ನಿರಂತರವಾದ್ ಜಿ-ಮೇಲ್ ಖಾತೆ ಯೂಸ್‌ ಮಲ್ತಿಜಿಂಡ ಡಿಸೆಂಬರ್‌ಡ್ ರದ್ದಾಪುನ ಸಾಧ್ಯತೆ ಉಂಡು ಪಂದ್ ತೆರಿದ್‌ ಬೈದ್‌ಂಡ್. ರಡ್ಡ್ ವರ್ಷರ್ದ್ ಗಲಸೊಂದು ಇಜ್ಜಂದಿನ ಜಿ-ಮೇಲ್ ಖಾತೆಲೆನ್ ರದ್ದು ಮಲ್ಪುನ ಹಿನ್ನಲೆ ಲಕ್ಷಾಂತರ ಜಿ-ಮೇಲ್ ಖಾತೆಲು ರದ್ದಾಪುನ ಸಾಧ್ಯತೆ ಉಂಡು ಪಂದ್ ವರದಿಯೊಂಜಿ ತೆರಿಪಾದ್‌ಂಡ್. ಒಂಜಿ ವೇಳೆ ಗೂಗಲ್ ಖಾತೆನ್ ಕನಿಷ್ಠ ರಡ್ಡ್ ವರ್ಷರ್ದ್ ಗಲಸೊಂದು ಇಜ್ಜಿಂಡ ಅತ್ತ್‌ಂಡ ಸೈನ್ ಇನ್ ಆಯಿಜಿಂಡ ನಮ ಖಾತೆ ಬೊಕ್ಕ ಅವೆತ ಕಂಟೆಂಟ್‌ನ್ ಡಿಲೀಟ್ ಮಲ್ಪುವೆರ್.
ಅವೆಟ್ಟ್ ಜಿ-ಮೇಲ್, ಡಾಕ್ಯುಮೆಂಟ್, ಡ್ರೈವ್, ಮೀಟ್, ಕ್ಯಾಲೆಂಡರ್ ಬೊಕ್ಕ ಗೂಗಲ್ ಫೋಟೊಸ್ ಕೂಡಾ ಸೇರುಂಡು ಪಂದ್ ತೆರಿಪಾದೆರ್. ಆಂಡ ಉಂದು ಸಂಘ, ಸಂಸ್ಥೆ, ಉದ್ಯಮ, ಶಾಲೆಗ್ ಸಂಬಂದಪಟ್ಟ ಜಿ-ಮೇಲ್ ಖಾತೆ ಮಿತ್ತ್‌ ಒವ್ವೇ ಪರಿಣಾಮ ಬೂರುಜಿ ಪಂದ್ ವರದಿಯಾತ್‌ಂಡ್. ಒಟ್ಟು ಸುಮಾರು 10 ಲಕ್ಷ ರ್ದ್‌ ಎಚ್ಚ ನಿಷ್ಕ್ರಿಯ ಖಾತೆಲು ಉಂಡು ಪಂದ್ ತೆರಿದ್‌ ಬೈದ್‌ಂಡ್.
Editorial