ಪುಗರ್ತೆದ ದೈವ ನರ್ತಕೆರ್ ಅಶೋಕ್ ಬಂಗೇರ ಗಂಧಕಾಡು ನನ ನೆಂಪು ಮಾತ್ರ

ಕುಡ್ಲ: ಪುಗರ್ತೆದ ದೈವ ನರ್ತಕೆರ್ ಅಶೋಕ್ ಬಂಗೇರ ಗಂಧಕಾಡು (47) ಮೇರ್ ದೈವೊದ ನೇಮ ಕಟ್ಟ್ ದ್ ಇಪ್ಪುನಗ ತಿಗಲೆ ಬೇನೆ ಬತ್ತ್ ದ್ ದೇವೆರೆ ಪಾದೊ ಸೇರಿಯೆರ್.

ಮೆರೆಗ್ ಕುಡ್ಲ ಪೇಂಟೆದ ಹಳೆಯಂಗಡಿ ಕೈತಲ್ ಲೆಕ್ಕೇಸಿರಿ ದೈವೊದ ನೇಮದ ಸೇವೆಡ್ ಇಪ್ಪುನಗ ತಿಗಲೆ ಬೇನೆ ಬೈದ್ಂಡ್. ಬೊಕ್ಕ ಮೆರೆನ್ ಪೇಂಟೆದ ಖಾಸಗಿ ಆಸ್ಪತ್ರೆಗ್ ಸೇರ್ಸಾನಗ ತಾದಿ ನಡುಟ್ಟ್ ತೀರ್ ಪೋತೆರ್.

ಒಂತೆ ದಿನ ಹುಷಾರ್ ದಾಂತೆ ಇತ್ತಿನ ಮೇರ್ ಈ ಸರ್ತಿರ್ದ್ ನೇಮ ಕಟ್ಟುನೆನ್ ಉಂತಾಯೆರೆ ನಿರ್ಧಾರ ಮಲ್ತ್ ದ್ ಇತ್ತೆರ್. ಆಂಡ ವಿಧಿಯಾಟ ಬೇತೆನೇ ಇತ್ತ್ಂಡ್. ಉಂದುವೇ ಆರೆನ ಅಕೇರಿನ ನೇಮ ಆತ್ಂಡ್.