ಬಂಟ್ವಾಳ: ತುಡರ್ ಪರ್ಬದ ಲೆಕ್ಕೊಡು ಪೆರಾಜೆ ಶ್ರೀ ವಿಷ್ಣು ಸ್ಪೋರ್ಟ್ಸ್ ಕ್ಲಬ್ ದ ಮುತಾಲಿಕೆಡ್ ಪೆರಾಜೆ ಯುವಕ ಮಂಡಲ (ರಿ.) ದ ಒಟ್ಟುಸೇರಿಗೆಡ್ 5ನೇ ವರ್ಷದ ಕಬಡ್ಡಿ ಅಂಕಣ ಪೂಜೆ ಬೊಕ್ಕ ಲೆತ್ತಿನ ಗೊಬ್ಬುಗಾರೆರೆನ ಕಬಡ್ಡಿ ಮ್ಯಾಚ್ ನಡತ್ಂಡ್.
ಈ ಲೇಸ್ ಗ್ ಬಿನ್ನೆರಾದ್ ಗ್ರಾಮ ಪಂಚಾಯತ್ ಗುರ್ಕಾರೆ, ಯುವಕ ಮಂಡಲ ಪೆರಾಜೆದ ಮಾಜಿ ಗುರ್ಕಾರೆ ಕುಶಾಲ ಎಂ.ಪೆರಾಜೆ, ಸಂತ ಫಿಲೋಮಿನಾ ಕಾಲೇಜ್ ದ ಕಬಡ್ಡಿ ಕೋಚ್, ಮಾಣಿಶ್ರೀ ಮಾಣಿ ಕೂಟದ ಮಾಜಿ ಆಟಗಾರೆ ಹಬೀಬ್ ಮಾಣಿ, ತನ್ಯಾ ಮೋಟಾರ್ಸ್ ತೊಕ್ಕೊಟ್ಟುದ ಮಾಲಕೆರ್, ಮಾಜಿ ಯುನಿವರ್ಸಿಟಿ ಕಬಡ್ಡಿ ಆಟಗಾರೆ ಗೌತಮ್, ಪೆರಾಜೆ ಗ್ರಾಮ ಪಂಚಾಯತ್ ಸದಸ್ಯೆರ್ ರಾಜರಾಮ್ ಭಟ್ ಕಾಡೂರು ಬೊಕ್ಕ ಯುವಕ ಮಂಡಲ ಪೆರಾಜೆ, ಶ್ರೀ ವಿಷ್ಣು ಸ್ಪೋರ್ಟ್ಸ್ ಕ್ಲಬ್, ಯಂಗ್ ಸ್ಕ್ವಾಡ್ ಪೆರಾಜೆದ ಮತ ಪದುಕೆರ್ ಬೊಕ್ಕ ಸದಸ್ಯೆರ್ ಪಾಲ್ ಪಡೆದಿತ್ತೆರ್. ಈ ಲೇಸ್ ದ ಬೊಕ್ಕ ಬೆಡಿಮರ್ದ್ ಪ್ರದರ್ಶನ, ಚೀಪೆತಿಂಡಿ ಪಟ್ಟಿಯೆರ್.
pallavi shetty