ಗದಗದ ಬಸ್ ಟಿಕೆಟ್ ಡ್ ಮಹಾರಾಷ್ಟ್ರ ಸರ್ಕಾರದ ಲಾಂಛನ!

ಗದಗ: ಸಾರಿಗೆ ಇಲಾಖೆದ ನಿರ್ಲಕ್ಷ್ಯರ್ದ್, ಮರಾಠಿ ಭಾಷೆಡ್ ಇಪ್ಪುನ ಜೈ ಮಹಾರಾಷ್ಟ್ರ ರಾಜ್ಯ ಪರಿವಾಹನ್‌ ಪಂದ್ ಬರೆತಿನ ಟಿಕೆಟ್‌‌ನ್, ಬಸ್ ಪ್ರಯಾಣಿಕೆರೆಗ್ ಕೊರ್ನ ಘಟನೆ ಗದಗಡ್ ನಡತ್ಂಡ್.

ನೆನ್ ತುಯಿನ ಪ್ರಯಾಣಿಕೆರ್ ಕೂಡ್ಲೆ ಕನ್ನಡಪರ ಸಂಘಟನೆಲೆಗ್ ತೆರಿಪಾದೆರ್. ವಿಷಯ ತೆರಿದ್ ನಿಲ್ದಾಣಗ್ ಬತ್ತಿನ ಸಂಘಟನೆದ ಕಾರ್ಯಕರ್ತೆರ್ ಪ್ರತಿಭಟನೆ ಮಲ್ತ್ ದ್ ಅಧಿಕಾರಿಲೆನ್ ಬೇಲೆರ್ದ್ ದೆಪ್ಪೊಡ್ಂದ್ ಪಂಡೆರ್. ನೆತ್ತ ಬಗೆಟ್ ಸಾರಿಗೆ ಇಲಾಖೆ ಮಹಾರಾಷ್ಟ್ರಗ್ ಪೋವೊಡಾಯಿನ ಟಿಕೆಟ್ ದ ರೋಲ್‌ ತತ್ತ್ ದ್ ಗದಗಗ್ ಬತ್ತಿನವು ಗೊಂದಲಗ್ ಕಾರಣ ಆತ್ಂಡ್ ಪಂದ್ ಸ್ಪಷ್ಟನೆ ಕೊರ್ತೆರ್.