದರ್ಜೆ ಕಾಲೇಜ್ ಉಬಾರ್ ಡ್ ಕನ್ನಡ ಸ್ನಾತಕೋತ್ತರ ವಿಭಾಗದ ಮುತಾಲಿಕೆಡ್ ತುಳುನಾಡ್ ದ ಐಸಿರ 2022 ಲೇಸ್ ಆಗೋಸ್ಟ್ 5 ಬೊಕ್ಕ 6 ತಾರೀಕ್ ಗ್ ನಡತ್oಡ್.
ತುಳುನಾಡ ಮಾಣಿಕ್ಯ ಬಿರುದು ಪಡೆಯಿನ ನಟೆ ಅರವಿಂದ ಬೋಳಾರ್ ಲೇಸ್ ನ್ ಉದಿಪನ ಮಲ್ತೆರ್. ಲೇಸ್ ದ ಗುರ್ಕಾರ್ಮೆನ್ ಕಾಲೇಜ್ ದ ಪ್ರಾಂಶುಪಾಲೆರ್ ಶೇಖರ್ ಎಂ. ಡಿ ಮೇರ್ ಒಯಿಸ್ ದಿತ್ತೆರ್.
ತುಳುನಾಡ್ ದ ಆಚಾರ ಇಚಾರ ಸಂಸ್ಕೃತಿ ಇತ್ತೆದ ಕಾಲಡ್ ಮಾಜಿದ್ ಪೋವೊಂದಿತ್ತಿನೆಡ್ದಾವರ ಅವೆನ್ ತೆರಿಪಾವುನ ಬಗೆಟ್ ಈ ಲೇಸ್ ನ್ ಅಟ್ಟನೆ ಮಲ್ತ್ ದಿತ್ತೆರ್.
ಕನ್ನಡ ಸ್ನಾತಕೋತ್ತರ ವಿಭಾಗದ ಮುತಾಲಿಕೆಡ್ ಅರವಿಂದ ಬೋಳಾರ್ ಮೇರೆನ್ ಮಾನಾದಿಗೆ ಮಲ್ತೆರ್.
ಈ ಲೇಸ್ ಡ್ ಪಿರಾಕ್ ದ ವಸ್ತುಲೆನ ಪ್ರದರ್ಶನ, ಸಾಂಸ್ಕೃತಿಕದ ಬಗೆಟ್ ತೆರಿಪಾವುನ ಪ್ರಯತ್ನ ನಡತ್ಂಡ್. ಯಕ್ಷಗಾನ, ಕೊಳಲುವಾದನ, ತುಳುನಾಡ ಸಾಂಸ್ಕೃತಿಕ ವೈಭವ ಅಂಚನೆ ಮಸ್ತ್ ಬಗೆತ್ತ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್oಡ್. ಅಂಚನೆ ಕಾಲೇಜ್ ದ ಕಲ್ಪಾರ್ಥಿಲೆಗ್ ಬೇತೆ ಬೇತೆ ರೀತಿದ ಪಂತೊಲು ನಡತ್oಡ್.
ಆಗೋಸ್ಟ್ 6 ತಾರೀಕ್ ಗ್ ದೇವೆರ್ನ ಸುಗಿಪುದ ಮುಖೇನ ಲೇಸ್ ಸುರು ಆಯಿಬೊಕ್ಕ ಸಾಧಕೆರೆನ್ ಪ್ರಶಸ್ತಿ ಕೊರ್ದ್ ಗುರ್ತಿಸಾಯೆರ್. ಮುಗಿತಲ ಲೇಸ್ ದ ಬಿನ್ನೆರಾದ್ ಪುಗರ್ತೆದ ಯಕ್ಷಗಾನ ಭಾಗವತೆರ್ ಗಿರೀಶ್ ರೈ ಕಕ್ಕೆಪದವು ಮೇರ್ ಪಾಲ್ ಪಡೆದಿತ್ತೆರ್ ಅoಚನೆ ಮೆರೆನ್ ಕಾಲೇಜ್ ದ ಮುತಾಲಿಕೆಡ್ ಮಾನಾದಿಗೆ ಮಲ್ತೆರ್. ಕಾಲೇಜ್ ಡ್ ರ್ಯಾಂಕ್ ಬತ್ತಿನ ಕಲ್ಪಾರ್ಥಿಲು ಆಯಿನ ಮಧುಶ್ರೀ, ಪುಣ್ಯ, ಶ್ರೇಯಾ, ಸವಿತಾ N. R, ಪ್ರಮೀಳಾ B ಮೊಕ್ಲೆಗ್ ಮಾನಾದಿಗೆ ನಡತ್ಂಡ್.
