August 1, 2022

ಗೆಜ್ಜೆಗಿರಿಟ್ಟ್ ಪ್ರವೀಣ್ ನೆಟ್ಟಾರ್ ಗ್ ಕಣ್ಣನೀರ್ದ ಪನಿ ಸಂದಾಯ

ಪುತ್ತೂರು : ಶ್ರೀ ಕ್ಷೇತ್ರ ಗೆಜ್ಜೆಗಿರಿತ್ತ ದೇಯಿ ಬೈದೆತಿ ಕೋಟಿ ಚೆನ್ನಯ ಮೂಲಸ್ಥಾನ ನಂದನ ಬಿತ್ತಿಲ್ ಡ್ ಐತಾರ ಕಾಂಡೆ ಬಿಲ್ಲವ ಸಮುದಾಯದ ಯುವ ಉದ್ಯಮಿ ಅಂಚೆನೆ ಗೆಜ್ಜೆಗಿರಿ ನಂದನ್ ಬಿತ್ತಿಲ್ ದ ಪ್ರಸಾದ ತಯಾರ್ ಮಲ್ಪುನ ಘಟಕದ ಸಂಚಾಲಕೆರಾದ್ ಕರಿನ ರಡ್ಡ್ ವರ್ಷರ್ದಿಂಚಿ ಸೇವೆ ಮಲ್ತೊಂದಿತ್ತಿನ ಪ್ರವೀಣ್ ನೆಟ್ಟಾರು ಮೆರೆಗ್ ಕಣ್ಣನೀರ್ದ ಪನಿ ಸಂದಾಯ ಮಲ್ಪುನ ಶ್ರದ್ಧಾಂಜಲಿ ಕಾರ್ಯಕ್ರಮ ನಡತ್ಂಡ್.

ಈ ಪೊರ್ತುಡು ಆರ್ಯ ಈಡಿಗ ಸಂಸ್ಥಾನ ಸೋಲೂರು ಮಠದ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ ಪಾತೆರ್ದ್, ಪ್ರವೀಣ್ ನೆಟ್ಟಾರು ಕೆಲವು ಸಂಘ ಸಂಸ್ಥೆಡ್ ಸಕ್ರಿಯವಾದ್ ಇತ್ತ್ ದ್ ಸಾಮಾಜಿಕ ಕೆಲಸ ಕಾರ್ಯನ್ ಮಲ್ತೊಂದಿತ್ತೆರ್.ಅರೆನ ಆತ್ಮೊಗು ದೇವೆರ್ ಸದ್ಗತಿ ಕೊರಡ್, ಅರೆನ ಇಲ್ಲದಕ್ಲೆಗ್ ದುಃಖ ತಡೆತೊನ್ನ ಶಕ್ತಿ ಕೊರಡ್ ಪಂದ್ ದೇವೆರೆನ್ ಸುಗಿತೆರ್.

ಗೆಜ್ಜೆಗಿರಿ ಕ್ಷೇತ್ರಾಡಳಿತ ಸಮಿತಿ ಅಧ್ಯಕ್ಷೆರ್ ಪೀತಾಂಬರ ಹೇರಾಜೆ ಪಾತೆರ್ದ್, ಪ್ರವೀಣ್ ಒರಿ ಅತ್ಯುತ್ತಮ ವ್ಯಕ್ತಿ, ಮಾತೆರ್ನಲ ಒಟ್ಟುಗು ಸೇರೊಂದು ಜವನೆರೆನ್ ಒಟ್ಟು ಮಲ್ಪುನ ಕೆಲಸ ಮಲ್ತೊಂದಿತ್ತೆರ್. ಅರೆನ ಆಕಸ್ಮಿಕ ಮರಣ ನಮ್ಮ ಸಮಾಜಗ್ ಭಾರಿ ಮಲ್ಲ ನಷ್ಟ ಆತ್ಂಡ್ ಪಂದ್ ಪಂಡೆರ್.

ಈ ಪೊರ್ತುಡು ಕ್ಷೇತ್ರದ ಗೌರವಾಧ್ಯಕ್ಷೆರಾಯಿನ ಡಾ. ರಾಜಶೇಖರ್ ಕೋಟ್ಯಾನ್ ಬೊಕ್ಕ ಜಯಂತ್ ನಡುಬೈಲು, ಪ್ರಧಾನ ಕಾರ್ಯದರ್ಶಿ ಉಲ್ಲಾಸ್ ಕೋಟ್ಯಾನ್, ಕೋಶಾಧಿಕಾರಿ ದೀಪಕ್ ಕೋಟ್ಯಾನ್, ಕಾರ್ಯದರ್ಶಿ ಚಂದ್ರಹಾಸ ಉಚ್ಚಿಲ್, ಜನಾರ್ಧನ ಪೂಜಾರಿ ಪಡುಮಲೆ, ಗೋಪಿನಾಥ್ ಬಗಂಬಿಲ, ಗಣೇಶ್ ಗಂಜಿಮಠ, ಧನಂಜಯ ಮಟ್ಟು, ಸದಾನಂದ ಪೂಜಾರಿ ಬರಿಮಾರ್, ದೀಪಕ್ ಸಜಿಪ, ಪುರುಷೋತ್ತಮ ಕುಪ್ಪೆಪದವು, ಶಶಿಧರ್ ಕಿನ್ನಿಮಜಲು, ಭಾಸ್ಕರ ಸಾಲಿಯಾನ್ ಮುಂಬೈ, ಸೂರ್ಯಕಾಂತ ಜಯ ಸುವರ್ಣ ಮುಂಬೈ, ಚಂದ್ರಕಾಂತ ಶಾಂತಿವನ, ನಾರಾಯಣ ಮಚ್ಚಿನ ಮೊಕುಲು ಮಾತ ಇತ್ತೆರ್.