ಎಸ್.ಎಸ್.ಎಲ್.ಸಿ. ಪರೀಕ್ಷೆಡ್ 826 ತುಳು ಬಾಷಾ ಕಲ್ಪಾರ್ತಿಲು ಪಾಸ್

ಕುಡ್ಲ : ಈ ಸರ್ತಿದ ಎಸ್.ಎಸ್.ಎಲ್. ಸಿ. ಪರೀಕ್ಷೆಡ್ 826 ಕಲ್ಪಾರ್ತಿಲು ತುಳು ಭಾಷಾ ವಿಷಯಡ್ ಪರೀಕ್ಷೆಗ್ ಕುಲ್ದು ಎಡ್ಡೆ ಮಾರ್ಕ್ಸ್ ದೆತ್ತ್‌ದ್ ಪಾಸ್ ಆತೆರ್.
ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಜಿಲ್ಲೆದ ಪ್ರೌಢಶಾಲೆಲೆಡ್ ತೃತೀಯ ಭಾಷೆಯಾದ್ ತುಳು ಭಾಷೆನ್ ದೆತೊಂದು 826 ವಿದ್ಯಾರ್ಥಿಲು ಪರೀಕ್ಷೆ ಬರೆತೆರ್. ಅಯಿಟ್ ಪೂರಾ 826 ವಿದ್ಯಾರ್ಥಿಲು ತೇರ್ಗಡೆ ಆತೆರ್.
ತುಳು ಪಠ್ಯನ್ ಆಯ್ಕೆ ಮಲ್ದಿನ ಕಲ್ಪಾರ್ಥಿಲೆಗ್ ಬೊಕ್ಕ ತುಳು ಭಾಷಾ ಶಿಕ್ಷಕೆರೆಗ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರ್ ತಾರಾನಾಥ್ ಗಟ್ಟಿ ಕಾಪಿಕಾಡ್ ಅಭಿನಂದನೆ ಸಂದಾದೆರ್.