Death News

ಬೊಡೆದಿ ಜೋಕುಲೆನ್ ಗುವೆಲ್ ಗ್ ನೂಕುದು ತಾನ್ ಲ ಲಾಗಿನ ಕಂಡನಿ

ಮುಲ್ಕಿ: ಒರಿ ವ್ಯಕ್ತಿ ತನ್ನ ಮೂಜಿ ಜೋಕುಲೆನ್ ಬೊಕ್ಕ ಬೊಡೆದಿನ್ ಗುವೆಲ್ ಗ್ ನೂಕುದು ಬೊಕ್ಕ ತಾನ್ ಲ ಗುವೆಲ್ ಗ್ ಲಾಗಿನ ಘಟನೆ ಕುಡ್ಲ ತಾಲೂಕು ಮುಲ್ಕಿ ಪೊಲೀಸ್ ಸ್ಟೇಶನ್ ವ್ಯಾಪ್ತಿದ ಪದ್ಮನೂರು ಹೊಸ ಕಾವೇರಿ ಕೈತಲ್ ಗುರುವಾರ ಬಯ್ಯಡ್ ನಡತ್ಂಡ್.

ಬೊಬ್ಬೆ ಕೇಂಡ್ ಪಾರ್ ಬತ್ತಿನ ಕೈತಲ್ದಕುಲು ಗುವೆಲ್ ಡಿತ್ತಿನ ಮಾತೆರೆನ್ಲ ಮಿತ್ತ್ ದೆರ್ತ್ ದೆರ್. ಆಂಡ ಮೂಜಿ ಜೋಕುಲುಲ ದೇವೆರೆ ಪಾದ ಸೇರ್ದೆರ್.

ಹಿತೇಶ್ ಶೆಟ್ಟಿಗಾರ್ ಪನ್ಪಿನ ವ್ಯಕ್ತಿ ಈ ಕೆಲಸ ಮಲ್ದೆರ್.
ಹಿತೇಶ್ ನ ಜೋಕುಲಾಯಿನ ರಶ್ಮಿತಾ (13) ಉದಯ (11), ದಕ್ಷಿತ್ (4) ದೇವೆರೆ ಪಾದ ಸೇರಿನ ಜೋಕುಲು ಪಂದ್ ಗೊತ್ತಾತ್ಂಡ್.

ಹಿತೇಶ್ ಬೊಕ್ಕ ಆರೆನ ಬೊಡೆದಿ ಲಕ್ಷ್ಮಿ ಬಚಾವಾತೆರ್.
ಅಪಗಪಗ ಕಂಡನಿ ಬೊಡೆದಿಗ್ ಲಡಾಯಿ ಆವೊಂದಿತ್ತ್ಂಡ್ ಪಂದ್ ತೆರಿದ್ ಬೈದ್ಂಡ್. ಗುರುವಾರ ಬಯ್ಯಡ್ ಲಕ್ಷ್ಮಿ ಕೆಲಸೊರ್ದು ಬತ್ತ್ ದ್ ಜೋಕುಲೆನ್ ಕೇನ್ನಗ ಕಂಡನಿ ಸರಿಯಾದ್ ಪನಂದೆ ಇಪ್ಪುನಗ ಗುವೆಲ್ ಡ್ ಜೋಕುಲು ಮುರ್ಕುನ ಸಬ್ದ ಕೇಂಡ್ ದ್ ಲಕ್ಷ್ಮಿ ಗುವೆಲ್ದ ಕೈತಲ್ ಪೋನಗ ಹಿತೇಶ್ ಲಕ್ಷ್ಮಿನ್ ಲ ಪತ್ ದ್ ಗುವೆಲ್ಗ್ ಲಾಗಿದೆರ್ ಪಂದ್ ತೆರಿದ್ ಬೈದ್ಂಡ್.

ಬೊಬ್ಬೆ ಕೇಂಡ್ ದ್ ಪಾರ್ ಬತ್ತಿನ ಕೈತಲ್ದದಕುಲು ಪೊಲೀಸೆರ್ ಅಂಚೆನೆ ಅಗ್ನಿ ಶಾಮಕ ದಳತ್ತ ಸಿಬ್ಬಂದಿನಕುಲು ಗುವೆಲ್ ರ್ದ್ ಐನ್ ಜನನ್ಲಾ ಮಿತ್ತ್ ಕನದೆರ್. ಆಂಡ ಮೂಜಿ ಜೋಕುಲೆನ್ ಆಸ್ಪತ್ರೆಗ್ ಕೊನೊ ಪೋನಗ ಅರ್ಧ ತಾದಿಡೇ ಅಕುಲು ಪ್ರಾಣ ಬುಡ್ತೆರ್. ಲಕ್ಷ್ಮೀ ಬೊಕ್ಕ ಹಿತೇಶ್ ಬದ್ ಕ್ ದೆರ್. ಆರೋಪಿ ಹಿತೇಶ್ ನ್ ಪೊಲೀಸೆರ್ ವಶಕ್ಕ್ ದೆತೊಂದೆರ್.

ಹಿತೇಶ್ ಎಲ್ಯ ಎಲ್ಯ ಬೇಲೆ ಮಲ್ತೊಂದು ಇತ್ತ್ ದ್ ಅಯಿಟ್ಟ್ ನಷ್ಟ ಆದ್ ಕೆಲಸ ದಾಂತೆ ಇಲ್ಲಡೇ ಇತ್ತೆರ್. ಅಂಚಾದ್ ಬೊಡೆದಿ ಲಕ್ಷ್ಮಿ ಕೈತಲ್ದ ಅಂಗಡಿಗ್ ಬೇಲೆಗ್ ಪೋವೊಂದಿತ್ತೆರ್. ಬಯ್ಯಡ್ ಆರ್ ಬೇಲೆರ್ದ್ ಬನ್ನಗ ಈ ದುರಂತ ನಡದ್ಂಡ್.

ಜಾಗೆಗ್ ಡಿಸಿಪಿ ಹರಿರಾಮ್ ಶಂಕರ್ ಎಸಿಪಿ ಮಹೇಶ್ ಕುಮಾರ್, ಮುಲ್ಕಿ ಎಸ್ಐ ಕುಸುಮೋದರ್ ಭೇಟಿ ಕೊರ್ತೆರ್.