ಕುಕ್ಕೆ ಸುಬ್ರಹ್ಮಣ್ಯ : ಜ.12 ರ್ದ್ 16 ಮುಟ್ಟ ಕಿರುಷಷ್ಠಿ ಮಹೋತ್ಸವ
ರಾಜ್ಯದ ಪ್ರಸಿದ್ಧ ಪುಣ್ಯಕ್ಷೇತ್ರ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನಡ್ ಜ.12ರ್ದ್ ಜ.16 ಮುಟ್ಟ ಕಿರುಷಷ್ಠಿ ಮಹೋತ್ಸವ ನಡಪೆರೆ ಉಂಡು.
ಧಾರ್ಮಿಕ ಉಪನ್ಯಾಸ ಬೊಕ್ಕ ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮ ನಡಪೆರೆ ಉಂಡು. ಜ.12 ತಾನಿ ಬಯ್ಯ 5:00 ಗಂಟೆಗ್ ಶ್ರೀ ಕಾರ್ತಿಕ ವೇದಿಕೆಡ್ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲು ಮೋಹನ್ ರಾಮ್ ಸುಳ್ಳಿ ಸಾಂಸ್ಕೃತಿಕ ಕಾರ್ಯಕ್ರಮದ ಉದಿಪನ ಮಲ್ಪೆರೆ ಉಲ್ಲೆರ್.
ಬಯ್ಯ 5:45 ರ್ದ್ ಕು। ವೈಷ್ಣವಿ ಕಿಶೋರ್ ಬೆಂಗಳೂರು ಮೊಕ್ಲೆರ್ದ್ ಭರತನಾಟ್ಯ ಕಾರ್ಯಕ್ರಮ, 7:00 ರ್ದ್ ಪ್ರಕಾಶ್ ಮಲ್ಪೆ ಸಾರಥ್ಯಡ್ “ಉತ್ತಿಷ್ಠ ಭಾರತ” ಗೀತ-ಕಥನ ಕಾರ್ಯಕ್ರಮ, ರಾತ್ರಿ 9:00 ರ್ದ್ ವೈಷ್ಣವಿ ನಾಟ್ಯಾಲಯ(ರಿ.) ಪುತ್ತೂರು ನೆತ್ತ ನಿರ್ದೇಶಕೆರ್ ಯೋಗೀಶ್ವರಿ ಜಯಪ್ರಕಾಶ್ ಮೇರೆನ ಶಿಷ್ಯವೃಂದರ್ದ್ “ನೃತ್ಯಾರ್ಪಣಂ” ಭರತನಾಟ್ಯ ಕಾರ್ಯಕ್ರಮ ನಡಪೆರೆ ಉಂಡು. ಜ.13 ತಾನಿ ಬಯ್ಯಗ್ 5:45ರ್ದ್ ನೃತ್ಯೋಪಾಸನಾ ಕಲಾಕೇಂದ್ರ(ರಿ.) ಪುತ್ತೂರು ಮೊಕ್ಲೆರ್ದ್ “ನೃತ್ಯೋಹಂ” ಕಾರ್ಯಕ್ರಮ. 7:00 ರ್ದ್ ಶ್ರೀದೇವಿ ಸಚಿನ್ ಧರ್ಮಸ್ಥಳ ಬೊಕ್ಕ ಬಳಗದಕ್ಲೆರ್ದ್ “ನಿನಾದ ಗಾನ ಸಂಭ್ರಮ”, ರಾತ್ರೆ 8:15 ರ್ದ್ ವಿದ್ಯಾಶ್ರೀ ರಾಧಾಕೃಷ್ಣ ಕುಡ್ಲ ಮೊಕ್ಲೆರ್ದ್ “ನೃತ್ಯಸಂಗಮ ಬೊಕ್ಕ ನೃತ್ಯರೂಪಕ” ನಡಪೆರೆ ಉಂಡು
ಜ.14 ತಾನಿ ಬಯ್ಯಗ್ 4:30 ರ್ದ್ ಕರ್ನಾಟಕ ಸರ್ಕಾರದ ಪೋಲೀಸು ವಾದ್ಯ ವೃಂದರ್ದ್(ಮೈಸೂರು ಅರಮನೆ ವಾದ್ಯವೃಂದ) ಮೊಕ್ಲೆರ್ದ್ “ವಿಶೇಷ ವಾದ್ಯಗೋಷ್ಠಿ” ಕಾರ್ಯಕ್ರಮ, 6:00 ರ್ದ್ ಕು| ನಿಧಿಶ್ರೀ.ಕೆ.ಎನ್ ಬೊಕ್ಕ ಕು| ಸ್ನೇಹ.ಕೆ.ಸಿ ಚನ್ನರಾಯಪಟ್ಟಣ ಮೊಕ್ಲೆರ್ದ್ “ಭರತನಾಟ್ಯ ಕಾರ್ಯಕ್ರಮ. 7:15 ರ್ದ್ ನಾಟ್ಯಭೈರವಿ ನೃತ್ಯಶಾಲೆ ಬೆಂಗಳೂರು ಗುರು ಡಾ। ಶೃತಿ.ಯನ್ ಮೂರ್ತಿ ಬೊಕ್ಕ ಶಿಷ್ಯವೃಂದರ್ದ್ “ಶ್ರೀ ಸುಬ್ರಹ್ಮಣ್ಯ ವೈಭವ” ಭರತನಾಟ್ಯ ನೃತ್ಯರೂಪಕ ನಡಪೆರೆ ಉಂಡು.
ಜ.15 ತಾನಿ ಬಯ್ಯ 5:30 ರ್ದ್ ಕುಮಾರಸ್ವಾಮಿ ವಿದ್ಯಾಲಯ ಸುಬ್ರಹ್ಮಣ್ಯ ಮುಲ್ಪದ ವಿದ್ಯಾರ್ಥಿಲೆರ್ದ್ “ಕುಮಾರ ವೈಭವ” ನೃತ್ಯ ಕಾರ್ಯಕ್ರಮ, ಕು| ಗಂಗಾ ಶಶಿಧರನ್ ಗುರುವಾಯೂರು ಮೊಕ್ಲೆರ್ದ್ “ವಯೋಲಿನ್ ವಾದನ” ಕಾರ್ಯಕ್ರಮ, 9:30 ರ್ದ್ ಸಸಿಹಿತ್ತು ಶ್ರೀ ಭಗವತಿ ಮೇಳದ “ಮುಗುರುಮಲ್ಲಿಗೆ” ತುಳು ಯಕ್ಷಗಾನ ನಡಪೆರೆ ಉಂಡು.
ಜ.16 ತಾನಿ ಕಾಂಡೆ 9:30 ರ್ದ್ ಶ್ರೀ ಕಾರ್ತಿಕ ವೇದಿಕೆಡ್ ದೇವಾಲಯ ಆಡಳಿತ ಧರ್ಮದರ್ಶಿಲೆನ ಚಿಂತನಾ ಸಭೆ ಗುಡಿ-ಜನರ ಜೀವನಾಡಿ ನಡಪೆರೆ ಉಂಡು, ಸುಳ್ಯ ವಿಧಾನಸಭಾ ಕ್ಷೇತ್ರದ ಶಾಸಕಿ ಕು। ಭಾಗೀರಥಿ ಮುರುಳ್ಯ ಲೇಸ್ ಗುರ್ಕಾರ್ಮೆನ್ ವಹಿಸೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ರಾಜ್ಯ ಧಾರ್ಮಿಕ ಪರಿಷತ್ ಸದಸ್ಯೆರ್ ಮಲ್ಲಿಕಾ ಪ್ರಶಾಂತ್ ಪಕ್ಕಳ ಬೊಕ್ಕ ಧಾರ್ಮಿಕ ಉಪನ್ಯಾಸಕೆರ್ ದೇವಾಲಯ ಸಂವರ್ಧನಾ ಸಮಿತಿ ಬೆಂಗಳೂರು ನೆತ್ತ ಸಂಯೋಜಜೆರ್ ಮನೋಹರ್ ಮಠದ್ ಪಾಲ್ ಪಡೆಯೆರೆ ಉಲ್ಲೆರ್.
ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲು ಮೋಹನ್ ರಾಮ್ ಸುಳ್ಳಿ ಬೊಕ್ಕ ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಈ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್.
ಬಯ್ಯ 6:00 ರ್ದ್ ಶ್ರೀ ಸುಬ್ರಹ್ಮಣ್ಯ ದೇವರ ರಥೋತ್ಸವ, ರಾತ್ರಿ 9:00 ರ್ದ್ ಪೂರ್ಣಚಂದ್ರ ಯಕ್ಷಕಲಾ ಪ್ರತಿಷ್ಠಾನ, ಕೊಂಡದಕುಳಿ(ರಿ.) ಕುಂಭಾಶಿ ಮೊಕ್ಲೆರ್ದ್ “ಜಾಂಬವತಿ ಕಲ್ಯಾಣ” ಪೌರಾಣಿಕ ಯಕ್ಷಗಾನ ನಡಪೆರೆ ಉಂಡು.
