ಮೀರಾ ಭಯಂದರ್ : ಸನಾತನ ಧರ್ಮದ ಬಗೆಟ್ಟ್ ಗೇನ ಪುಟ್ಟಾವುನ ನಿಲೆಟ್ಟ್ ಫೆಬ್ರವರಿ ತಿಂಗೊಲುಡ್ ಸಂಪೂರ್ಣ ರಾಮಾಯಣ ಪರೀಕ್ಷೆದ ಪಂತೊನು ಮಲ್ತ್ದ್ ಯಶಸ್ವಿಯಾತಿನ ವೀರ ಕೇಸರಿ ಮೀರಾಭಯಂದರ್ ಸಂಸ್ಥೆ, ಮಾ. 24 ಐತಾರ ಕುಣಿತ ಭಜನೆ ಪಂತೊ ಅಟ್ಟನೆ ಮಲ್ತ್ದ್ಂಡ್.
ವಿದ್ವಾನ್ ರಾಧಾಕೃಷ್ಣ ಭಟ್ ಬೊಕ್ಕ ಸಾಣೂರು ಸಾತಿಂಜ ಜನಾರ್ದನ್ ಭಟ್ ಮೊಕಲೆನ ಆಶೀರ್ವಾದಡ್ ನಡಪರೆ ಇಪ್ಪುನ ಭಜನಾ ಪಂತೊ ಸಂಸ್ಥೆದ ಅಧ್ಯಕ್ಷೆರ್ ಆಯಿನ ಹರೀಶ್ ರೈ ಮೆರೆನ ಮುತಾಲಿಕೆಡ್ ಬಾಯಂದರ್ ಸೈಂಟ್ ಆಗ್ನೇಸ್ ಇಂಗ್ಲಿಷ್ ಹೈಸ್ಕೂಲ್ಡ್ ಮಧ್ಯಾಹ್ನ 2.30 ಗಂಟೆರ್ದ್ ಸುರು ಆಯರೆ ಉಂಡು.
ಕುಣಿತ ಭಜನೆ ಪಂತೊದ ನಿಯಮಲು:
- 5 ವರ್ಷರ್ದ್ 22 ವರ್ಷದ ವಯೋಮಿತಿ ತಂಡಲೆರ್ದ್ ನಡಪರೆ ಉಂಡು.
- ಸುರುಕ್ಕ್ ನೋಂದಣಿ ಮಲ್ತಿನ 10 ತಂಡಲೆಗ್ ಮಾತ್ರ ಅವಕಾಶ.
- ಪಂತೊಡು ಆಂಜೋವುಲು ಬೊಕ್ಕ ಪೊಂಜೋವುಲೆನ ಪ್ರತ್ಯೇಕ ವಿಭಾಗ ಇಜ್ಜಿ.
- ಪಂತೊಡು 8 ರ್ದ್ 12 ಸದಸ್ಯೆರೆಗ್ ಮಾತ್ರ ಅವಕಾಶ.
- ಒಂಜಿ ತಂಡೊಗು 10 ನಿಮಿಷ ಮುಟ್ಟ ಅವಕಾಶ.
- ಪಂತೊಡು ಧ್ವನಿ ಮುದ್ರಿತ ಸಂಗೀತಗ್ ಅವಕಾಶ ಉಂಡು. ತಾಳ ಬುಡ್ದ್ ಬೇತೆ ಒವ್ವೇ ಪರಿಕರನ್ ಗಲಸುಲೆಕ್ಕ ಇಜ್ಜಿ.
- ಕಡ್ಡಾಯವಾದ್ ಸ್ಪರ್ಧಿಲು ಭಾರತೀಯ ಪರಂಪರೆದ ಸಮವಸ್ತ್ರನ್ ಪಾಡೊಡು.
ತೀರ್ಪುಗಾರೆರೆನ ತೀರ್ಮಾನನೇ ಕಡೆತ್ತ ತೀರ್ಮಾನ ಆದಿಪ್ಪುಂಡು. - ಪಾಲ್ ಪಡೆಯುನ ತಂಡೊಲು ಮಧ್ಯಾಹ್ನ 1.30 ಗಂಟೆಗ್ ಸರಿಯಾದ್ ಸಭಾಂಗಣಡ್ ಕ್ರಮ ಸಂಖ್ಯೆ ಪಡೆಯೊನರೆ ಹಾಜರ್ ಆದ್ ಇಪ್ಪೊಡು.
ಆನಿ ನಡಪುನ ಸಭಾ ಕಾರ್ಯಕ್ರಮಡ್ ಬಂಟ್ಸ್ ಸಂಘ ಬೊಂಬಾಯಿದ ಅಧ್ಯಕ್ಷೆರ್ ಪ್ರವೀಣ್ ಭೋಜ ಶೆಟ್ಟಿ, ಮೀರಾ ದಹಣೂ ಬಂಟ್ಸ್ ಸಂಘದ ಗೌರವ ಅಧ್ಯಕ್ಷೆರ್ ಶಂಕರ್ ಬಿ. ಶೆಟ್ಟಿ ವಿರಾರ್, ಸೈಂಟ್ ಅಗ್ನೇಸಿಯಸ್ ಸ್ಕೂಲ್ದ ಸಿ.ಎಂ.ಡಿ. ಡಾ. ಅರುಣೋದಯ ರೈ ಬೆಳಿಯೂರುಗುತ್ತು, ಮೀರಾ ದಹಣೂ ಬಂಟ್ಸ್ ಅಧ್ಯಕ್ಷೆರ್ ಪ್ರಕಾಶ್ ಎಮ್. ಹೆಗ್ಡೆ, ಉದ್ಯಮಿ ಮಹೇಶ್ ಶೆಟ್ಟಿ ತೆಳ್ಳಾರ್, ಬಿಲ್ಲವರ ಅಸೋಸಿಯೇಶನ್ ಬೊಂಬಾಯಿದ ಅಧ್ಯಕ್ಷೆರ್ ಹರೀಶ್ ಅಮೀನ್, ಮಾಜಿ ಎಂ.ಎಲ್.ಎ. ನರೇಂದ್ರ ಮೆಹ್ತಾ, ಮೀರಾಭಯಂದರ್ 145 ನೇ ವಿಧಾನಸಭಾ ಅಧ್ಯಕ್ಷೆರ್ ಅಡ್ವಕೇಟ್ ರವಿ ವ್ಯಾಸ್, ಸಮಾಜ ಸೇವಕೆರ್ ಅಂಚನೆ ಉದ್ಯಮಿ ಕಾಶಿಮೀರಾ ಭಾಸ್ಕರ್ ಶೆಟ್ಟಿ, ಬಿಜೆಪಿ ನೇತಾರ ಸಚ್ಚಿದಾನಂದ ಶೆಟ್ಟಿ ಮುನ್ನಲಾಯಿಗುತ್ತು, ಗುರುಸ್ವಾಮಿ ಸದಾಶಿವ ಎ. ಕರ್ಕೇರ, ಭಾರತೀಯ ರಕ್ಷಣಾ ಸಂಸ್ಥೆದ ಸದಸ್ಯೆರ್ ಡಾ. ಹರೀಶ್ ಬಿ. ಶೆಟ್ಟಿ, ಸಮಾಜ ಸೇವಕೆರ್ ಪ್ರಸಾದ್ ಪರಬ್, ನಮ ಜವಣೆರ್ ಸಂಸ್ಥೆದ ಸ್ಥಾಪಕಾಧ್ಯಕ್ಷೆರ್ ಚೇತನ್ ಶೆಟ್ಟಿ, ಗೋಕುಲ್ ಎಂಟರ್ ಪ್ರೈಸಸ್ದ ಗೋಪಾಲ್ ಕೃಷ್ಣ ಗೋವಿಂದ ಗಾಣಿಗ, ನವತರುಣ ಮಿತ್ರ ಮಂಡಳಿದ ಅಧ್ಯಕ್ಷೆರ್ ಯೋಗೆಶ್ ಗಾಣಿಗ, ಮೀರಾ ದಹಣೂ ಬಂಟ್ಸ್ದ ಕ್ರೀಡಾ ಕಾರ್ಯಾಧ್ಯಕ್ಷೆರ್ ಮುಖೇಶ್ ಶೆಟ್ಟಿ ಮೊಕುಲು ಪಾಲ್ ಪಡೆಯರೆ ಉಲ್ಲೆರ್.
ಸಭಾ ವೇದಿಕೆಡ್ ಫೆಬ್ರವರಿ ತಿಂಗೊಲುಡ್ ನಡತಿನ ಸಂಪೂರ್ಣ ರಾಮಾಯಣ ಪಂತೊದ ಅಂಚನೆ ಭಜನಾ ಪಂತೊಡ್ ಗೆಂದಿನಕ್ಲೆಗ್ ಇನಾಮು ಕೊರ್ದು ಮಾನಾದಿಗೆ ಮಲ್ಪರೆ ಉಂಡು. ಈ ಮಾತಾ ಕಾರ್ಯಕ್ರಮಲೆಗ್ ತುಳು-ಕನ್ನಡಿಗೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್, ಕಾರ್ಯಕ್ರಮ ಯಶಸ್ವಿ ಆಪುನಲ್ಪ ಸಕಾರ ಮಲ್ಪೊಡು ಪಂದ್ ಸಂಸ್ಥೆದ ಅಧ್ಯಕ್ಷೆರ್ ಹರೀಶ್ ರೈ ಅಂಚನೆ ಸರ್ವ ಸದಸ್ಯೆರ್ ತೆರಿಪಾದೆರ್.
ಎಚ್ಚದ ಮಾಹಿತಿಗಾದ್
ವಿಜಯ್ ಶೆಟ್ಟಿ ಮೂಡುಬೆಳ್ಳೆ 7039126713,
ರಾಜೇಶ್ ಶೆಟ್ಟಿ ಕಾಪು 9820953404
ಜಗದೀಶ್ ಶೆಟ್ಟಿ ಪಂಜಿನಡ್ಕ 9619689065 ಮೊಕುಲೆಗ್ ಲೆಪ್ಪು ಕೊರೊಲಿ.
ವರದಿ: ವೈ. ಟಿ. ಶೆಟ್ಟಿ ಹೆಜಮಾಡಿ
pallavi shetty