ಕಾಸ್ರೋಡು: ಪಾಯಿಕಾನೆದ ಗುಂಡಿಗ್ ಬೂರ್ದು ತೀರ್ ಪೋಯಿನ 2 ವರ್ಷದ ಆಣ್ ಬಾಲೆ

ಕಾಸ್ರೋಡು: ಪಾಯಿಕಾನೆದ ಗುಂಡಿಗ್ ಬೂರ್ದು ರಡ್ಡ್ ವರ್ಷದ ಆಣ್ ಬಾಲೆ ತೀರ್ ಪೋಯಿನ ಘಟನೆ ಇನಿ ಮಧ್ಯಾಹ್ನ ಉಪ್ಪಳಡ್ ನಡತ್ಂಡ್.

ಅಬ್ದುಲ್ ಸಮದ್ ಮೆರೆನ ಮಗೆ ಅಬ್ದುಲ್ ರಹ್ಮಾನ್ ಸಹದಾದ್ (2) ತೀರ್ ಪೋಯಿನ ಬಾಲೆ. ಪಾಯಿಕಾನೆದ ಒಂಜಿ ಭಾಗ ಅದ್ ರ್ ಬುಡ್ದಿತ್ತ್ಂಡ್. ಉಂದೆನ್ ತೂವಂದೆ ಉಂದೆತ್ತ ಮಿತ್ತ್ ನಡತೊಂದು ಪೋನಗ ಈ ಘಟನೆ ನಡತ್ಂಡ್. ಉಪ್ಪಳದ ಅಗ್ನಿಶಾಮಕ ಸಿಬ್ಬಂದಿಲು ಬತ್ತ್‌ದ್ ಆಣನ್ ಪಿದಯಿ ದೆತ್ತ್‌ದ್ ಉಪ್ಪಳದ ಆಸ್ಪತ್ರೆಗ್ ಕೊನಂಡಲ ಜೀವ ಒರಿಪಾಯರೆ ಆಯಿಜಿ. ಮಂಜೇಶ್ವರ ಠಾಣಾ ಪೊಲೀಸೆರ್ ಈ ಬಗೆಟ್ ಕ್ರಮ ದೆತೊಂದೆರ್.