ನಮ್ಮ ಜಾಸ್ತಿ ಪರಂಪರೆ ಸಾಧಕೆರೆನ ವಿವರ ದಾಖಲೀಕರಣ ಇಪ್ಪಂದೆ, ಮಾಹಿತಿ ಇಪ್ಪಂದಿಲೆಕ್ಕ ಆತುಂಡ್:- ಉಪಕುಲಪತಿಲಾಯಿನ ಡಾ.ನಿರಂಜನ ವಾನಳ್ಳಿ
ಕಟೀಲ್: ಕಟೀಲ್ ಮೇಳ ಎಂಚ ಇತ್ತ್ಂಡ್ ಪನ್ಪುನೆಕ್ ದುಂಬುದ ಪೀಳಿಗೆಗೆ ಗೊತ್ತಾವೊಂಡ ದಾಖಲೀಕರಣ ಅಗತ್ಯ ಉಂಡು ಅಂಚಿನ ಕೆಲಸ ಮಲ್ಪುನ ಆಡಳಿತ ಮಂಡಳಿಗ್ ಅಭಿನಂದನೆ ಸಂದಾವೊಡು ಪಂದ್ ಬೆಂಗಳೂರು ಉತ್ತರ ವಿಶ್ವವಿದ್ಯಾನಿಲಯದ ಉಪಕುಲಪತಿಲಾಯಿನ ಡಾ. ನಿರಂಜನ ವಾನಳ್ಳಿ ಪಂಡೆರ್. ಆರ್ ಸೋಮಾರ ಕಟೀಲ್ ದೇವಲ್ಯದ ಕುದ್ರುಡು ನಡತಿನ ಕಟೀಲ್ ಮೇಳ ಬೊಕ್ಕ ಪರತಿರಿ ( ಇತಿಹಾಸ) ಪ್ರಜ್ಜೆ ಕಾರ್ಯಕ್ರಮಡ್ ಪಾತೆರ್ದ್ ನಮ್ಮ ಜಾಸ್ತಿ ಪರಂಪರೆ ಸಾಧಕೆರೆನ ವಿವರ ದಾಖಲೀಕರಣ ಇಪ್ಪಂದೆ, ಮಾಹಿತಿ ಇಪ್ಪಂದಿಲೆಕ್ಕ ಆತುಂಡ್. ಏತೇ ಸಾಧನೆ ಮಲ್ತ್ಂಡಲಾ ದಾಖಲೆ ಇಪ್ಪಂದೆ ಹಾಳಾದ್ ಪೋತುಂಡು, 400 ವರ್ಷ ಚರಿತ್ರೆ ಉಂಡು ಪನ್ಪ ಆಂಡ ಆ ಬಗೆಟ್ ದಾಖಲೆ ನಮಡ ಇಪ್ಪಂದೆ, ಒವೆ ವಿಷಯ ಒವೆ ಸ್ಥಿತಿ ಇತ್ತ್ಂಡಲಾ ದಾಖಲೀಕರಣ ಅಗತ್ಯ, ದಾಖಲೀಕರದ ಅಗತ್ಯತೆ ಗೊತ್ತಾಪುನು 100 ವರ್ಷದ ಬೊಕ್ಕ ಅವೆಕ್ ಬೋಡಾದ್ ದಾಖಲೀಕರಣ ಅಗತ್ಯ ಪಂಡೆರ್.
ಕಟೀಲು ದೇವಲ್ಯದ ಮುಕ್ತೇಸೆರೆರ್ ವಾಸುದೇವ ಆಸ್ರಣ್ಣೆರ್ ಗುರ್ಕಾರ್ಮೆ ವಹಿಸೊಂದಿತ್ತೆರ್.
ಈ ಪೊರ್ತುಡು ಉಡುಪಿ ಕಲಾರಂಗದ ಗುರ್ಕಾರ್ಲು ಗಂಗಾಧರ ರಾವ್, ವಿದ್ವಾಂಸೆರ್ ಪ್ರಭಾಕರ ಜೋಷಿ, ಕಾವೂರು ಬಾಬು ಶೆಟ್ಟಿ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ದೇವಳದ ಪ್ರಧಾನ ಅರ್ಚಕೆರ್ ಹರಿನಾರಾಯಣದಾಸ ಆಸ್ರಣ್ಣೆರ್ ಎದ್ಕೊಂಡೆರ್, ಶ್ರತಕೀರ್ತಿ ನಿರೂಪಣೆ ಮಲ್ತೆರ್.
