ಕುಡ್ಲ: ಉರ್ವಾ ಸ್ಟೋರ್ ಶ್ರೀ ಮಹಾಗಣಪತಿ ದೇವಲ್ಯದ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯದ ಲೆಕ್ಕೊಡು ಶ್ರೀ ಮಹಾಗಣಪತಿ ದೇವೆರೆನ ಸನ್ನಿಧಾನಗ್ 65 ಲಕ್ಷ ರೂ.ಡ್ ನಿರ್ಮಾಣ ಆಯಿನ ಪೊಸ ತೇರ್ ದ ಮೆರವಣಿಗೆ ಜ.14 ಐತಾರ ನಡಪರೆ ಉಂಡು.
ಈ ಮೆರವಣಿಗೆ ಕೂಳೂರು ಗೋಲ್ಡ್ ಪಿಂಚ್ ಮೈದಾನರ್ದ್ ಬೇತೆ ಬೇತೆ ಭಜನಾ ಕೂಟದೊಟ್ಟಿಗೆ ನಲಿಕೆ ಭಜನೆ, ಚೆಂಡೆ, ವಾದ್ಯದೊಟ್ಟಿಗೆ ಶ್ರೀ ಮಹಾಗಣಪತಿ ಸನ್ನಿಧಾನಗ್ ಬ್ರಹ್ಮಶ್ರೀ ಡಾ. ಶಿವಪ್ರಸಾದ ತಂತ್ರಿಲೆನ ಉಪಸ್ಥಿತಿಡ್ ಬರಿಯೆರೆ ಉಂಡು.
ಈ ಮೆರವಣಿಗೆಡ್ ಭಕ್ತೆರ್ ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರ್ದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಉರ್ವಸ್ಟೋರ್ ಶ್ರೀ ಮಹಾಗಣಪತಿ ದೇವಲ್ಯದ ಸಮಸ್ತ ಭಕ್ತ ವೃಂದದಕುಲು ಲೆಪ್ಪೋಲೆಡ್ ತೆರಿಪಾದೆರ್.
pallavi shetty