ಬೆಂಗ್ಲೂರು: ಪೊಣ್ಣನ ಮಿತ್ತ್ ಲೈಂಗಿಕ ದೌರ್ಜನ್ಯ ಮಲ್ತಿನ ಆರೋಪದ ಬಗೆಟ್ ಮಾಜಿ ಸಿಎಂ ಬಿ.ಎಸ್.ಯಡಿಯೂರಪ್ಪ ವಿರುದ್ಧ ದಾಖಲ್ ಆಯಿನ ಕೇಸ್ದ ತನಿಖೆನ್ ಸಿಐಡಿಗ್ ವರ್ಗಾವಣೆಗ್ ಆದೇಶ ಮಲ್ತ್ದೆರ್. ಕರ್ನಾಟಕದ ಪೊಲೀಸ್ ಮಹಾನಿರ್ದೇಶಕೆರೆನ ಕಚೇರಿ ಈ ಕೇಸ್ನ್ ಅಪರಾಧ ತನಿಖಾ ಇಲಾಖೆಗ್ ವರ್ಗಾವಣೆ ಮಲ್ಪರೆ ಆದೇಶ ಪಾಡ್ದ್ಂಡ್.
ಫೆ.2 ಕ್ಕ್ ಯಡಿಯೂರಪ್ಪ ಮೆರೆನ ಕೈತಲ್ ಸಹಾಯ ಕೇನರೆ ಪೋದಿಪ್ಪುನಗ ಪೊಣ್ಣನ ಮಿತ್ತ್ ಲೈಂಗಿಕ ದೌರ್ಜನ್ಯ ಮಲ್ತ್ದೆರ್ ಪಂದ್ ಪೊಣ್ಣನ ಅಪ್ಪೆ ಸದಾಶಿವನಗರ ಪೊಲೀಸ್ ಠಾಣೆಡ್ ದೂರು ಕೊರ್ದಿತ್ತೆರ್.
ಈ ಬಗೆಟ್ ಮಾಧ್ಯಮಲೆಗ್ ಪ್ರತಿಕ್ರಿಯೆ ಕೊರಿನ ಯಡಿಯೂರಪ್ಪ ಇಲ್ಲಗ್ ಸಹಾಯ, ಪಂದ್ ಕೇಂದ್ ಬತ್ತಿನಕ್ಲೆಗ್ ಸಹಾಯ ಮಲ್ತಿನವ್ವೇ ತಪ್ಪಾಂಡ್. ದಾದನ ಬಂಗ ಇಪ್ಪೊಡು ಪಂದ್ ಇಲ್ಲಗ್ ಲೆಪ್ಡಾದ್ ವಿಚಾರಣೆ ಮಲ್ತ್ದಿತ್ತೆ. ಆಂಡ ಇತ್ತೆ ಈ ರೀತಿದ ಕೇಸ್ ದಾಖಲ್ ಮಲ್ತಿನವು ಆಶ್ಚರ್ಯ ಕನತ್ದ್ಂಡ್. ಏರೆಗ್ಲಾ ಸಹಾಯ ಮಲ್ಪರೆ ಬಲ್ಲಿ ಪಂದ್ ಎನ್ನೊಂದುಂಡು ಪಂದ್ ಬೇಜಾರ್ದ ಪಾತೆರನ್ ಪಂಡೆರ್.
pallavi shetty