ಕಾಯರ್ತಡ್ಕ ಪೌಢ ಶಾಲೆಗ್ ಜ.4 ಕ್ಕ್ ಪೊಸತಾದ್ ಮುಖ್ಯ ಶಿಕ್ಷಕೆರಾದ್ ಬತ್ತಿನ ರಾಷ್ಟ್ರಪತಿ ಪ್ರಶಸ್ತಿ ಪುರಸ್ಕೃತೆರ್ ಯಕೂಬ್ ಎಸ್ ಕೊಯ್ಯುರು ಮೆರೆನ್ ಜೆಸಿಐ ಕೊಕ್ಕಡ ಕಪಿಲದ ಮುತಾಲಿಕೆಡ್ ಶಾಲೆದ ಜೋಕ್ಲೆನ ಬೊಕ್ಕ ಅಧ್ಯಾಪಕೆರೆನ ವೃಂದದ ಸಮ್ಮುಖಡ್ ಸನ್ಮಾನ ಮಲ್ತೆರ್.
ಜೆಸಿ ಜಯರಾಮ ಟಿ ಸಂಗಮನಗರ ಮೇರ್ ಯಕೂಬ್ ಎಸ್ ಮೆರೆನ ಬಗೆಟ್ಟ್ ಪಾತೆರಿಯೆರ್.
ಈ ಪೊರ್ತುಡು ಜೆಸಿಐ ಕೊಕ್ಕಡ ಕಪಿಲ ಘಟಕದ ಗುರ್ಕಾರೆ ಜೆಸಿ ಎಚ್ ಜಿಎಫ್ ಸಂತೋಷ್ ಜೈನ್, ಕಾರ್ಯದರ್ಶಿ ಜೆಸಿ ಅಕ್ಷತ್ ರೈ, ಕಳೆಂಜ ಶ್ರೀ ಸದಾಶಿವೇಶ್ವರ ದೇವಲ್ಯದ ಗುರ್ಕಾರೆ ಜೆಸಿ ಕೆ ಶ್ರೀಧರ್ ರಾವ್, ಗ್ರಾಮಾಭ್ಯುದಯ ಕಾರ್ಯಕ್ರಮ ಅನುಷ್ಠಾನ ಸಮಿತಿ (ರಿ.) ಶಿಬರಾಜೆದ ಗುರ್ಕಾರೆ ಜೆಸಿ ಪಿಟಿ ಸೇಬಸ್ಟನ್ ಬೊಕ್ಕ ಬೆಳ್ಳಾರೆ ಜೆಸಿಐದ ಸದಸ್ಯೆರ್ ಜೆಸಿ ಸೀತಾರಾಮ ರೈ ಪಾಲ್ ಪಡೆದಿತ್ತೆರ್.
ಬೊಕ್ಕ ಯಕೂಬ್ ಎಸ್ ಮೆರೆಗ್ ಸನ್ಮಾನ ಮಲ್ತಿನೆಕ್ಕ್ ಆರ್ ಮಾತೆರೆಗ್ಲಾ ಸೊಲ್ಮೆ ಸಂದೈತ ಮಲ್ತೆರ್.
pallavi shetty