ವಿಟ್ಲ: ಬಾಯರ್ ದಯಾ ಕ್ರಿಯೇಷನ್ ದ 3ನೇ ವರ್ಷದ ಸಂಭ್ರಮೋತ್ಸವ ಬ್ರಹ್ಮಾವರದ ಉಪ್ಪಿನಕೋಟೆದ Relax Leisure ಪಾರ್ಕ್ ಡ್ ದಯಾ ಕ್ರಿಯೇಷನ್ ಗುರ್ಕಾರೆ ಶ್ರೀ ದಯಾನಂದ ಅಮೀನ್ ಬಾಯರ್ ಮೆರೆನ ಗುರ್ಕಾರ್ಮೆಡ್ ಐತಾರ ನಡತ್ಂಡ್.
ಕಲಾಮಾತೆನ ಸೇವೆ ಪಂಡ ದೇವೆರೆನ ಸೇವೆ, ಕಲಾಮಾತೆಗ್ ಜಾತಿ ಬೇಧ ವರ್ಣ ಬೇಧ ಇಜ್ಜಿ. ಮಾತೆರ್ಲಾ ಸಮಾನೆರ್ ಪಂದ್ ಈ ಲೇಸ್ ಸಾಕ್ಷಿ ಆತ್ಂಡ್. ಈ ಲೇಸ್ ಗ್ ಬತ್ತಿನ ಎಂಕ್ ಸ್ವರ್ಗ ಲೋಕದ ಅನುಭವ ಆಂಡ್ ಪಂದ್ ಕುಕ್ಕಾಜೆ ಶ್ರೀ ಕಾಳಿಕಾಂಬ ಆಂಜನೇಯ ದೇವಲ್ಯದ ಧರ್ಮದರ್ಶಿಲು ಶ್ರೀ ಶ್ರೀಕೃಷ್ಣ ಗುರೂಜಿ ಮೇರ್ ಆಶೀರ್ವಾದ ಕೊರಿಯೆರ್.
ಬೊಕ್ಕ ಧರ್ಮದರ್ಶಿಲೆನ್ ದಯಾ ಕ್ರಿಯೇಷನ್ ಮುತಾಲಿಕೆಡ್ ಸನ್ಮಾನ ಮಲ್ತ್ ದ್ ಕಲಾಬೊಲ್ಪು ಪನ್ಪುನ ಬಿರ್ದ್ ಕೊರ್ದು ಮಾನಾದಿಗೆ ಮಲ್ತೆರ್.
ಈ ಪೊರ್ತುಡು ಹಿರಿಯ ಸಾಹಿತಿ ತೋಡಿಕ್ಕಾನ ಅಬ್ದುಲ, ಶ್ರೀಧರ್ ಪಿ.ಕೆ ಕುಕ್ಕಾಜೆ, Relax Leisure ಪಾರ್ಕ್ ದ ವ್ಯವಸ್ಥಾಪಕೆರ್ ಜೋಸ್ನ ಡಿಸಿಲ್ವ ಪಾಲ್ ಪಡೆದಿತ್ತೆರ್.
3ನೇ ವರ್ಷದ ಲೇಸ್ ದ ಲೆಕ್ಕೊಡು ಬೇತೆ ಬೇತೆ ಪಂತೊ, ಮನೋರಂಜನಾ ಲೇಸ್ ನಡತ್ಂಡ್. ಪಂತೊಡು ಗೆಂದಿನಕ್ಲೆಗ್ ಗುರೂಜಿ ಮೇರ್ ಇನಾಮು ಕೊರಿಯೆರ್.
ದಯಾ ಕ್ರಿಯೇಷನ್ ದ ಕಾರ್ಯದರ್ಶಿ ರವಿ ಎಸ್ ಎಂ ಎದ್ಕೊನಿಯೆರ್. ಕು| ವೈಷ್ಣವಿ ಪುತ್ತೂರು ಸೊಲ್ಮೆ ಸಂದಾಯೆರ್. ದಯಾ ಕ್ರಿಯೇಷನ್ ದ ಒತ್ತು ಗುರ್ಕಾರೆ ಕು| ಅಶ್ವಿನಿ ಪೆರುವಾಯಿ ಲೇಸ್ ನ್ ಸುಧಾರಿಕೆ ಮಲ್ತೆರ್.
pallavi shetty