ಮಣಿಪಾಲದ ರಾಜೀವ ನಗರಡ್ D3 ಸ್ಟುಡಿಯೋ ಉದಿಪನ
ಮಣಿಪಾಲ :ತೇದಿ 31/7/2022 ನೇ ಐಯಿತಾರದಾನಿ ಮಣಿಪಾಲದ ರಾಜೀವ ನಗರಡ್ ಉದಿಪನ ಆಯಿನ ಪೊಸ D3 STUDIO ನೆತ್ತ ಉದಿಪನನ್ ಕರಿಯಜ್ಜೆ ಖ್ಯಾತಿದ , ಪುಗಾರ್ತೆದ ಗಾಯಕಿ ಕುಮಾರಿ ಚೈತ್ರಾ ಗಾಣಿಗ ಕಲ್ಲಡ್ಕ ಮೇರ್ ಚಾಲನೆ ಕೊರಿಯೆರ್ . ಈ ಲೇಸ್ ಡ್ ಕೃಷ್ಣ ಶೆಟ್ಟಿ, ಸುಮತಿ ಶೇರಿಗಾರ್,ಚೈತ್ರ ಅಮರ್ ಬೊಕ್ಕ ಚೈತ್ರ ಗಾಣಿಗ ಕಲ್ಲಡ್ಕ ಪಾಲ್ ಪಡೆದಿತ್ತೆರ್ .
ಈ ಲೇಸ್ ಡ್ ಕುಮಾರಿ ಚೈತ್ರಾ ಗಾಣಿಗ ಮೆರೆಗ್ “ತುಳುನಾಡ ಕೋಗಿಲೆ” ಪನ್ಪಿನ ಬಿರುದು ಕೊರ್ದು ಬತ್ತಿ ಬಿನ್ನೆರೆ ಮುತಾಲಿಕೆಡ್ ಮಾನದಿಗೆ ಮಲ್ತೆರ್.
ಕುಡ್ಲ :ಫಾಝಿಲ್ ನ್ ಕೆರಿನ ಪ್ರಕರಣ
ಏಳ್ ಜನ ಆರೋಪಿಲೆನ್ ಅರೆಸ್ಟ್ ಮಲ್ತಿನ ಪೊಲೀಸ್ ಅಧಿಕಾರಿಲು
ಕುಡ್ಲ : ಸುರತ್ಕಲ್ ಡ್ ಸೈತಿನ ಫಾಝಿಲ್ ಪ್ರಕರಣಡ್ ಪೊಲೀಸ್ ದಕುಲು ಏಳ್ ಜನನ್ ಅರೆಸ್ಟ್ ಮಲ್ದೆರ್.
ಪೇಂಟೆಡ್ ಸುದ್ದಿಗೋಷ್ಠಿ ಮಲ್ತ್ ಮಾಹಿತಿ ಕೊರಿನ ಕಮಿಷನರ್ ಶಶಿಕುಮಾರ್, ಜುಲೈ 28 ಗ್ ಕಾರ್ ಡ್ ಬತ್ತಿನ ದುಷ್ಕರ್ಮಿಲು ಫಾಝಿಲ್ನ್ ತಲ್ವಾರ್ ಡ್ ಕಡ್ತ್ ದ್ ಕೆರಿಯೆರ್ . ಡಿಸಿಪಿ ಅನ್ಶು ಕುಮಾರ್ ಮುತಾಲಿಕೆಡ್ 8 ಜನತಾ ಕೂಟ ತನಿಖೆ ಮಲ್ತಿತ್ತುಂಡು . ಕೆರಿಯೆರೆ ಗಲಸಿನ ಇಯಾನ್ ಕಾರ್ ದ ಧನಿಕುಲೆರ್ದ್ ಆರೋಪಿಲೆನ ಮಾಹಿತಿ ತಿಕ್ಕ್o ಡ್ . ಜಾಸ್ತಿ ಕಾಸ್ ದಾಸೆಗ್ ಅಜಿತ್ ಕ್ರಾಸ್ತಾ ಮೆರ್ ಕಾರ್ ನ್ ಆರೋಪಿಲೆಗ್ ಮೂಜಿ ದಿನೊಕು 15 ಸಾರಲಕ ಕೊರ್ದಿತ್ತೆರ್ ಪಂದ್ ಮಾಹಿತಿ ಉಂಡು .
ಪ್ರಕರಣಗ್ ಸಂಬಂಧಿಸಾದ್ ಒಟ್ಟು ಏಳ್ ಜನ ಆರೋಪಿಲೆನ್ ಅರೆಸ್ಟ್ ಮಲ್ತ್ ದ ಆರೋಪಿಲಾಯಿನ ಅಜಿತ್ ಕ್ರಸ್ತ ,ಬಜಪೆದ ಸುಹಾಸ್ ಶೆಟ್ಟಿ, ಮೋಹನ್ ಆಲಿಯಾಸ್ ಮೋಹನ್ ಸಿಂಗ್, ಕಾಟಿಪಳ್ಳ ನಿವಾಸಿ ಶ್ರೀನಿವಾಸ್, ಕುಳಾಯಿ ನಿವಾಸಿ ಗಿರಿಧರ್, ಕಾಟಿಪಳ್ಳ ನಿವಾಸಿ ಅಭಿಷೇಕ್ ಬೊಕ್ಕ ದೀಕ್ಷಿತ್ ನ್ ಅರೆಸ್ಟ್ ಮಲ್ದ ಮೊಕ್ಲೆನ್ ಕರ್ಪಿಲ್ಡ್ ಪಾರ್ದ್ ಎಚ್ಚದ ಮಾಹಿತಿನ್ ಬಾಯಿ ಬುಡ್ಪಾವ ಪಂದ್ ಪಂಡೆರ್.
ಕುಡ್ಲರ್ದ್ ಪಿದಾಡಿನ ಮಾಜಿ ಸಿಎಂ ಕುಮಾರಸ್ವಾಮಿನ ಕಾಪುನ ಗಾಡಿ ಆಕ್ಸಿಡೆಂಟ್ ; ಮೂಜಿ ಜನಕ್ ಗಂಭೀರ ಗಾಯ
ಕುಣಿಗಲ್: ಮಾಜಿ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ಮೆರೆನ್ ಕಾಪುನ ಗಾಡಿ ಮಾರ್ಗದ ಡಿವೈಡರ್ ಗ್ ಢಿಕ್ಕಿ ಆದ್ ಐನ್ ಜನ ಪೊಲೀಸ್ ದಕ್ಲೆಗ್ ಗಾಯ ಆಯಿನ ಘಟನೆ ಕುಣಿಗಲ್ ತಾಲೂಕುದ ಎಡಿಯೂರು ಹೋಬಳಿ ರಾಷ್ಟ್ರೀಯ ಹೆದ್ದಾರಿ 75 ತಿಪ್ಪೂರು ಗೇಟ್ ಡ್ ನಡತುಂಡು .
ಸಿಬ್ಬಂದಿಲಾಯಿನ ಮಹೇಶ್, ಮಂಜುನಾಥ್ ಮೆರೆಗ್ ಮಸ್ತ್ ಗಾಯ ಆತುಂಡು. ಜಗದೀಶ್, ಆನಂದ್, ಹರೀಶ್ ಮೆಕ್ಲೆಗ್ ಒಂತೆ ಗಾಯ ಆತುಂಡು .
ಮಾಜಿ ಮುಖ್ಯಮಂತ್ರಿ ಎ.ಚ್.ಡಿ. ಕುಮಾರಸ್ವಾಮಿ ಮೆರ್ ಇಂಚೋಗು ಸೈತಿನ ಬೆಳ್ಳಾರೆದ ಪ್ರವೀಣ್ ನೆಟ್ಟಾರು, ಮಸೂದ್ ಬೊಕ್ಕ ಸುರತ್ಕಲ್ದ ಪಾಝಿಲ್ ಮೆಕ್ಲೆನ ಇಲ್ಲಗ್ ಭೇಟಿ ಕೊರ್ದು ಬೆಂಗ್ಳೂರುಗು ಹೆಲಿಕಾಪ್ಟರ್ ಮುಖೇನ ಪೋದು ಇತ್ತೆರ್ . ಈ ಪೊರ್ತುಡು ಆರ್ನ ಬೆಂಗಾವಲು ಪೊಲೀಸೆರ್ ತಮ್ಮ ಬೇಲೆ ಮಲ್ತ್ ಮಾರ್ಗಡ್ ಪೋನಗ ಈ ಘಟನೆ ನಡತುಂಡು.
ಬೆಳ್ಳಾರೆ:ಕೇಂದ್ರ ಗೃಹ ಸಚಿವ ಅಮಿತ್ ಶಾ ದಿಢೀರ್ ಕರ್ನಾಟಕ ಭೇಟಿ ಬರೊಂದು ಉಲ್ಲೆರ್ . ಆ.3 ಬೊಕ್ಕ 4ಕ್ಕ್ ರಾಜ್ಯೊಗು ಭೇಟಿ ಕೊರಿಯೆರೆ ಉಲ್ಲೆರ್ .
ಬೆಳ್ಳಾರೆಡ್ ದುಷ್ಕರ್ಮಿಲೆರ್ದ್ ತೀರ್ ಪೋಯಿನ ಪ್ರವೀಣ್ ನೆಟ್ಟಾರು ಮೆರೆನ ಇಲ್ಲಗ್ ಭೇಟಿ ಕೊರ್ಪಿನ ಸಾಧ್ಯತೆ ಉಂಡು ಪಂದ್ ಬಿಜೆಪಿ ಮೂಲ ಮಾಹಿತಿ ಕೊರ್ತುಂಡು .
ಜೆ.ಡಿ.ಎಸ್ ಗ್ ಸೇರಿನ ಒಡಿಪುದ ಪುಗಾರ್ತೆದ ವಕೀಲೆ, ಬಿರುವೆರೆ ಸಂಘದ ಗುರ್ಕಾರ್ಲಾಯಿನ ಸಂಕಪ್ಪ.ಎ
ಒಡಿಪು : ಒಡಿಪುದ ಪುಗಾರ್ತೆದ ವಕೀಲೆರ್ , ಬಿಲ್ಲವ ಮುಖಂಡೆರ್ , ಒಡಿಪು ಜಿಲ್ಲಾ ಕಾಂಗ್ರೆಸ್ ಪಕ್ಷದ ಹಿಂದುಳಿದ ವರ್ಗದ ಗುರ್ಕಾರ್ಲಾಯಿನ ಸಂಕಪ್ಪ.ಎ ಮೆರ್ ಆಗಸ್ಟ್ 1 ಕ್ಕ್ ಮಾಜಿ ಮುಖ್ಯ ಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ಶಾಲ್ ಪಾಡ್ದ್ , ಪಕ್ಷದ ಧ್ವಜ ಕೊರ್ಪಿನ ಮುಖೇನ ಜಾತ್ಯತೀತ ಜನತಾದಳ ಪಕ್ಷಗ್ ಎದುಕೊಂಡೆರ್ .
ಈ ಪೊರ್ತುಡು ವಿಧಾನಪರಿಷತ್ ಸದಸ್ಯ ಶ್ರೀ ಎಸ್. ಎಲ್.ಭೋಜೆ ಗೌಡ, ಉಡುಪಿ ಜಿಲ್ಲಾಧ್ಯಕ್ಷ ಶ್ರೀ ಯೋಗೀಶ್ ವಿ ಶೆಟ್ಟಿ, ನಾಯಕೆರಾಯಿನ ಶ್ರೀ ವಸಂತ ಪೂಜಾರಿ ಕುಡ್ಲ, ಶ್ರೀ ಇಕ್ವಾಲ್ ಕುಡ್ಲ ,ಶ್ರೀ ಇನ್ಸಾಲ್ ಅತ್ರಾಡಿ, ಶ್ರೀ ಭರತ್ ಕುಮಾರ್ ಶೆಟ್ಟಿ, ಶ್ರೀ ಸಂಜಯ ಕುಮಾರ್, ಶ್ರೀ ಚಂದ್ರಹಾಸ್,ಬೊಕ್ಕ ಶ್ರೀ ರಜಾಕ್ ಉಚ್ಚಿಲ ಪಾಲ್ ಪಡೆದಿತ್ತೆರ್.
ಅಶೋಕನಗರ : ಹೈಸ್ಕೂಲ್ ವಿದ್ಯಾರ್ಥಿಲೆಗ್ ಥ್ರೋಬಾಲ್ ಗೊಬ್ಬುದ ಪಂಥೊ
ಕುಡ್ಲ : ಶಾಲಾ ಶಿಕ್ಷಣ ಬೊಕ್ಕ ಸಾಕ್ಷರತಾ ಇಲಾಖೆ,ಕುಡ್ಲ ಉತ್ತರ ವಲಯ ಅಂಚೆನೆ ಅಶೋಕ ವಿದ್ಯಾಲಯ ಆಂಗ್ಲ ಮಾಧ್ಯಮ ಪ್ರೌಢಶಾಲೆದ ಒಟ್ಟುಸೇರಿಗೆಡ್ ಹೋಬಳಿ ಮಟ್ಟದ ಹೈಸ್ಕೂಲ್ ದ ಜೋಕುಲೆಗ್ ಥ್ರೋ ಬಾಲ್ ಗೊಬ್ಬುದ ಪಂಥ ಇಂಚೊಗು ನಡತ್ಂಡ್.
ಥ್ರೋಬಾಲ್ ಪಂಥೊನು ಬಿನ್ನೆರ್ ದೀಪ ಅರ್ಲಾದ್ ಉದಿಪನ ಮಲ್ತೆರ್.ಈ ಪೊರ್ತುಡು ಪಾತೆರಿನ ದೈಹಿಕ ಶಿಕ್ಷಣ ಸಂಯೋಜಕೆರ್ ಭರತ್ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲಾ ಬಿಜೆಪಿ ಘಟಕದ ಅಧ್ಯಕ್ಷೆರ್ ರಾಧಾಕೃಷ್ಣ ಮೇರ್ ಪಾತೆರ್ದ್, ಮಾತಾ ಕಲ್ಪಾರ್ಥಿಲುಲ ಆತ್ಮಸ್ಥೈರ್ಯಡ್ ಗೊಬ್ಬುದ ಪಂಥೊಡು ಪಾಲ್ ಪಡೆವೊಡು. ಮಾತೆರ್ಲ ಸೋಲು ಗೆಲ್ಮೆನ್ ಸಮಾನವಾದ್ ದೆತೊನುನ ಮನೋಭಾವ ದೀವೊನೊಡು ಪಂದ್ ಜೋಕುಲೆಗ್ ಕೆಬಿ ಪಾತೆರ ಪಂಡೆರ್.
ಈ ಪಂಥೊಡು ಅಶೋಕ ವಿದ್ಯಾಲಯ ಆಂಗ್ಲ ಮಾಧ್ಯಮ ಶಾಲೆದ ಪೊಣ್ಣು ಜೋಕುಲು ಪ್ರಥಮ ಸ್ಥಾನ ಗೆಂದಿಯೆರ್ .
ಈ ಲೇಸ್ ಡ್ ದೈಹಿಕ ಶಿಕ್ಷಣ ಸಂಯೋಜಕೆರ್ ಭರತ್, ಇಲಾಖೆದ ಕುಡ್ಲ ಉತ್ತರ ವಲಯದ ಅಧಿಕಾರಿಲು, ದಕ್ಷಿಣ ಕನ್ನಡ ಜಿಲ್ಲಾ ಬಿಜೆಪಿ ಘಟಕದ ಅಧ್ಯಕ್ಷೆರ್ ರಾಧಾಕೃಷ್ಣ, ಅಶೋಕನಗರ ವಿದ್ಯಾವರ್ಧಕ ಸಂಘದ ಸದಸ್ಯೆರ್ ಅಂಚೆನೆ ಅಶೋಕ ವಿದ್ಯಾಲಯ ಶಾಲೆದ ಮುಖ್ಯೋಪಾಧ್ಯಾಯೆರ್, ಶಿಕ್ಷಕೆರ್, ಸಹ ಶಿಕ್ಷಕೆರ್ ಪಾಲ್ ಪಡೆದಿತ್ತೆರ್.
ಬೆಂಗ್ಳೂರು : ತುಳು ಸಂಗೀತಲೋಕೊಗು ಸತು ಇತ್ತಿ ಸಾಹಿತ್ಯದ ಪದ ಕೊರೊಡುಂದು ಉಂಡಾಯಿನ ಡಿಜಿಟಲ್ ಸಂಸ್ಥೆ ತನ್ನ ರಡ್ಡನೇ ವರ್ಷದ ವಾರ್ಷಿಕಾಚರಣೆಡ್ ಐಲೇಸಾ – ದಿ ವಾಯ್ಸ್ ಆಫ್ ಓಷನ್ (ರಿ) ತಾನೇ ಸಂಗೀತ ಕೊರ್ತಿನ ತುಳು ಪದೊ *ಐಲೇಸಾ E ಪದ ಪಂತ* ಮಲ್ತೊಂದುಂಡು.
ಯೂಟ್ಯೂಬುಡು ಐಲೇಸಾ
ದಿ ಮ್ಯೂಸಿಕ್ ಚಾನೆಲ್ಡ್ ತಿಕ್ಕುನ ಪತ್ತ್ ಪದೊಕುಲೆಡ್ ಒಂಜೆನ್ ಆಯ್ಕೆ ಮಲ್ತ್,ಕರೋಕೆದೊಟ್ಟುಗು ಮೊಬೈಲ್ ಅಡ್ಡ ಪತ್ತ್ ದ್ ಪದ ಪಂಡ್ ದ್ ಐಲೇಸಾದ ನಂಬರ್ +919821663156 ಗ್, ವಾಟ್ಸಪ್ಪ್ ಅತ್ತ್ಂಡ email:Ilesa.thevoiceofocean@gmail.com ಗ್ ಕಡಪುಡೊಡು. ಆಯ್ಕೆ ಆಯಿನ ಪದೊನು ಐಲೇಸಾ ತನ್ನ ಚಾನೆಲ್ಡ್ ಪಾಡುಂಡು.ಅವೆನ್ ಆಯಿನಾತ್ ಹೆಚ್ಚಿನ ಜನ ತೂಪಿಲಕ್ಕ ಶೇರ್ ಮಲ್ತ್ ದ್ ಪಂತ ಗೆಂದರೆ ತೂವೊಡು.ಐಲೇಸಾದ ವಿಶೇಷ ತೀರ್ಪುದಾರೆನಕುಲು ಈ ಪದೊಕುಲೆನ್ ಕೇಂಡ್ ದ್ ಬೊಕ್ಕ ಅವು ಪಡೆಯಿನ ವೀವ್ಸ್ ತೂದು ತೀರ್ಪು ಕೊರ್ಪೆರ್.ಗೆಂದಿನಕಲೆಗ್ ಆಣ ಸ್ವರೊಕು 10000 ಪೊಣ್ಣ ಸ್ವರೊಕು
10000 ರೂಪಾಯಿದ ಒಟ್ಟು ರಡ್ಡ್ ಇನಾಮು ಉಂಡು. ಪಂತೊಗುಂತರೆ ಪದಿನಾಜಿ ವರ್ಷೊಡು ಜಾಸ್ತಿ ಪ್ರಯಾದಕಲೆಗ್ ಮಾತ್ರ ಅವಕಾಶ.ಐಲೇಸಾದ ಪದ ಮಾತ್ರ ಪನರೆ ಅವಕಾಶ.ವೀಡಿಯೋ ಮಲ್ತ್ ಕಡಪುಡರೆ ಆಗಷ್ಟ್ 25 ತಾರೀಕ್ ಕಡೆತ ದಿನ.ತುಳುವ ಜವನೆರ್ *e ಪದ ಪಂತೊಡು* ಉಮೇದ್ ಡ್ ಪಾಲ್ ಪಡೆದ್ ತುಳು ಭಾಸೆನ್ ಒರಿಪ ಕೊರೊಡು, ಸಾಧ್ಯ ಇತ್ತಿನಲ್ಪ ಮಾತಾ ತುಳು ಪದ ಪನೊಡು ಪಂಡ್ ದ್ ಐಲೇಸಾದ ಸಾರಥಿ ಡಾ. ರಮೇಶ್ಚಂದ್ರ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ಮುಕಾಂತ್ರ ಬಿನ್ನಾಪು ಮಲ್ದೆರ್.ಹೆಚ್ಚಿನ ಮಾಹಿತಿ ಬೋಡಿತ್ತಿನಕುಲು
9821663156/7892449577/9880466642 ನಂಬರ್ ಗ್ ಫೋನ್ ಮಲ್ತ್ ತೆರಿಯೊನೊಲಿ.
ಐಲೇಸಾದ ಕರೋಕೆ ಪದಕುಲೆಗಾದ್ ಮೂಲು scan ಮಲ್ಪೊಲಿ. ಇಜ್ಹಿಂಡ ಯೌಟ್ಯೂಬ್ ಚಾನೆಲ್ ಸಬ್ಸ್ಕ್ರೈಬ್ ಮಲ್ಪೊಲಿ.
ಸುರುತ ಸಲ ದುಬೈಡ್ ಆಟಿಡೊಂಜಿ ದಿನ
ದುಬೈ : ಸಂಧ್ಯಾ ಕ್ರಿಯೇಷನ್ಸ್ ಇವೆಂಟ್ ನೆಟ್ವರ್ಕ್ ಟೀಮ್ ಮೆಕ್ಲೆನ ಒಟ್ಟು ಸೇರಿಗೆಡ್ ತಾರಿಕ್ 14/8/2022 ನೇ ಐತಾರ ದಾನಿ ಕಾಂಡೆ 10 ಗಂಟೆರ್ದ್ ಮಧ್ಯಾಹ್ನ 3 ಗಂಟೆ ಮುಟ ದುಬೈ ದ ಫೋರ್ಚ್ಯುನ್ ಪ್ಲಾಜ ಹೋಟೆಲ್ ಡ್ ಸುರುತ ಸಲ ಆಟಿಡೊಂಜಿ ದಿನ ಲೇಸ್ ನಡಪೆರೆ ಉಂಡು.
