ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಕುಡ್ಲ ಜಿಲ್ಲಾ ನ್ಯಾಯಾಲಯದ ಚಾವಡಿಡ್ “ಆಟಿದ ಲೇಸ್ “
ಕುಡ್ಲ ಜಿಲ್ಲಾ ನ್ಯಾಯಾಲಯದ ಚಾವಡಿಡ್ “ಆಟಿದ ಲೇಸ್ “
ಕುಡ್ಲ : ಕುಡ್ಲದ ಜಿಲ್ಲಾ ನ್ಯಾಯಾಲಯದ ಚಾವಡಿಡ್ ಕುಡ್ಲ ವಕೀಲರ ಸಂಘದ ವತಿರ್ದ್ ಆಟಿದ ಲೇಸ್ ನಡತುಂಡು.ಹೈಕೋರ್ಟ್ ನ್ಯಾಯಮೂರ್ತಿ ಪಿ.ಕೃಷ್ಣ ಭಟ್ ಲೇಸ್ ಉದೀಪನ ಮಲ್ತ್ , ‘ಆಟಿದ ಲೇಸ್ ಡ್ ತುಳುನಾಡ್ದ ಸಂಸ್ಕೃತಿದ ಅನಾವರಣ ಆತುಂಡು .ಇಲ್ಲಗ್ ಬತ್ತಿನ ಅನುಭವ ಆಂಡ್ ಪಂದ್ ಪಂಡೆರ್ ‘.
ವಿಶ್ರಾಂತ ಕುಲಪತಿ ಪ್ರೊ.ಬಿ.ಎ.ವಿವೇಕ್ ರೈ ಪಾತೆರ್ದ್ , ನಮ್ಮ ನೆಲದ ಸಂಸ್ಕೃತಿದ ಲೇಸ್ ನ್ ನ್ಯಾಯಾಲಯದ ಚಾವಡಿಡೇ ಅಟ್ಟನೆ ಮಲ್ತಿನವು ಬಾರಿ ಅರ್ಥಪೂರ್ಣವಾತುಂಡು ಪಂದ್ ಪಂಡೆರ್..
u
ವಕೀಲರ ಸಂಘದ ಗುರ್ಕಾರ್ಲಾಯಿನ ಪೃಥ್ವಿರಾಜ್ ರೈ ಎದುಕೊಂಡೆರ್ . ಪ್ರಧಾನ ಕಾರ್ಯದರ್ಶಿ ಶ್ರೀಧರ ಎಣ್ಮಕಜೆ ಸೊಲ್ಮೆ ಸಂದೈತ ಮಲ್ತೆರ್ . ಖಜಾಂಜಿ ಶಶಿರಾಜ್ ಕಾವೂರು ಲೇಸ್ ನಡಪಾದ್ ಕೊರಿಯೆರ್ . ವಕೀಲೆರ್ ಸೇರ್ದ್ ತುಳುನಾಡ್ ದ ಆಟಿದ 50ರ್ದ್ ಜಾಸ್ತಿ ಬಗೆತ ತೆನಸ್ ತಯಾರ್ ಮಲ್ತ್ ಮಾತೆರೆಗ್ಲಾ ಬಲಸಿಯೆರ್.
ಈ ಪೊರ್ತುಡು ಬಿಜೆಪಿ ಕುಡ್ಲ ವಿಭಾಗ ಪ್ರಭಾರಿ ಕೆ.ಉದಯ ಕುಮಾರ್ ಶೆಟ್ಟಿ, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಮಟ್ಟಾರ್ ರತ್ನಾಕರ ಹೆಗ್ಡೆ, ಬಿಜೆಪಿ ಹಿಂದುಳಿದ ವರ್ಗದ ಮೋರ್ಚಾದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಯಶ್ರಾಲ್ ಎ. ಸುವರ್ಣ, ಬಿಜೆಪಿ ರಾಜ್ಯ ಕಾರ್ಯಕಾರಿಣಿ ಸದಸ್ಯೆರಾಯಿನ ಗುರ್ಮೆ ಸುರೇಶ್ ಶೆಟ್ಟಿ, ಗೀತಾಂಜಲಿ ಎಮ್. ಸುವರ್ಣ, ರಾಜ್ಯ ಎಸ್.ಸಿ. ಮೋರ್ಚಾ ಪ್ರಧಾನ ಕಾರ್ಯದರ್ಶಿ ದಿನಕರ ಬಾಬು, ರಾಜ್ಯ ಮಹಿಳಾ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಶಿಲ್ಪಾ ಜಿ. ಸುವರ್ಣ, ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿಲಾಯಿನ ಕುತ್ಯಾರು ನವೀನ್ ಶೆಟ್ಟಿ, ಮನೋಹರ್ ಎಸ್. ಕಲ್ಮಾಡಿ, ಜಿಲ್ಲಾ ಕಾರ್ಯಾಲಯ ಕಾರ್ಯದರ್ಶಿ ಸತ್ಯಾನಂದ ನಾಯಕ್ ಪಾಲ್ ಪಡೆದಿತ್ತೆರ್.
