ಎಲ್ಲೆರ್ದ್ ರಡ್ಡ್ ಚಕ್ರದ ಗಾಡಿಡ್ ರಡ್ಡ್ ಜನ ಪೋಯೆರೆ ಇಜ್ಜಿ ; ಅಲೋಕ್ ಕುಮಾರ್

ಎಲ್ಲೆರ್ದ್ ರಡ್ಡ್ ಚಕ್ರದ ಗಾಡಿಡ್ ರಡ್ಡ್ ಜನ ಪೋಯೆರೆ ಇಜ್ಜಿ ; ಅಲೋಕ್ ಕುಮಾರ್

ಕುಡ್ಲ : ಸುರತ್ಕಲ್ ಡ್ ನಡತಿನ ಫಾಝಿಲ್ ಹತ್ಯೆ ಆಯಿಬೊಕ್ಕ ಪಾಡಿನ ಸೆಕ್ಷನ್ 144 ನಿಷೇಧಾಜ್ಞೆನ್ ಸಡಿಲಿಕೆ ಮಲ್ಪರೆ ಎಡಿಜಿಪಿ ಅಲೋಕ್ ಕುಮಾರ್ ಸೂಚನೆ ಕೊರ್ತೆರ್ .

ಕುಡ್ಲಡ್ ಪಾಡ್ಡಿನ ನಿಷೇಧಾಜ್ಞೆಗ್ ಸಂಬಂಧಿ ಇನಿ ಪೊಲೀಸ್ ಆಯುಕ್ತೆರ್ನ ಕಚೇರಿಡ್ ನಡತಿನ ಸಭೆಟ್ ಆರ್ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್.

ಫಾಝಿಲ್ ಮರ್ಡರ್ ಆಯಿನ ನೆಲೆಟ್ಟ್ ಅಹಿತಕರ ಘಟನೆನ್ ತಡೆಯೆರೆ ನಗರ ಆಯುಕ್ತೆರ್ ಜುಲೈ 28 ರ್ದ್ ಆಗಸ್ಟ್ 5 ತಾರಿಕ್ ಮುಟ ಬಯ್ಯಗ್ 6 ಗಂಟೆರ್ದ್ ಕಾಂಡೆ 6 ಗಂಟೆ ಮುಟ ಜನಕ್ಲೆಗ್ ನಿರ್ಬಂಧ ಪಾಡ್ದಿತ್ತೆರ್ .

ಈ ನಡುಟು ಕುಡ್ಲ ಸಹಜ ಸ್ಥಿತಿಗ್ ಬರೊಂದು ಉಪ್ಪುನ ನೆಲೆಟ್ಟ್ ಕಾರಣ ಆಗಸ್ಟ್ 5ರ್ದ್ ಬೊಕ್ಕ ಹಂತ ಹಂತವಾದ್ ನಿಷೇಧಾಜ್ಞೆನ್ ಸಡಿಲ ಮಲ್ಪರೆ ಎಡಿಜಿಪಿ ಅಲೋಕ್ ಕುಮಾರ್ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್ .

ನಿಷೇಧಾಜ್ಞೆನ್ ಸಡಿಲಿಕೆ ಮಲ್ತಿ ಬೊಕ್ಕ ಒಂಜಿ ವಾರ ಬೈಕ್’ ಡ್ ಪಿರವು ಕುಲ್ಲೆರೆ ಅವಕಾಶ ಇಜ್ಜಿ ಈ ಪೊರ್ತುಡು ಜೋಕುಲು , ಪೆರಿಯಾಕುಲು ಬೈಕ್’ಡ್ ಪೋಯೇರೆ ಅವಕಾಶ ಕೊರ್ತೆರ್ . ಜವಣ್ಯೆರ್ ಪಿರವುಡು ಕುಲ್ಲೆರೆ ಬಲ್ಲಿ ಪಂದ್ ಪಂತೆರ್.