ಅ.29 : ಅವಿನಾಶ್ ಫೋಕ್ ಡ್ಯಾನ್ಸ್ ಕುಡ್ಲ (ರಿ.) ನೆತ್ತ ಮುತಾಲಿಕೆಡ್ ಜಾನಪದ ನಲಿಕೆ ಪಂತೊ

ಕುಡ್ಲ : ಅವಿನಾಶ್ ಫೋಕ್ ಡ್ಯಾನ್ಸ್ ಕುಡ್ಲ (ರಿ.) ನೆತ್ತ ಮುತಾಲಿಕೆಡ್ ಕುಡ್ಲ ಶಾಸಕೆರ್ ವೇದವ್ಯಾಸ ಕಾಮತ್ ಮೆರೆನ ಸಹಕಾರಡ್ ಕುಣಿತ ಜಾನಪದ ಸ್ಪರ್ಧೆ 2022 ಅ.29 ಗ್ ಬೊಲ್ಪುಗು 8:30 ಡಾ.ಬಿ.ಆರ್ ಅಂಬೇಡ್ಕರ್ ಭವನ ಉರ್ವಸ್ಟೋರ್ ಡ್ ನಡಪರೆ ಉಂಡು.

ಕುಡ್ಲ ತೆನ್ಕಾಯಿ ಕ್ಷೇತ್ರದ ಶಾಸಕೆರ್ ವೇದವ್ಯಾಸ ಕಾಮತ್ ಲೇಸ್ ಉದಿಪನ ಮಲ್ಪೆರೆ ಉಲ್ಲೆರ್. ಕರ್ನಾಟಕ ಜಾನಪದ ಪರಿಷತ್ತು ಕುಡ್ಲದ ಪ್ರವೀಣ್ ಕುಮಾರ್ ಕೊಡಿಯಾಲ್ ಬೈಲ್ ಅಧ್ಯಕ್ಷೆರಾದ್ ಉಲ್ಲೆರ್. ಬಿನ್ನೆರಾದ್ ಕುಡ್ಲ ಬಡಕಾಯಿ ಕ್ಷೇತ್ರದ ಶಾಸಕೆರ್ ಭರತ್ ಶೆಟ್ಟಿ ವೈ, ಮೇಯರ್ ಜಯಾನಂದ ಅಂಚನ್, ಸಚೇತಕೆರ್ ಪ್ರೇಮಾನಂದ ಶೆಟ್ಟಿ, ದಯಾನಂದ ಜಿ.ಕತ್ತಲ್ ಸಾರ್, ಕುಡ್ಲ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ರಾಜೇಶ್, ಉಪಮೇಯರ್ ಪೂರ್ಣಿಮಾ, ಕಾರ್ಪೊರೇಟರ್ ಗಣೇಶ್ ಕುಲಾಲ್, ನಟೆ ನಿರ್ದೇಶೆಕೆರ್, ನಿರ್ಮಾಪಕೆರ್ ವಿಜಯ ಕುಮಾರ್ ಕೊಡಿಯಾಲ್ ಬೈಲ್, ಕಾಂತಾರ ಪಿಕ್ಚರ್ ದ ಗುರುವ ಪುಗರ್ತೆದ ಸೌರಭ್ ಶೆಟ್ಟಿ, ಸಿವಿಲ್ ಇಂಜಿನಿಯರ್ (ಟೀಮ್2) ವಿಜಯರಾಜ್, ಶ್ರೀ ಕಟೀಲ್ ಇನೊವೇಟಿವ್ ಪ್ರಾಜೆಕ್ಟ್ ಪ್ರೈಲಿ.ಡ್ ಎಸ್.ಎಮ್ ಪ್ರಶಾಂತ್ ಪಾಲ್ ಪಡೆಯೆರೆ ಉಲ್ಲೆರ್.