ದುಬೈ : ಯು.ಎ.ಇ.ದ ರಾಜಧಾನಿ ಅಬುಧಾಬಿಡ್ ಕರಿನ 43 ವರ್ಷರ್ದ್ ಕನ್ನಡ ಭಾಷೆ, ನಾಡು, ನುಡಿ, ಸಂಸ್ಕೃತಿನ್ ಒರಿಪಾವೊಂದು ಬತ್ತಿನ ಅಬುಧಾಬಿ ಕರ್ನಾಟಕ ಸಂಘರ್ದ್ 44 ನೇ ವರ್ಷದ “ಕರ್ನಾಟಕ ರಾಜ್ಯೋತ್ಸವ” ನವಂಬರ್ 5 ಗ್ ಕಾಂಡೆರ್ದ್‌ ಬಯ್ಯ ಮುಟ್ಟ ಗೌಜಿಡ್‌ ನಡತ್‌ಂಡ್.
ಅಬುಧಾಬಿದ ಭಾರತೀಯ ರಾಯಭಾರಿದ ಉಪ ಮುಖ್ಯಸ್ಥೆರ್ ಎ.ಅಮರನಾಥ ಬೊಕ್ಕ ಇಂಡಿಯನ್ ಸೊಸಿಯಲ್ ಸೆಂಟರ್‌ದ ಮುಖ್ಯ ಕಾರ್ಯದರ್ಶಿ ಪ್ರದೀಪ್ ಕುಮಾರ್, ಬಾಲಜಿ ರಾಮಸ್ವಾಮಿ ಕೌನ್ಸಿಲರ್ ಇಂಡಿಯನ್ ಅಂಬಾಸಿ ಅಬುಧಾಬಿ ಉದಿಪನ ಕಾರ್ಯಕ್ರಮಗ್ ಬತ್ತ್‌ದ್ ಕಾರ್ಯಕ್ರಮನ್ ಪೊರ್ಲು ಮಲ್ತ್ ಕೊರಿಯೆರ್.
ಕರ್ನಾಟಕ ಸಂಘ ದುಬೈದ ಗುರ್ಕಾರ್ಲು ಶಶಿಧರ್ ನಾಗರಾಜಪ್ಪ, ಶಾರ್ಜಾ ಕರ್ನಾಟಕ ಸಂಘದ ಗುರ್ಕಾರ್ಲು ಸತೀಶ್ ಪೂಜಾರಿ, ದುಬೈದ ಸಾಧನ್ ದಾಸ್,ಅಬುಧಾಬಿ ಕರ್ನಾಟಕ ಸಂಘದ ಗುರ್ಕಾರ್ಲು ಸರ್ವೋತ್ತಮ ಶೆಟ್ಟಿ,ಅನಂತ ರಾವ್, ನಮಿತ ಅನಂತ ರಾವ್ ಸಂಘದ ಕಾರ್ಯಕಾರಿ ಸಮಿತಿದ ಮಾತ ಸದಸ್ಯೆರ್ ತುಡರ್‌ ಅರ್ಲಾದ್ ಕಾರ್ಯಕ್ರಮಗ್ ಚಾಲನೆ ಕೊರಿಯೆರ್.
ಅನಂತ ರಾವ್ ಬೊಕ್ಕ ನಮೀತ ಅನಂತ ರಾವ್ ದಂಪತಿ, ಅಬುಧಾಬಿ ರಾಜ್ಯಡ್‌ ಕಲ್ತೊಂದು ಇಪ್ಪುನ ಎಚ್ಚ ಮಾರ್ಕ್‌ ದೆತ್ತಿನ ಜೋಕ್ಲೆಗ್‌, ಕೊರೊನದ ಪೊರ್ತುಡ್ ಕೊರೊನ ವಾರಿಯರ್ಸ್‌ ಆದ್‌ ಬೇಲೆ ಮಲ್ತಿನ ಡಾ.ಪೂರ್ಣಿಮಾ ಹೆಗ್ಡೆ, ವಿಜ್ಞಾನಿ ಡಾ.ದಿನೇಶ್ ಶೆಟ್ಟಿ, ಸೇವೆದ ಜಯಲಕ್ಷ್ಮಿ ಸುರೇಶ್ ಭಟ್, ಡಾ.ಎಂ.ಎ.ಮುಮ್ಮಿಗಟ್ಟಿ, ತುಳು ಸಂಘ ಸಂಸ್ಥೆದ ಪದಾಧಿಕಾರಿಲೆಗ್‌ ಈ ಪೊರ್ತುಡು ಮಾನಾದಿಗೆ ನಡತ್‌ಂಡ್.
ಸಂಘದ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಮನೋಹರ್ ತೋನ್ಸೆ, ಲೋಯೊಲೊ ಫಿಂಟೋ,ಬೆನೇಟ್ ಡಿ.ಮೆಲ್ಲೊ, ಪ್ರದೀಪ್ ಕೀರೋಡಿಯನ್, ಸುಧೀರ್ ಶೆಟ್ಟಿ, ಅಲ್ತಫ್ ಎಂ.ಎಸ್,ಅಬ್ದುಲ ಮಾದುಮೂಲೆ, ವಿಜಯ್ ರಾವ್, ಸಂದೀಪ್ ರಾವ್, ಚೇತನ್ ಗೋಪಲ್,ಶ್ರೀ ಕೃಷ್ಣ ಕುಲಾಲ್,ಕೃಷ್ಣರಾಜ ರಾವ್,ಶ್ರೀನಿವಾಸ್ ,ಈಶ್ವರ್ ಉಣಕಲ್ಲ್,ಯತಿರಾಜ್ ಶೆಟ್ಟಿ, ಡಾ.ರಾಘವ ಭಟ್ ಕಾರ್ಯಕ್ರಮದ ಯಶಸ್ಸ್‌ಗ್ ಸಾಥ್ ಕೊರಿಯೆರ್. ಶ್ರೀ ಕೃಷ್ಣ ಕುಲಾಲ್, ಮನೋಹರ ತೋನ್ಸೆ, ಶೋಭಿನಿ ಹೆಗ್ಡೆ, ಡಾ.ರಾಘವ ಭಟ್ ಕಾರ್ಯಕ್ರಮ ಸುದಾರಿಕೆ ಮಲ್ತ್ ದ್ ಅನಂತ ರಾವ್ ಎದ್ಕೊಂದು,ಸರ್ವೋತ್ತಮ ಶೆಟ್ಟಿ ಸೊಲ್ಮೆ ಸಂದಾಯ ಮಲ್ತೆರ್.
Editorial