ಪಕ್ಷಿಕೆರೆ : ಅಯೋಧ್ಯೆ ಶ್ರೀ ರಾಮ ಮಂದಿರ ನಿರ್ಮಾಣದ ಟ್ರಸ್ಟಿಲು, ನೀಲಾವರ ಗೋಶಾಲೆದ ಸ್ಥಾಪಕೆರ್, ನಿರಂತರ ಸಮಾಜದ ಸಂಘಟನೆ, ಏಳ್ಗೆಗ್ ಬೇಲೆ ಮಲ್ಪುನ ಪೇಜಾವರ ಮಠಾಧೀಶೆರಾಯಿನ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀ ಸ್ವಾಮೀಜಿಗ್ 60 ಸಂವತ್ಸರ ಆಯಿನ ಲೆಕ್ಕೊಡು ಅಂಗಾರೆ ಆರೆನ ಪುಟ್ಟಿನ ಊರು ಪಕ್ಷಿಕೆರೆತ್ತ ಚಂದ್ರಗಿರಿ ಇಲ್ಲಲ್ ಸಾರ್ವಜನಿಕೆರ್, ಅಭಿಮಾನಿಲು, ಭಕ್ತೆರ್ ಸೇರ್ದ್ ಮಾನಾದಿಗೆ ಮಲ್ತೆರ್.
ಮಾನಾದಿಗೆ ಸ್ವೀಕಾರ ಮಲ್ತಿನ ಪೇಜಾವರ ಶ್ರೀ ಪಾತೆರ್ದ್, ಗ್ರಾಮೀಣ ಪ್ರದೇಶಡ್ ಪುಟುದು ಬುಲೆಯಿನ ಯಾನ್ ಹರಿಕೃಷ್ಣ ಪುನರೂರು, ಕೊ.ಅ. ಉಡುಪ ಮೊಕ್ಲೆನ ಆದರ್ಶನ್ ತೆರಿವೊನಿಯೆರೆ ಸಾಧ್ಯ ಆಂಡ್. ಅಪ್ಪ ಅಮ್ಮನ ಜೀವನ ಪಾಠ ಕಲ್ತ್ ದ್ ಈ ಮಟ್ಟಗ್ ಬುಲೆತೆ. ಜೀವನಡ್ ಕಲ್ಪೆರೆ ಮಸ್ತ್ ಉಂಡು. ಸರ್ವ ಧರ್ಮದ ಬಾಂಧವ್ಯದ ಮುಕೇನ ಸಹಬಾಳ್ವೆನೇ ಜೀವನ ಆವಡ್ ಪಂದ್ ಪಂಡೆರ್.
ಈ ಪೊರ್ತುಡು ಕಟೀಲ್ ಕ್ಷೇತ್ರದ ಅರ್ಚಕೆರ್ ಲಕ್ಷ್ಮೀ ನಾರಾಯಣ ಆಸ್ರಣ್ಣ, ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು, ಪ್ರದೀಪ್ ಕುಮಾರ್ ಕಲ್ಕೂರ, ಭುವನಾಭಿರಾಮ ಉಡುಪ, ಪಟೇಲ್ ವಾಸುದೇವ ರಾವ್, ದೇವಪ್ರಸಾದ್ ಪುನರೂರು, ಕೆಮ್ರಾಲ್ ಗ್ರಾಪಂ ಗುರ್ಕಾರೆ ಮಯ್ಯದ್ದಿ, ಕಸ್ತೂರಿ ಪಂಜ ಪಾಲ್ ಪಡೆದಿತ್ತೆರ್.
pallavi shetty