ಸಸಿಹಿತ್ಲು : ಸಸಿಹಿತ್ಲು ಶ್ರೀ ಭಗವತಿ ದೇವಸ್ಥಾನಡ್ ಪೊಸರ ನಡಾರಿ (ಹೊಸ ಅಕ್ಕಿ ನಡಾವಳಿ) ಉಚ್ಚಯ ಗುರುವಾರ ನಡತ್ಂಡ್. ಕದಿಕೆ ಭಂಡಾರದ ಇಲ್ಲರ್ದ್ ಭಂಡಾರ ಬತ್ತ್ ದ್ ಶುದ್ಧಾದಿ ಪೂಜಾ ವಿಧಿ ನಡತ್ ದ್ ಬಯ್ಯಡ್ ಭಜನಾ ಸೇವೆ, ರಾತ್ರೆ ಮೂರ್ತಿ ಬಲಿ, ತುಲಾಭಾರ ಸೇವೆ ನಡತ್ಂಡ್.
ಕ್ಷೇತ್ರದ ಪ್ರಧಾನ ಅರ್ಚಕೆರ್ ಶ್ರೀನಿವಾಸ ಯಾನೆ ಅಪ್ಪು ಪೂಜಾರ್ಲು, ಆಚಾರಪಟ್ಟದಕುಲು, ಕಾಂತು ಲಕ್ಕಣ ಗುರಿಕಾರೆರ್, ಗಂಗಯ್ಯ ಗುರಿಕಾರೆರ್, ಕಿರಣ್ ಗುರಿಕಾರೆರ್ ಸೇರ್ದ್ ಏಳೂರ ಗುರಿಕಾರೆರ್, ಕ್ಷೇತ್ರದ ಆಡಳಿತ ಮಂಡಳಿ ಅಧ್ಯಕ್ಷೆರ್ ವಾಮನ ಇಡ್ಯಾ, ತೀಯಾ ಸಂಘದ ಅಧ್ಯಕ್ಷೆರ್ ಸುರೇಶ್ ಬಂಗೇರ, ಆಡಳಿತ ಬೊಕ್ಕ ಜೀರ್ಣೋದ್ಧಾರ ಸಮಿತಿದ ಪದಾಧಿಕಾರಿಲು, ಊರುದ ಬೊಕ್ಕ ಪರವೂರುದ ಭಕ್ತೆರ್ ಈ ಉಚ್ಚಯೊಡು ಪಾಲ್ ಪಡೆದ್ ಅಪ್ಪೆ ಭಗವತಿ ಬೊಕ್ಕ ಪರಿವಾರ ದೈವ ದೇವೆರೆನ ಅನುಗ್ರಹ ದೆತೊಂಡೆರ್. ಸುಕ್ರಾರ ಕಾಂಡೆ ಶ್ರೀ ಕ್ಷೇತ್ರೊರ್ದು ಕದಿಕೆ ಭಂಡಾರದ ಇಲ್ಲಗ್ ಭಂಡಾರ ಪೋಪಿನ ಮುಕೇನ ಈ ವರ್ಷದ ಪೊಸರ ನಡಾರಿ ಸಂಪನ್ನ ಆಂಡ್.
pallavi shetty