August 16, 2022

20 ದಿನಟ್ 30 ಕೋಟಿರ್ದ್ ಲ ಎಚ್ಚದ ರಾಷ್ಟ್ರಧ್ವಜ ತಯಾರ್: 500 ಕೋಟಿ ರೂ. ಸೇಲ್ !

Aug 16, 2022

ದಿಲ್ಲಿ: ಹರ್ ಘರ್ ತಿರಂಗಾ ಅಭಿಯಾನರ್ದ್ ದೇಶಡ್ ದಾಖಲೆ ಮೊತ್ತದ ರಾಷ್ಟ್ರಧ್ವಜಲು ಮಾರಾಟ ಆತ್ಂಡ್. ಈ ವರ್ಷ 30 ಕೋಟಿರ್ದ್ ಲ ಎಚ್ಚ ರಾಷ್ಟ್ರಧ್ವಜಕ್ಕುಲು ಸೇಲ್ ಆತಿನೆಡ್ದಾವರ 500 ಕೋಟಿ ರೂ. ವಹಿವಾಟು ಆತ್ಂಡ್ ಪಂದ್ ಅಖಿಲ ಭಾರತ ವ್ಯಾಪಾರಿಲೆನ ಒಕ್ಕೂಟ (ಸಿಎಐಟಿ) ಮಾಹಿತಿ ಕೊರ್‍ತೆರ್.

ಹರ್ ಘರ್ ತಿರಂಗಾ ಅಭಿಯಾನಗಾದ್ ಕಾಲಿ 20 ದಿನಟ್ 30 ಕೋಟಿರ್ದ್ ಲ ಎಚ್ಚ ಧ್ವಜ ತಯಾರ್ ಆತ್ಂಡ್. ಉಂದು ಒಂಜಿ ದಾಖಲೆ ಆದಿತ್ತ್ ದ್, ಭಾರತೀಯ ಉದ್ಯಮಿಲೆನ ಸಾಮರ್ಥ್ಯನ್ ಜಗತ್ತ್ ಗ್ ತೋಜ್ಪಾದ್ಂಡ್. 15 ದಿನಟ್ CAIT ಬೊಕ್ಕ ದೇಶಡ್ ಬೇತೆ ಬೇತೆ ಟ್ರೇಡ್ ಸಂಸ್ಥೆ ಲು 3000 ತಿರಂಗ ಕಾರ್ಯಕ್ರಮನ್ ಆಯೋಜನೆ ಮಲ್ತ್ ದ್ಂಡ್ ಪಂದ್ CAIT ತೆರಿಪಾದ್ಂಡ್.

ವಿವೇಕಾನಂದ ಯುವಕ ಮಂಡಲ (ರಿ.) ಚೇಳಾಯಿರು ಉಂದೆತ್ತ 50 ನೇ ವರ್ಸದ ಲೆಕ್ಕೊಡು ಕೆಸರ್ ಕಂಡೊಡು ಗೊಬ್ಬುದ ಉಚ್ಚಯ

Aug 16, 2022

ವಿವೇಕಾನಂದ ಯುವಕ ಮಂಡಲ (ರಿ.) ಚೇಳಾಯಿರು ಉಂದೆತ್ತ ಸುವರ್ಣ ಮಹೋತ್ಸವದ ಲೆಕ್ಕೊಡು ಕೊಲ್ಯ ಶ್ರೀ ಜಾರಂದಾಯ ಧೂಮಾವತಿ ದೈವಸ್ಥಾನ ಚೇಳ್ಯಾರು ಅಂಚನೆ ಹಳೆವಿದ್ಯಾರ್ಥಿ ಸಂಘ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆ ಚೇಳ್ಯಾರು ಉಂದೆತ್ತ ಮುತಾಲಿಕೆಡ್ ಅಗೋಸ್ಟ್ ೨೧ ತಾರೀಕ್ ಐತಾರದಾನಿ ಕಾಂಡೆ ೮ ಗಂಟೆರ್‍ದ್ ಕೆಸರ್ ಗದ್ದೆ ಕ್ರೀಡೋತ್ಸವ ಲೇಸ್ ಕೊಲ್ಯದ ಶ್ರೀ ಜಾರಂದಾಯ ಜುಮಾದಿ ದೈವಸ್ಥಾನದ ಜಾಗೆದ ಕಂಡಡ್ ನಡಪರೆ ಉಂಡು.

ಕೆಸರ್ ಕಂಡೊಡು ಬಲಿಪು, ಮೂಜಿ ಕಾರ್ ದ ಬಲಿಪು, ಪಿರ ತೂವೊಂದು ಪೋಪಿನ ಬಲಿಪು, ಕೊಡಪಾನ ಓಟ, ನಿಧಿ ಶೋಧನೆ ಇಂಚಿತ್ತಿನ ಪಂತೊಲು ಜೋಕುಲು, ಜವನೆರ್ ಬೊಕ್ಕ ಪೊಜೊಂವ್ ಲೆನ ವಿಭಾಗಡ್ ನಡಪರೆ ಉಂಡು. ಅಂಚನೆ ಜವನೆರ್ ಬೊಕ್ಕ ಪೊಂಜೊವ್ ನಕ್ಲೆಗ್ ಬಲ್ಲ್ ಒಯ್ಪುನ ಪಂತಲ ನಡಪರೆ ಉಂಡು. ವಿಶೇಷವಾದ್ ದಂಪತಿಲೆಗ್ ಬಲಿಪುನ ಪಂತಲ ಉಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ವರಕೋಡಿ ಯಕ್ಷಕಲಾ ಸಂಘದ ಲೆಕ್ಕೊಡು ಸ್ವಾತಂತ್ರ್ಯ ದಿನಾಚರಣೆ ಬೊಕ್ಕ ಕೆಸರುಗದ್ದೆ ಕ್ರೀಡಾಕೂಟ

Aug 16, 2022

ಯಕ್ಷಕಲಾ ಸಂಘ ವರಕೋಡಿ ಬಡಗಬೆಳ್ಳೂರು ಉಂದೆತ್ತ ಮುತಾಲಿಕೆಡ್ ಯಕ್ಷಧಾಮದ ಜಾಗೆಡ್ ದೇಶದ ಸ್ವಾತಂತ್ರ್ಯ ದಿನಾಚರಣೆದ 75 ವರ್ಷದ ಅಮೃತ ಮಹೋತ್ಸವದ ಪೊರ್ತುಡು ಧ್ವಜಾರೋಹಣ ನಡತ್ಂಡ್.

ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ ಬಡಗಬೆಳ್ಳೂರು ಮುಲ್ಪದ ನಿವೃತ್ತ ಅಧ್ಯಾಪಕೆರ್ ಗಂಗಾಧರ ರೈ ಕಮ್ಮಾಜೆ ಮೇರ್ ಧ್ವಜಾರೋಹಣ ಮಲ್ತ್ ರ್. ಅಯಿಬೊಕ್ಕ ವರಕೋಡಿ ಬಾಕಿಮಾರ್ ಕಂಡೊಡು ಕೃಷಿಕೆರ್ ಅಯಿನ ಸಂಜೀವ ಶೆಟ್ಟಿ ಮೇರ್ ಕೆಸರುಗದ್ದೆ ಕ್ರೀಡಾಕೂಟ ಉದಿಪನ ಮಲ್ತೆ ರ್.

ಕೆಸರ್ ದ ಕಂಡೊಡ್ ಬೇತೆ ಬೇತೆ ಕ್ರೀಡಾ ಪಂಥೊಲು ನಡತ್ಂಡ್. ಬಯ್ಯಗ್ ನಡತಿನ ಮುಗಿತಲದ ಲೇಸ್ ಡ್ ಗೆಂದಿನಕ್ಲೆಗ್ ಇನಾಮು ಕೊರ್ಪಿನ ಲೇಸ್ ನಡತ್ಂಡ್. ಬಂಟ್ವಾಳ ಶಾಸಕೆರ್ ರಾಜೇಶ್ ನಾಯಕ್ ಬತ್ತ್ ದ್ ಎಡ್ಡೆಪ್ಪುನ್ ಬಯಕ್ಯೆರ್.

ಮುಗಿತಲದ ಲೇಸ್ ಡ್ ಬಡಗ ಬೆಳ್ಳೂರು ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಪ್ರಕಾಶ್ ಆಳ್ವ, ಬಡಗ ಬೆಳ್ಳೂರು ಗ್ರಾಮ ಪಂಚಾಯತ್ ಉಪಾಧ್ಯಕ್ಷೆರ್ ಮಮತಾ ಪೂಜಾರಿ ಸೇರಿನಂಚನೆ ಮಸ್ತ್ ಜನ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ದ.ಕ ಜಿಲ್ಲೆದ 2 ನೇ ಮಾಮಲ್ಲ ರಾಷ್ಟ್ರ ಕೊಡಿ ಉದಿಪನ; ತೊಕ್ಕೊಟ್ಟುಡು 110 ಅಡಿ ಎತ್ತರಡ್ ರಾವೊಂದುಂಡು 30 ಅಡಿ ಎತ್ತರದ ಬಾವುಟ

Aug 16, 2022

ಉಳ್ಳಾಲ: ದಕ್ಷಿಣ ಕನ್ನಡ ಜಿಲ್ಲೆದ ರಡ್ಡನೇ ಮಾಮಲ್ಲ ಎತ್ತರದ ಧ್ವಜಸ್ತಂಭಡ್ ಸೋಮಾರ ರಾಷ್ಷ್ರ ಧ್ವಜರೋಹಣ ನಡತ್ಂಡ್.

ಸ್ವಾತಂತ್ರ್ಯ ಅಮೃತ ಮಹೋತ್ಸವದ ಲೆಕ್ಕೊಡು ಉಳ್ಳಾಲ ದ್ವಾರ ತೊಕ್ಕೊಟ್ಟು ಓವರ್ ಬ್ರಿಡ್ಜ್ ಕೈತಲ್ 17.50 ಲಕ್ಷ ರೂಪಾಯಿ ಖರ್ಚಿಡ್ 110 ಅಡಿ ಎತ್ತರದ ಧ್ವಜಸ್ತಂಭ ನಿರ್ಮಾಣ ಆತ್ಂಡ್. ಉಂದೆಟ್ 30 ಅಡಿ ಉದ್ದ , 20 ಅಡಿ ಅಗೆಲದ ತ್ರಿವರ್ಣ ಧ್ವಜನ್ ಪಾಡ್ದಿತ್ತ್ ದ್, ಉಂದೆಟ್ ಶಾಶ್ವತವಾದ್ ದಿನತ್ತ 24 ಗಂಟೆಲ ರಾಷ್ಟ್ರ ಧ್ವಜ ರಾವರೆ ಉಂಡು. ಧ್ವಜ ಪಾಡಿಯರೆ ಗಟ್ಟಿ ಇತ್ತಿನ ಎಲಾಯಿ ಕಂಬನ್ ಗಲಸ್ ದೆರ್. ತುಳುನಾಡ್ ಡ್ ಇಂಚಿನ ನನೊಂಜಿ ಧ್ವಜಸ್ತಂಭ ಕುಡ್ಲದ ವಿಮಾನ ನಿಲ್ದಾಣಡ್ ಉಂಡು.

The second biggest flag post in DK inaugurated: The national flag flies in a 110 feet pole and is 30 feet in length

Ullal: The national flag was hoisted in the second largest pole in DK district on Monday.

On the occasion of the Amrita Mahotsav of the independence day at the Tokkottu over bridge a flag pole measuring 110 feet was installed at a cost of 17.50 lakhs rupees. A flag measuring 30 feet in length and 20 feet width will fly all the time. Another pole of this sort is being planned to be installed in Tulunadu near the Airport.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಬೆಂಗ್ಲೂರು ಕುಲಾಲ ಸಂಘಡ್ 75 ನೇ ಸ್ವಾತಂತ್ರ್ಯ ದಿನಾಚರಣೆ

Aug 16, 2022

ಬೆಂಗ್ಲೂರು ಕುಲಾಲ ಸಂಘ ಮುಕ್ಲೆನ ಮುತಾಲಿಕೆಡ್ 50 ವರ್ಷದ ಸುವರ್ಣ ಸಂಭ್ರಮದ ಪೊರ್ತುಡು 75 ನೇ ಸ್ವಾತಂತ್ರ್ಯ ದಿನಾಚರಣೆದ ಲೆಕ್ಕೊಡು ಶ್ರೀ ಪುರುಷೋತ್ತಮ್ ಚೇಂಡ್ಲಾ ಮೆರೆನ ಗುಕಾರ್ಮೆಡ್ ಸಂಘದ ಸಭಾಭವನದ ಜಾಗೆಡ್ ಧ್ವಜರೋಹಣ ನಡತ್ಂಡ್.

ಈ ಪೊರ್ತುಡು ಮಸ್ತ್ ಬಿನ್ನೆರ್ ಅಂಚನೆ ಸಂಘದ ಸದಸ್ಯೆರ್ ಇತ್ತೆರ್.

The Bangalore Kulal Sangha celebrated its 50 years golden jubilee along with the 75th year of independence celebrations. The program was presided by Sri Purushottam Chendla in the presence of other dignitaries at the Sangha premises.

At the program discussion was held to name the B C Road bypass in the name of the coastal districts well known freedom fighter Dr Ammambal Balappa who even was imprisoned during his struggle for independent India.
An appeal to this effect will be submitted to the government to urge it to do the needful.

ರಾಜಬೂಡು ಬೆಂಗಳೂರುಡ್ ಪರಿವಾರ ಬಂಟರ ಸಂಘ (ರಿ)ಬೆಂಗಳೂರು ವಲಯೊಡ್ದ್ ಆಟಿಡೊಂಜಿ ದಿನ ಲೇಸ್

Aug 16, 2022

ಆಟಿ ತಿಂಗೊಲು ಬತ್ತ್ಂಡ ನಮ್ಮ ತುಳುನಾಡ್ ಡ್ ಪುಟ್ಟು ಬಲತಿನ ತುಳುವೆರೆಗೊಂಜಿ ಗೌಜಿ- ಗಮ್ಮತ್ತ್ , ಅವುಲ ಪೆದ್ದಿ ಅಪ್ಪೆನ ಊರು ಬುಡ್ದ್ ‌ ಬಂಜಿದ ಬಡವುಗೋಸ್ಕರ ಪರವೂರುಡು ಬದುಕ್ ಕಟ್ಟಿನ ನಮ್ಮ ಪೆರ್ಮೆದ ತುಳುವೆರ್ ಆಟಿಡೊಂಜಿ ದಿನ ಲೇಸ್ ನ್ ಪುರಾ ಪೊರ್ಲುಡ್ ಆಚರಣೆ ಮಲ್ಪುವೆರ್.

ಆಗೊಸ್ಟು7 ಐತಾರ ಪರಿವಾರ ಬಂಟರ ಸಂಘ ( ರಿ ) ಬೆಂಗಳೂರು ವಲಯದ ಸಮಾಜದ ಬಂಧುಲೆನ್ ಪುರಾ ಒಟ್ಟು ಸೇರ್ಪಾದ್ ಮಾಗಡಿ‌ ರೋಡುದ ಮಾಚೋಹಳ್ಳಿದ ಸುರೇಂದ್ರ ಕುಕ್ಕರಬೆಟ್ಟು ಮೆರನ ಎಸ್ ಕೆ ಎಂಟರ್ ಪ್ರೈಸಸ್ ಕಾಂಪ್ಲೆಕ್ಸ್ ದ ಚಾವಡಿಡ್ ‘ಆಟಿಡೊಂಜಿ ಲೇಸ್’ ಬಾರಿ ಗೌಜಿಡ್ ನಡತ್ತ್ಂಡ್.

ಮಾಸ್ಟರ್ ಆಯುಷ್ ದೇವೆರೆನ ಭಕ್ತಿ ಸುಗಿಪುದೊಟ್ಟುಗ್ ,ಸಂಘದ ಗುರ್ಕಾಲು,ಕಾರ್ಯೆಂತೆರ್, ಸಂಘದ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಬೊಕ್ಕ ,ಮುಖ್ಯ ಬಿನ್ನೆರೆನ ಬೊಕ್ಕ ಮಾತಾ ಸಮಾಜದ ಬಂದುಲೆನ ಉಪಸ್ಥಿತಿಡ್ ತುಡಾರ್ ಅರ್ಲಾದ್ ಆಟಿಡೊಂಜಿ ಲೇಸ್ ದ ಉದಿಪನ ಮಲ್ತೆರ್.

ಪರಿವಾರ ಬಂಟರ ಸಂಘದ ಗುರ್ಕಾಲಾಯಿನ ರಘವೀರ್ ನಾಯ್ಕ್ , ಸಂಘದ ಹಿರಿಯ ಸದಸ್ಯೆರಾಯಿನ ವಿಜಯ ಬ್ಯಾಂಕ್ ದ ನಿವೃತ್ತ ಅಧಿಕಾರಿ ಐಲುಕುಂಜೆ ಸಂಜೀವ ನಾಯ್ಕ ಬೊಕ್ಕ ಆರೆನ ಧರ್ಮಪತ್ನಿ ಪದ್ಮಾವತಿ ಸಂಜೀವ ನಾಯ್ಕ್ ಮೊಕುಲು ಮಲ್ಲ ಬಿನ್ನೆರಾದ್ ಆಟಿದ ಈ ಪೊರ್ತುಡು ನಮ ಆಚರಣೆ ಮಲ್ಪುನೆಟ್ಟ್ ದುಂಬುದ ಜನಾಂಗೊಗು ತೆರಿಪಾಯಿಲಕ್ಕ ಆಪುಂಡು ಪಂಡ್ದ್ ಅಭಿಪ್ರಾಯ ಪಂಡೆರ್.ಪರಿವಾರ ಬಂಟರ ಸಂಘದ ಪುಗರ್ತೆದ ಯುವ ನ್ಯಾಯವಾದಿ ವಿನೋದ್ ಕುಮಾರ್ ಮೆರ್ ಪರಿವಾರ ಬಂಟರ ಸಮುದಾಯೊನ್ 2A ಜಾತಿ ಪಟ್ಟಿಡ್ ಸೇರಿಸಾವುನ ಬಗೆಟ್ ತೆರಿಪಾಯೆರ್.

ಪರಿವಾರ ಬಂಟರ ಸಂಘದ ಕಾರ್ಯದರ್ಶಿ ಯಶವಂತ್ ನಾಯ್ಕ್ ಮೇರ್ ಬಿನ್ನೆರೆನ್ ಗಣ್ಯರೆನ್ ಮೋಕೆಡ್ ಎದ್ಕೊನಿಯೆರ್.

ಮಹಿಳಾ ವೇದಿಕೆದ ಕಾರ್ಯಕರ್ತೆಯಾಯಿನ ರಾಖಿ ನಯನ್ ಚಂದ್ರ ಮೆರ್ ಆಟಿದ ಪೊಲಬುನ್ ತೆರಿಪಾಯೆರ್ .ನಮ್ಮ ತುಳುನಾಡ್ ದ ಸಂಸ್ಕೃತಿ,ಆಚಾರ ವಿಚಾರದ ಬಗ್ಗೆ ಸಾಕ್ಷ್ಯ ಚಿತ್ರ ಬೊಕ್ಕ ಐತ ವಿಶೇಷತೆ ಬಗ್ಗೆ ಸಂಘದ ಮಾಜಿ ಕಾರ್ಯೆಂತೆರ್ ಎಡನೀರು ಬಾಲಕೃಷ್ಣ ಮೇರ್ ತೆರಿಪಾದ್ ಕೊರಿಯೆರ್.

ಸಂಘದ ಕಾರ್ಯೆಂತೆರ್ ಯಶವಂತ್ ನಾಯ್ಕ್ ಮೇರ್ ಚಾವಡಿ ಲೇಸ್ಡ್ ಪಾತೆರೊಂದು ನಮ್ಮ ಜವನೆರ್ ಸಮಾಜದ ಏಳಿಗೆಗಾದ್ ದುಂಬು ಬರೊಡ್ ಆ ನಿಟ್ಟಿಡ್ ನಮ್ಮ ಪರಿವಾರ ಬಂಟರ ಸಂಘೊಗು ಅಭಿವೃದ್ಧಿ ಆಪುಂಡ್ ಪಂಡ್ದ್ ಬಿನ್ನಪು ಮಲ್ತೆರ್ ಅಂಚೆನೇ ಪುತ್ತೂರುಡ್ ನಮ್ಮ ಪೊಸ ಸಂಘದ ಬುಳೆಚ್ಚಿಲೆಗ್ ದಾನಿಲೆನ ಅವಶ್ಯಕತೆ ಉಂಡು ಪಂಡೆರ್ ಅಂಚೆನೇ ಸಂಕೇತಿಕವಾದ್ ಕಟ್ಟಡ ನಿರ್ಮಾಣಗೊ ಒಂಜಿ ಲಕ್ಷದ ದೇಣಿಗೆದ ಅಡ್ವಾನ್ಸ್ ರೂ 50000/ ಪಣವುದ ಸಹಕಾರ ಕೊರಿಯೆರ್.

ಆಟಿದ ಸಂಭ್ರಮೊದ ದಿನೊಟ್ ಸಮಾಜದ ಬಂದುಲು ಅಕ್ಲೆನ ಇಲ್ಲಡ್ ಅಟಿಲ್ ಮಲ್ತ್ ದ್
ಬೇತೆ ಬೇತೆ ರೀತಿದ ತಿಂಡಿ ತಿನಸ್ ನ್ ಕೊನುದು ಬತ್ತ್‌ದ್ ಸಮಾಜದ ಬಂದುಲು ಆಟಿದ ವನಸ್ ಮಲ್ತ್ ದ್ ಖುಷಿ ಪಡೆಯೆರ್.

ಲೇಸ್ ಡ್ ಪಾಲುಪಡೆಯಿನ ಮುಖ್ಯ ಬಿನ್ನೆರೆಗ್, ಗಣ್ಯೆರೆಗ್ ಶಾಲು ಪಾಡ್ದ್ ಮಾನಾದಿಗೆ ಮಲ್ತೆರ್,ಅಂಚೆನೇ ಲೇಸ್ದ್ ಸಂಭಾಗಣದ ಜಾಗೆನ್ ಕೊರ್ನ ಉದ್ಯಮಿ ಸುರೇಂದ್ರ ಕುಕ್ಕರೆ ಬೆಟ್ಟು ಬೊಕ್ಕ ಧರ್ಮಪತ್ನಿ ನಯನ ಸುರೇಂದ್ರ ಕುಕ್ಕರೆ ಬೆಟ್ಟು ಮೊಕೆಲೆಗ್ ಸಂಘದ ಮಾನಾದಿಗೆ ಮಲ್ತೆರ್. ಕಟ್ಟೊನ ನಿರ್ಮಾಣಗೊ ಬೋಡಾದ್ ಪಣವುದ ಸಹಕಾರ ಕೊರ್ನ ಸಮಾಜದ ಬಂದುಲೆಗ್ಲ ಪೂ ಗೊಂಚಿಲ್ ಕೊರ್ದು ಮಾನಾದಿಗೆ ಮಲ್ತೆರ್.

ಗುರ್ಕಾಮೆ ವಹಿಸೊಂದು ರಘುವೀರ್ ನಾಯ್ಕ್ ಮೇರ್ ಪಾತೆರ್ದ್ ನಮ್ಮ ಸಮಾಜದ ಅಭಿವೃದ್ಧಿ ಆವೊಡಾಂಡ ನಮ ಮಾತಾ ಒಂಜೇ ಮನಸ್ಸ್ ಡ್ ‌ಸಮಾಜದ ಅಭಿವೃದ್ಧಿ ಗಾದ್ ನಮ ಒಂಜೆಪ್ಪನ ಜೋಕುಲೆಲೆಕ ಕೈ ಜೋಡಿಸಾದ್ ಬೇಲೆ ಮಲ್ಪೊಡ್ ಪಂಡ್ದ್ ಬಿನ್ನಪು ಮಲ್ತೆರ್. ರವೀಶ್ ಬಾಲಕೃಷ್ಣ ಮೇರ್ ವಂದಾನರ್ಪನೆ ಮಲ್ತೆರ್ , ಲೇಸ್ದ್ ನಿರೂಪಣೆನ್ ಸೌಮ್ಯ ಮನೋಜ್ ಮೆರ್ ಪೊರ್ಲುಡ್ ನಡಪಾದ್ ಕೊರಿಯೆರ್.

✍🏻 ಯಾದವ ಎಸ್ ಕಲ್ಲಾಪು

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಉಜಿರೆಡ್ ಸ್ವಾತಂತ್ರ್ಯ ದಿನಾಚರಣೆದ ಅಮೃತ ಮಹೋಚ್ಚಯ ಆಚರಣೆ; ಭವ್ಯ ಭಾರತ ನಿರ್ಮಾಣದ ಸಂದೇಶ ಕೊರಿಯೆರ್ ರಾಜ್ಯಸಭಾ ಸದಸ್ಯೆರ್ ಡಿ. ವೀರೇಂದ್ರ ಹೆಗ್ಗಡೆರ್

Aug 16, 2022

ಉಜಿರೆ: ರಾಷ್ಟ್ರಪಿತ ಮಹಾತ್ಮಾಗಾಂಧೀಜಿ ಮೇರ್ ಸತ್ಯ ಬೊಕ್ಕ ಅಹಿಂಸೆದ ಮುಖೇನ ದೇಶದ ಜನಕ್ಲೆನ್ ಒಟ್ಟು ಮಲ್ತ್ ದ್ ಸ್ವಾತಂತ್ರ್ಯ ಪಡೆಪುನಲ್ಪ ಯಶಸ್ವಿಯಾತೆರ್. ಭಾರತ ವಿಶ್ವದ ಶ್ರೇಷ್ಠ ರಾಷ್ಟ್ರವಾದಿತ್ತ್ ದ್ ನಮ ಭಾರತೀಯೆರ್ ಪಂದ್ ಪನಿಯರೆ ಪೆರ್ಮೆ ಆಪುಂಡು ಪಂದ್ ರಾಜ್ಯಸಭಾ ಸದಸ್ಯೆರ್, ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರ್ ಪಂಡೆರ್.

ಆರ್ ಸೋಮಾರದಾನಿ ಉಜಿರೆ ಎಸ್.ಡಿ.ಎಂ. ಶಿಕ್ಷಣ ಸಂಸ್ಥೆದ ಮುತಾಲಿಕೆಡ್ ರತ್ನವರ್ಮ ಹೆಗ್ಗಡೆ ಕ್ರೀಡಾಂಗಣಡ್ ನಡತಿನ ಸ್ವಾತಂತ್ರ್ಯ ದಿನಾಚರಣೆದ ಲೇಸ್ ಡ್ ಧ್ವಜಾರೋಹಣ ಮಲ್ತ್ ದ್, ಕಲ್ಪಾರ್ಥಿಲೆಗ್ ರಾಷ್ಟ್ರಧ್ವಜ ಕೊರ್ದು ಎಡ್ಡೆಪ್ಪುನ್ ಬಯಕ್ಯೆರ್. ಸ್ವಾತಂತ್ರ್ಯದ ಶತಮಾನೋತ್ಸವ ಆಚರಣೆದ ಪೊರ್ತುಡು ದೇಶನ್ ಭವ್ಯ ಭಾರತವಾದ್ ಎಂಚ ಮಲ್ಪೊಲಿ ಪನ್ಪಿನವ್ ಯುವಜನಕ್ಲೆನ ಜಬದಾರಿ ಆದುಂಡು ಪಂದ್ ಆರ್ ಪಂಡೆರ್.

ಎಸ್.ಡಿ.ಎಂ. ಶಿಕ್ಷಣ ಸಂಸ್ಥೆದ ಕಾರ್ಯದರ್ಶಿಲು ಡಿ. ಹರ್ಷೇಂದ್ರ ಕುಮಾರ್ ಬೊಕ್ಕ ಡಾ. ಎಸ್. ಸತೀಶ್ಚಂದ್ರ, ಸುಪ್ರಿಯಾ ಹರ್ಷೇಂದ್ರಕುಮಾರ್, ಎಸ್.ಡಿ.ಎಂ. ಕಾಲೇಜ್ ದ ಪ್ರಾಂಶುಪಾಲೆರ್ ಡಾ. ಪಿ. ಯನ್. ಉದಯಚಂದ್ರ, ಆಡಳಿತಾಧಿಕಾರಿ ಹರೀಶ್ ಎಂ. ವೈ. ಎಂಜಿನಿಯರಿಂಗ್ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ. ಅಶೋಕ ಕುಮಾರ್, ಪ್ರಕೃತಿ ಚಿಕಿತ್ಸಾ ಬೊಕ್ಕ ಯೋಗ ವಿಜ್ಞಾನ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ. ಪ್ರಶಾಂತ ಶೆಟ್ಟಿ, ಪದವಿಪೂರ್ವಕಾಲೇಜ್ ದ ಪ್ರಾಂಶುಪಾಲೆರ್ ಪ್ರೊ. ದಿನೇಶ್‌ ಚೌಟ, ಸ್ನಾತಕೋತ್ತರ ಅಧ್ಯಯನ ಕೇಂದ್ರದ ಡೀನ್ ಡಾ. ಪಿ. ವಿಶ್ವನಾಥ್, ಮಾತ ಎಸ್.ಡಿ.ಎಂ. ಸಂಸ್ಥೆಲೆನ ಮುಖ್ಯಸ್ಥೆರ್, ಸಿಬ್ಬಂದಿಲು ಬೊಕ್ಕ ಕಲ್ಪಾರ್ಥಿಲು ಲೇಸ್ ಡ್ ಇತ್ತೆರ್.

ಉಪನ್ಯಾಸಕೆರ್ ಸುನಿಲ್ ಪಂಡಿತ್ ಲೇಸ್ ಸುದಾರಿಕೆ ಮಲ್ತೆರ್. ಕಲ್ಪಾರ್ಥಿಲೆಡ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್.

The 75 th independence day celebrations at Ujjire:

Let us build a strong nation together – MP Veerendra Heggade gives a clarion call

Ujjire: ” We got our freedom through the doctrine of Ahimsa advocated by the father of our nation Mahatma Gandhi.Our country today is one of the most respected nations of the world.We should be proud to be citizens of this great nation” said Sri D Veerendra Heggade after hoisting the national flag at the Sri Rathnaverma Heggade stadium in Ujjire at a function organised under the auspices of the SDM Society.

He added that it is the duty of today’s youth to build a strong nation by the time we celebrate the nation’s centenary celebrations of independence.

The members and office bearers of SDM Society, principals of various colleges and schools under the SDM Society dignitaries and students participated in the program. A cultural extravaganza followed.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಪುತ್ತೂರ್ದ ಸುದ್ದಿ | Puttur News

ಪುತ್ತೂರ್ ಸ್ವಾತಂತ್ರ್ಯ ದಿನಾಚರಣೆಗ್ ಬರಂದಿನ ಕಲ್ಪಾರ್ಥಿಲೆಡ ೫೦೦ ಸರ್ತಿ “ಭಾರತ್ ಮಾತಾ ಕೀ ಜೈ” ಬರೆಪಾಯಿನ ಶಿಕ್ಷಕೆರ್

Aug 16, 2022

ಪುತ್ತೂರ್: ಸ್ವಾತಂತ್ರ್ಯದ ಅಮೃತ ಉಚ್ಚಯದ ಆಚರಣೆದ ದಿನ ಅಂಬಿಕಾ ವಿದ್ಯಾ ಸಂಸ್ಥೆಡ್ ನಡತಿನ ಲೇಸ್ ಗ್ ಬರಂದಿನ ಕಲ್ಪಾರ್ಥಿಲೆಡ ೫೦೦ ಸರ್ತಿ “ಭಾರತ್ ಮಾತಾ ಕೀ ಜೈ” ಪಂದ್ ಬರೆದ್ ಪ್ರಾಂಶುಪಾಲರೆಗ್ ತೊಜ್ಪಾದ್ ಅಯಿಬೊಕ್ಕ ಕ್ಲಾಸ್ ಗ್ ಬರೊಡು ಪಂದ್ ಸೂಚನೆ ಕೊರ್‍ತೆರ್.

ಆಗೋಸ್ಟ್ ೧೫ಕ್ಕ್ ವಿದ್ಯಾಸಂಸ್ಥೆಡ್ ಕಾಂಡೆ ಧ್ವಜಾರೋಹಣ, ಅಮರ್ ಜವಾನ್ ಸ್ಮಾರಕ ಜ್ಯೋತಿ ಕೈತಲ್ ಬೊಕ್ಕ ಬ್ರಹಶ್ರೀ ನಾರಾಯಣಗುರು ಮಂದಿರಡ್ ನಡತಿನ ಲೇಸ್ ಡ್ ಮಾತ ಕಲ್ಪಾರ್ಥಿಲು ಪಾಲ್ ಪಡೆಯೊಡ್ ಪಂದ್ ಸೂಚನೆ ಕೊರ್‍ದಿತ್ತೆರ್. ಆಗೋಸ್ಟ್ ೧೫ಕ್ಕ್ ನಡತಿನ ಲೇಸ್ ಡ್ ಪಾಲ್ ಪಡೆಯಂದಿನ ಕಲ್ಪಾರ್ಥಿಲೆಡ ೫೦೦ ಸರ್ತಿ “ಭಾರತ್ ಮಾತಾ ಕೀ ಜೈ” ಘೋಷಣೆನ್ ಬರೆದ್ ಪ್ರಾಂಶುಪಾಲರೆಗ್ ಆ.೧೬ ಕ್ಕ್ ತೊಜ್ಪಾದ್ ಅಯಿಬೊಕ್ಕ ಕ್ಲಾಸ್ ಗ್ ಬರೊಡು ಪಂದ್ ಸಂಸ್ಥೆದ ವಾಟ್ಸಪ್ ಗ್ರೂಪ್ ಮುಖೇನ ಸೂಚನೆ ಕೊರ್‍ತೆರ್. ಕಲ್ಪಾರ್ಥಿಲೆಗ್ ಸ್ವಾತಂತ್ರ್ಯೋಚ್ಚಯದ ಮಹತ್ವದ ಅರಿವು, ಜಾಗೃತಿ ಮೂಡಿಸಾವುನ ಬಗೆಟ್ ಈ ರೀತಿ ಮಲ್ತ್ ದೆರ್ ಪಂದ್ ತೆರಿದ್ ಬೈದ್ಂಡ್.

ಹಳೆಯಂಗಡಿ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲಡ್ ಸ್ವಾತಂತ್ರ್ಯ ದಿನತ್ತ ಅಮೃತ ವರ್ಸದ ಆಚರಣೆ

Aug 16, 2022

ಹಳೆಯಂಗಡಿ : ಸ್ವಾತಂತ್ರ್ಯ ಸಂಗ್ರಾಮಡ್ ತುಳುನಾಡ್ ದ ಮಣ್ಣ್ ಡ್ ತನ್ನ ಜೀವನ್ ತ್ಯಾಗ ಮಲ್ತ್ ದ್ ಪೊರ್ಂಬಾಟ ಮಲ್ತಿನ ವೀರ ಪುರುಷೆರೆನ್ ನೆಂಪು ಮಲ್ತ್ ದ್ ಪೊರ್ಂಬಾಟದ ಬಗೆಟ್ ಜಾಗೃತಿ ಪುಟ್ಟಾವುನ ಬೇಲೆ ಆಯರೆ ಉಂಡು. ಸುಳ್ಯ ರ್ದ್ ಕುಡ್ಲದ ಬಾವುಟಗುಡ್ಡೆ ಮುಟ್ಟ ನಡತಿನ ಕ್ರಾಂತಿಕಾರಿ ಪೊರ್ಂಬಾಟದ ಕತೆನ್ ದುಂಬುದ ಪೀಳಿಗೆಗ್ ಮುಟ್ಟಾವುನ ಬೇಲೆ ಆವೊಡು. ತುಳು ಭಾಷೆಗ್ ಅಧಿಕೃತವಾದ್ ತಾನಮಾನ ತಿಕ್ಕಿಜಿಂಡ ಅಲಿದ್ ಪೋಪಿನ ಭಾಷೆಲೆನ ಸಾಲ್ ಡ್ ತುಳು ಸುರುತ್ತ ತಾನ ಪಡೆಯುನವ್ ಖಂಡಿತ. ಉಂದೆನ್ ಸಂಘ ಸಂಸ್ಥೆಲು ಸರಕಾರದ ಗಮನ ಸೆಳೆಯುನ ಪ್ರಯತ್ನ ಮಲ್ಪೊಡು ಪಂದ್ ಟೈಮ್ಸ್ ಆಫ್ ಕುಡ್ಲ ತುಳು ವಾರಪತ್ರಿಕೆದ ಪ್ರಧಾನ ಸಂಪಾದಕೆರ್ ಎಸ್.ಆರ್.ಬಂಡಿಮಾರ್ ಪಂಡೆರ್.

ಆರ್ ಮೂಲ್ಕಿ ತಾಲೂಕ್ ಹಳೆಯಂಗಡಿದ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಮುತಾಲಿಕೆಡ್ ದೇಶದ ಸ್ವಾತಂತ್ರ್ಯ ದಿನಾಚರಣೆದ ಅಮೃತ ಮಹೋತ್ಸವ ಧ್ವಜಾರೋಹಣ ಮಲ್ತ್ ದ್ ಅಯಿಬೊಕ್ಕ ನಡತಿನ ಸಭಾ ಕಾರ್ಯಕ್ರಮದ ಗುರ್ಕಾರ್ಮೆ ವಹಿಸೊಂದು ಪಾತೆರಿಯೆರ್.

ಯಕ್ಷಗಾನ ಕಲಾವಿದೆರ್ ಹರಿರಾಜ್ ಶೆಟ್ಟಿಗಾರ್ ಪಾತೆರ್ದ್, ದೇಶದ ಸ್ವಾತಂತ್ರ್ಯ ಚಳವಳಿತ್ತ ಅಂಚನೆ ಪರಪೋಕುದ ಬಗೆಟ್ ತೆರಿಪಾಯೆರ್. ಲೇಸ್ ಡ್ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಸಲಹಾ ಸಮಿತಿದ ಅಧ್ಯಕ್ಷೆರ್ ಸದಾಶಿವ ಅಂಚನ್ ಚಿಲಿಂಬಿ, ರಜತ ಸೇವಾ ಟ್ರಸ್ಟ್‌ದ ಪ್ರಧಾನ ಕಾರ್ಯದರ್ಶಿ ಸ್ಟ್ಯಾನಿ ಡಿ ಕೋಸ್ತ, ಪೊಂಜೊವ್ ಲೆನ ಮಂಡಳಿದ ಅಧ್ಯಕ್ಷೆರ್ ರೇಷ್ಮಾ, ಯುವತಿ ಮಂಡಲದ ಉಪಾಧ್ಯಕ್ಷೆರ್ ರಕ್ಷಿತಾ ಶೆಟ್ಟಿ ಇತ್ತೆರ್.

ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಸುವರ್ಣ ಮಹೋತ್ಸವ ಸಮಿತಿದ ಕಾರ್ಯಾಧ್ಯಕ್ಷೆರ್ ಸುಧಾಕರ ಆರ್. ಅಮೀನ್ ಬಿನ್ನೆರೆನ್ ಎದ್ಕೊನಿಯೆರ್. ಯುವಕ ಮಂಡಲದ ಅಧ್ಯಕ್ಷೆರ್ ಯತೀಶ್ ಕೋಟ್ಯಾನ್ ಸೊಲ್ಮೆ ಸಂದೈತ ಮಲ್ತೆರ್. ಯೋಗೀಶ್ ಪಾವಂಜೆ ಲೇಸ್ ನಿರೂಪಣೆ ಮಲ್ತೆರ್.

ಹಳೆಯಂಗಡಿದ ಬೇತೆ ಬೇತೆ ಶಾಲಾ-ಕಾಲೇಜ್ ದ ಸಂಘ ಸಂಸ್ಥೆದ ಸಾಕಾರಡ್ ಹಳೆಯಂಗಡಿ ಯುವಕ ಮಂಡಲದ ಜಾಗೆಡ್ದ್ ಪಡುಪಣಂಬೂರು ಮುಟ್ಟ ಭವ್ಯ ಮೆರವಣಿಗೆಡ್ ತಿರಂಗ ಯಾತ್ರೆ ನಡತ್ಂಡ್.

Vidya Vinayak Yuvak Mandal,Haleangadi celebrates independence day

The story of the freedom struggle must be made known to the younger generation- S R Bandimar:

Haleangadi : “The story of the freedom struggle especially the freedom fighters of Tulunadu, their heroism, struggle and life must be made known to the younger generation.They must be made aware of the sacrifices of their forefathers to secure our independence.

Tulu language must also get the status it deserves.It is the duty of of the different local associations to bring this to the notice of the government” said S R Bandimar the chief editor of Times of Kudla, Tulu newspaper.

He was speaking after hoisting the national flag on the occasion of the country’s 75 years of independence at Mulki Haleangadi at the function organised by Sri Vidya Vinayak Yuvak Mandal.

Yakshagana artist Hariraj Shettigar, Sri Sadashiv Anchan the president of the advisory committee of the Yuvak Mandal, Stanley D Costa Smt Reshma,smt Rakshita were present on the occasion.

A grand procession was organised by the various schools,colleges and associations after the program.

“ಅಗ್ನಿವೀರ್” ಮಿಲಿಟ್ರಿಗ್ ಜವನೆರ್ ಎಚ್ಚಿನ ಸಂಖ್ಯೆಡ್ ಸೇರೊಡು: ಜಿ.ಕೆ.ಸುಂದರ್; ಪಂಜ ಕೊಯಿಕುಡೆ ಶ್ರೀ ವಿಠೋಭ ಭಜನಾ ಮಂದಿರಡ್ ಸ್ವಾತಂತ್ರ್ಯ ಅಮ್ರುತ ಮಹೋಚ್ಚಯ ಆಚರಣೆ

Aug 16, 2022

ಪಂಜ ಕೊಯಿಕುಡೆ : ಸ್ವಾತಂತ್ರ್ಯದ ಅಮ್ರುತ ಮಹೋಚ್ಚಯದ ಪೊರ್ತುಡು ಪ್ರಧಾನಿ ನರೇಂದ್ರ ಮೋದಿ ಮೇರ್ ಜಾರಿಗ್ ಕನದಿನ ಅಗ್ನಿಪಥ ಯೋಜನೆದ ಅಗ್ನಿವೀರ್ ಮಿಲಿಟ್ರಿ ಪಡೆಕ್ಕ್ ಜವನೆರ್ ಎಚ್ಚಿನ ಸಂಖ್ಯೆಡ್ ಸೇರ್ದ್ ದೇಶ ಸೇವೆ ಮಲ್ಪೊಡು ಪಂದ್ ವಾಯುಸೇನೆದ ನಿವೃತ್ತ ಯೋಧೆರ್ , ಪಂಜ ಗೋಳಿದಡಿ ಮನೆತನದ ಜಿ.ಕೆ.ಸುಂದರ್ ಕೃಷ್ಣಾಪುರ ಮೇರ್ ತೆರಿಪಾಯೆರ್.

ಆರ್ ಪಂಜ ಕೊಯಿಕುಡೆ ಶ್ರೀ ವಿಠೋಭ ಭಜನಾ ಮಂದಿರಡ್ ಆ.15 ಸೋಮಾರ ಪೊಸ ಧ್ವಜಸ್ತಂಭ ಉದಿಪನ ಬೊಕ್ಕ ಸ್ವತಂತ್ರ ದಿನತ್ತ ಅಮೃತೋತ್ಸವ ಲೇಸ್ ಡ್ ರಾಷ್ಟ್ರ ಧ್ವಜ ಏರಾದ್ ಪಾತೆರಿಯೆರ್.

ಮಲ್ಲ ಬಿನ್ನೆರಾದ್ ಶ್ರೀ ವಿಠೋಭ ಭಜನಾ ಮಂದಿರದ ಗೌರವ ಗುರ್ಕಾರ್ಲು ವಿಶ್ವನಾಥ ಶೆಟ್ಟಿ ಪಂಜದಗುತ್ತು, ಧ್ವಜಸ್ತಂಭದ ದಾನಿ, ಗುತ್ತಿಗೆದಾರೆರ್ ಈ.ಟಿ.ಶೆಟ್ಟಿ, ಬೊಂಬೈದ ಉದ್ಯಮಿ, ರಮೇಶ್ ಡಿ. ಶೆಟ್ಟಿ, ಬಾಕಿಮಾರುಗುತ್ತು, ಕೆಮ್ರಾಲ್ ಪಂಚಾಯತ್ ದ ಒತ್ತು ಗುರ್ಕಾರ್ಲು ಸುರೇಶ್ ಪಂಜ , ಯಕ್ಷಲಹರಿ ಪ್ರಶಸ್ತಿ ಪಡೆದಿನ ಶನಿ ಕಥಾ ಕಲಾವಿದೆರ್ ವಸಂತ ಶೆಟ್ಟಿ ನಲ್ಯಗುತ್ತು ಅಂಚೆನೆ ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆದ ಸಹ ಸಂಪಾದಕೆರ್ ಯಶೋಧರ ಕೋಟ್ಯಾನ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಶ್ರೀ ಶನೀಶ್ವರ ಮಂಡಳಿದ ಅಧ್ಯಕ್ಷೆರ್ ರಾಮಚಂದ್ರ ಶೆಟ್ಟಿ ಬೊಕ್ಕ ಸರ್ವ ಸದಸ್ಯೆರ್, ನವಜ್ಯೋತಿ ಮಹಿಳಾ ಮಂಡಳಿದ ಗುರ್ಕಾರ್ದಿ ಅಮಿತಾ ದೇವಾಡಿಗ , ಶೈಲಜಾ ಎನ್. ಶೆಟ್ಟಿ, ಮಮತಾ ಶೆಟ್ಟಿ ಬೊಕ್ಕ ಸರ್ವ ಸದಸ್ಯೆರ್, ಹರಿಪಾದೆ ಶ್ರೀ ಜಾರಂದಾಯ ಮಹಿಳಾ ಮಂಡಲದ ಗುರ್ಕಾರ್ದಿ ಸರಿತಾ ಶೆಟ್ಟಿ, ಹರಿಪಾದ ಶ್ರೀ ಜಾರಂದಾಯ ಯುವಕ ಮಂಡಲದ ಗುರ್ಕಾರ್ಲು ಅನಿಲ್ ಅಮೀನ್, ನವೀನ್ ಹರಿಪಾದೆ, ಕೆಮ್ರಾಲ್ ಪಂಚಾಯತ್ ಸದಸ್ಯೆರ್ ನವೀನ್ ಸಾಲ್ಯಾನ್, ಕೇಶವ ಪೂಜಾರಿ, ವಿಠೋಭ ಭಜನಾ ಮಂದಿರದ ಚಂದ್ರಹಾಸ್ ಎಂ.ಶೆಟ್ಟಿ, ಸತೀಶ್ ಜೆ. ಶೆಟ್ಟಿ ಪಂಜದಗುತ್ತು, ನಾರಾಯಣ ಶೆಟ್ಟಿ, ಸುಂದರ ಸಿ.ಅಮೀನ್, ಉಳ್ಯ, ಉಮೇಶ್ ಪಂಜ, ನವೀನ್ ಶೆಟ್ಟಿ ನಲ್ಯಗುತ್ತು, ಸಂತೋಷ್ ಶೆಟ್ಟಿ, ರಾಜು ಶೆಟ್ಟಿ ಮಜಲಗುತ್ತು, ಕೋಶಾಧಿಕಾರಿ ಮಹೇಶ್ ದೇವಾಡಿಗ , ದಕ ಜಿಲ್ಲಾ ಪಂಚಾಯತ್ ಹಿರಿಯ ಪ್ರಾಥಮಿಕ ಶಾಲೆ ಪಂಜ ನೆತ್ತ ಮುಖ್ಯೋಪಾಧ್ಯಾಯೆರ್ ಬೊಕ್ಕ ಶಿಕ್ಷಕೆರ್ ಬೊಕ್ಕ ಕಲ್ಪಾರ್ಥಿಲು ಅಂಚೆನೆ ಊರುದು ಗಣ್ಯೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಶ್ರೀ ವಿಠೋಭ ಭಜನಾ ಮಂದಿರದ ಗುರ್ಕಾರ್ಲು ಸತೀಶ್ ಶೆಟ್ಟಿ ಬೈಲಗುತ್ತು ಲೇಸ್ ಸುಧಾರಿಕೆ ಮಲ್ತೆರ್. ಕಾರ್ಯದರ್ಶಿ ಭರತ್ ಶೆಟ್ಟಿ ಸೊಲ್ಮೆ ಸಂದಾಯೆರ್. ಬೊಕ್ಕ ಪಂಜ ಫ್ರೆಂಡ್ಸ್ ಕೂಟದಕ್ಲೆರ್ದ್ ಉಲ್ಯ ಬೊಕ್ಕ ಪಕ್ಷಿಕೆರೆ ಮುಟ್ಟ ಸ್ವಾತಂತ್ರ್ಯ ಸಂಭ್ರಮದ ಬೈಕ್ ರ‌್ಯಾಲಿ ನಡತ್ಂಡ್.

“Agniveer” Youth should take up military services- G K Sundar

Swatantra Amrut Mahotsav at Sri Vitoba Bajana Mandir at Punja Koikude

Punja Koikude: The PM Narendra Modi has introduced Agnipath Yojan for military service personnel ,which should be taken up by the youth in large numbers and render service to the nation said GK Sundar Krishnapur retired airforce personal after hoisting the national flag at Sri Vitoba Bajana Mandir on independence day.

A new flag pole was installed here which was donated by E T Shetty . The chief guest was honorary president of Sri Vitoba Bajana Mandir Sri Vishwanath Shetty Punjaguttu, Contractor E T Shetty, Mumbai Entrepreneur Ramesh D Shetty, Sub Editor from Times of Kudla weekly Tulu newspaper Yashodhara Kotian,Vasanth Shetty Yakshalahari award winner.

Other dignitaries from the area also participated in the function.

M	T	W	T	F	S	S
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

August 16, 2022

20 ದಿನಟ್ 30 ಕೋಟಿರ್ದ್ ಲ ಎಚ್ಚದ ರಾಷ್ಟ್ರಧ್ವಜ ತಯಾರ್: 500 ಕೋಟಿ ರೂ. ಸೇಲ್ !

ವಿವೇಕಾನಂದ ಯುವಕ ಮಂಡಲ (ರಿ.) ಚೇಳಾಯಿರು ಉಂದೆತ್ತ 50 ನೇ ವರ್ಸದ ಲೆಕ್ಕೊಡು ಕೆಸರ್ ಕಂಡೊಡು ಗೊಬ್ಬುದ ಉಚ್ಚಯ

ವರಕೋಡಿ ಯಕ್ಷಕಲಾ ಸಂಘದ ಲೆಕ್ಕೊಡು ಸ್ವಾತಂತ್ರ್ಯ ದಿನಾಚರಣೆ ಬೊಕ್ಕ ಕೆಸರುಗದ್ದೆ ಕ್ರೀಡಾಕೂಟ

ದ.ಕ ಜಿಲ್ಲೆದ 2 ನೇ ಮಾಮಲ್ಲ ರಾಷ್ಟ್ರ ಕೊಡಿ ಉದಿಪನ; ತೊಕ್ಕೊಟ್ಟುಡು 110 ಅಡಿ ಎತ್ತರಡ್ ರಾವೊಂದುಂಡು 30 ಅಡಿ ಎತ್ತರದ ಬಾವುಟ

ಬೆಂಗ್ಲೂರು ಕುಲಾಲ ಸಂಘಡ್ 75 ನೇ ಸ್ವಾತಂತ್ರ್ಯ ದಿನಾಚರಣೆ

ರಾಜಬೂಡು ಬೆಂಗಳೂರುಡ್ ಪರಿವಾರ ಬಂಟರ ಸಂಘ (ರಿ)ಬೆಂಗಳೂರು ವಲಯೊಡ್ದ್ ಆಟಿಡೊಂಜಿ ದಿನ ಲೇಸ್

ಪುತ್ತೂರ್ ಸ್ವಾತಂತ್ರ್ಯ ದಿನಾಚರಣೆಗ್ ಬರಂದಿನ ಕಲ್ಪಾರ್ಥಿಲೆಡ ೫೦೦ ಸರ್ತಿ “ಭಾರತ್ ಮಾತಾ ಕೀ ಜೈ” ಬರೆಪಾಯಿನ ಶಿಕ್ಷಕೆರ್

ಹಳೆಯಂಗಡಿ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲಡ್ ಸ್ವಾತಂತ್ರ್ಯ ದಿನತ್ತ ಅಮೃತ ವರ್ಸದ ಆಚರಣೆ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ