ಬಂಗ್ರಕೂಳೂರುದ ಕುಡ್ಲ ಕಂಬುಲ ಸಮಿತಿ ಗೋಲ್ಡ್ ಪಿಂಚ್ ಸಿಟಿದ ರಾಮ ಲಕ್ಷ್ಮಣ ಜೋಡು ಕರೆಟ್ಟ್ ಆಯೋಜನೆ ಮಲ್ತಿನ ಸ್ಯಾಟ್ ಲೈಟ್ 7ನೇ ವರ್ಷದ ಕಂಬುಲದ ವೇದಿಕೆಡ್ ಕುಡ್ಲ ಕಂಬುಲದ ಬಗೆಟ್ಟ್ ಪದ್ಯ ಬುಡುಗಡೆ ಆಂಡ್.
ಕಂಬುಲ ಸಮಿತಿದಕುಲು ಈ ಪದ್ಯನ್ ಬುಡುಗಡೆ ಮಲ್ತೆರ್. ಎಲ್ಲೂರು ಶ್ರೀನಿವಾಸ ರಾವ್ ಸಂಗೀತ ಸಂಯೋಜನೆ ಬೊಕ್ಕ ನಿರ್ದೇಶನದ ಈ ಪದ್ಯನ್ ಜೀ ಟಿ.ವಿ ಸರಿಗಮಪಡ್ ಗೆಂದಿನ ಕು.ತನುಶ್ರೀ ಬೊಕ್ಕ ಮಾ.ವಿನಮ್ರ ಇಡ್ಕಿದು ಪಂತೆರ್. ಶ್ರೀಶಾವಾಸವಿ ತುಳುನಾಡು ಪದ್ಯನ್ ಬರೆತೆರ್.
ಪದ್ಯದ ದೃಶ್ಯ ಪರಿಕಲ್ಪನೆನ್ ವಿದ್ಯಾ ಯು, ಚಿತ್ರೀಕರಣನ್ ರಿತೇಶ್.ಎ ಬೊಕ್ಕ ಸಂಕಲನನ್ ಜಿತೇಶ್.ಎ, ಪದ್ಯದ ಸ್ವರ ಮುದ್ರಣನ್ ಸೌಂಡ್ ವೇವ್ ಸ್ಟುಡಿಯೋದ ಮಹಮ್ಮದ್ ಫಯಾಜ್ ಮಲ್ದೆರ್. ಈ ಪದ್ಯಗ್ ಕಂಬುಲ ಸಮಿತಿದ ಗುರ್ಕಾರೆ ಕ್ಯಾಪ್ಟನ್ ಬೃಜೇಶ್ ಚೌಟ ಬೊಕ್ಕ ರಘು ಇಡ್ಕಿದು ಮೊಕ್ಲೆನ ಸಹಕಾರ ಉಂಡು. ಇತ್ತೆ ಈ ಪದ್ಯ ಯೂಟ್ಯೂಬ್ ಡ್ ಉಂಡು.
ಈ ಪದ್ಯ ಬುಡುಗಡೆದ ಪೊರ್ತುಡು ಕಂಬುಲ ಸಮಿತಿದಕುಲು, ಸಂಗೀತ ನಿರ್ದೇಶಕೆರ್ ಎಲ್ಲೂರು ಶ್ರೀನಿವಾಸ್ ರಾವ್, ಪದ್ಯ ಪಂಡಿನ ತನುಶ್ರೀ ಬೊಕ್ಕ ವಿನಮ್ರ ಇಡ್ಕಿದು, ಪದ್ಯದ ಕೂಟಡ್ ಬೇಲೆ ಮಲ್ತಿನ ವಿದ್ಯಾ.ಯು, ರಿತೇಶ್ ಎ ಜಿತೇಶ್ ಎ ಬೊಕ್ಕ ರಘು ಇಡ್ಕಿದು ಪಾಲ್ ಪಡೆದಿತ್ತೆರ್.
Editorial