ತೆಮ್ಮದ ಮರ್ದ್ ಪರ್ದ್ ತೀರ್ ಪೋಯೆರ್ ಆಫ್ರಿಕಾದ 66 ಜೋಕುಲು: ಭಾರತದ ಮರ್ದ್ ಕಂಪನಿದ ಮಿತ್ತ್ ತನಿಖೆ ಸುರು
ದಿಲ್ಲಿ: ಭಾರತಡ್ ತಯಾರ್ ಮಲ್ದಿನ ತೆಮ್ಮ, ಸೀತದ ಮರ್ದ್ ಪರ್ನ ಆಫ್ರಿಕಾದ ಗ್ಯಾಂಬಿಯಾದ 66ಕ್ ಲ ಎಚ್ಚ ಜೋಕುಲು ತೀರ್ ಪೋತೆರ್.ನೆತ್ತ ಬಗೆಟ್ ಕೂಡ್ಲೆ ತನಿಖೆ ಮಲ್ಪೊಡು ಪಂದ್ ಕೇಂದ್ರ ಔಷಧ ನಿಯಂತ್ರಕ ಮಂಡಳಿ(ಸಿಡಿಎಸ್ಸಿಒ)ಗ್ ಪಂತ್ಂಡ್.
ತೆಮ್ಮ ಬೊಕ್ಕ ಸೀತಗ್ ಕೊರ್ಪುನ ನಾಲ್ ಸಿರಪ್ ಹರಿಯಾಣದ ಮೇಡನ್ ಫಾರ್ಮಾಸ್ಯುಟಿಕಲ್ಸ್ ಕಂಪನಿಡ್ ತಯಾರಾತಿನವು ಪಂದ್ ಡಬ್ಲ್ಯುಎಚ್ಒ ಮಹಾನಿರ್ದೇಶಕೆರ್, ಟೆಡ್ರೊಸ್ ಅಧಾನೊಮ್ ಗೆಬ್ರೆಯೆಸಸ್ ಜಿನೀವಾಡ್ ಪತ್ರಿಕಾಗೋಷ್ಠಿಡ್ ತೆರಿಪಾದೆರ್.
ತೆಮ್ಮದ ಮರ್ದ್ ಗ್ಯಾಂಬಿಯಾಡ್ ಮಾತ್ರ ಪತ್ತೆ ಆತ್ಂಡ್.ಆಂಡ, ಬೇತೆ ದೇಶಲೆಗ್ ಲ ಉಂದುವೇ ಕಂಪನಿದ ಮರ್ದುಲು ಕೊರ್ತುನೆರ್ದಾವೆರ ಎಚ್ಚರಿಕೆಡ್ ಉಪ್ಪೊಡು ಪಂದ್ ವಿಶ್ವ ಆರೋಗ್ಯ ಸಂಸ್ಥೆ ಪಂಡ್.
