ಪಾಲ್ಘರ್: ಗರ್ಬಾ ಡ್ಯಾನ್ಸ್ ಮಲ್ತೊಂದುಪ್ಪುನಗ ತಿರ್ತ್ ಬೂರಿನ 35 ವರ್ಷದ ಮಗನ್ ಆಸ್ಪತ್ರೆಗ್ ಲೆತೊಂದು ಪೋನಗನೆ ಮಗೆ ತೀರ್ ಪೋಯಿನ ವಿಷಯ ತೆರಿದ್ ಆಯನ ಪೊಪ್ಪಲ ತಿಗಲೆ ಬೇನೆ ಆದ್ ತೀರ್ ಪೋತಿನ ಘಟನೆ ಮಹಾರಾಷ್ಟ್ರದ ಪಾಲ್ಘರ್ ಜಿಲ್ಲೆದ ವಿರಾರ್ ಡ್ ನಡತ್ಂಡ್.
ಪೊಲೀಸೆರ್ನ ಪ್ರಕಾರ, ಐತಾರ ನಡುರಾತ್ರೆ ವಿರಾರ್ ದ ಗ್ಲೋಬಲ್ ಸಿಟಿ ಕಾಂಪ್ಲೆಕ್ಸ್ಡ್ ಗರ್ಬಾ ನಲಿತೊಂದು ಇಪ್ಪುನಗ ಮನೀಶ್ ನಾರಾಪ್ಜಿ ಸೋನಿಗ್ರಾ ಆರ್ ತಿಗಕೆ ಬೇನೆಡ್ ತಿರ್ತ್ ಬೂರ್ದಿತ್ತೆರ್. ಸೋನಿಗ್ರಾ ಅರೆನ್ ಕೂಡ್ಲೆ ಅರೆನ ಪೊಪ್ಪ ನಾರಾಪ್ಜಿ ಸೋನಿಗ್ರಾ (66) ಆರ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಅಪಗ ಮಗೆ ತೀರ್ ಪೋತಿನ ಸಂಗತಿನ್ ಅರೆಡ ಪನ್ನಗ ಆರ್ ಲ ತಿಗಲೆ ಬೇನೆ ಬತ್ತ್ ದ್ ತೀರ್ ಪೋತೆರ್.
pallavi shetty