ಕರ್ನಾಟಕ ಕೇರಳ ಗಡಿತ 32 ಕಡೆಟ್ ಸಿಸಿಟಿವಿ ಪಾಡೊಡು : ಸಚಿವ ಎಸ್ ಅಂಗಾರ
ಒಡಿಪು : ಬೆಳ್ಳಾರೆದ ಪ್ರವೀಣ್ ನೆಟ್ಟಾರುನು ಕೆರಿನ ನೆಲೆಟ್ಟ್ ದುಂಬುದ ದಿನೊಟು ಈ ರೀತಿಯ ಘಟನೆ ಆವಂದಿಲಕ ಕರ್ನಾಟಕ ಬೊಕ್ಕ ಕೇರಳದ ಗಡಿ ಪ್ರದೇಶದ 32 ಕಡೆಟ್ ಸಿಸಿ ಟಿವಿ ಪಾಡೆರೆ ಮುಖ್ಯಮಂತ್ರಿ ಅನುದಾನ ಮಂಜೂರು ಮಲ್ದೆರ್ ಪಂದ್ ಮೀನುಗಾರಿಕಾ ಸಚಿವ ಎಸ್.ಅಂಗಾರ ಪಂಡೆರ್ .
ಒಡಿಪುಡು ಮಾಧ್ಯಮದಕ್ಲೆನ ಒಟ್ಟುಗು ಪಾತೆರಿನ ಆರ್ ಇಂಚಿನ ಪ್ರಕರಣಡ್ ಜಾಗ್ರತೆದ ಕ್ರಮ ದೆತೊನುನ ನೆಲೆಟ್ಟ್ ಸಂಬಂಧಪಟ್ಟಿನ ಇಲಾಖೆ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್ . ಆ ಪ್ರಕಾರ ಮಾತಾ ಯಶಸ್ವಿ ಯಾದ್ ಆವೊಂದು ಉಂಡು ಪಂದ್ ಪಂಡೆರ್.
i
ಕಾರ್ಯಂತೆರೆನ ಆಕ್ರೋಶ ಸಹಜ. ಇತ್ತೆ ಮಾತಾ ಪೋತುಂಡು . ಕಾರ್ಯಂತೆರೆಗ್ ದಾಲ ಸಮಸ್ಯೆ ಇಜ್ಜಿ . ಕೆಲವೆರ್ ಪಕ್ಷದ ಹುದ್ದೆಗ್ ರಾಜೀ ನಾಮೆ ಕೊರ್ತೆರ್ . ಆಂಡ ರಾಜೀನಾಮೆನೇ ಪರಿಹಾರ ಅತ್ತ್ . ಕೆರಿನಾಕ್ಲೆಗ್ ಶಿಕ್ಷೆ ಪಾಡುನವೇ ನಿಜವಾಯಿನ ಪರಿಹಾರ ಪಂದ್ ಆರ್ ಪಂಡೆರ್.
pallavi shetty