ಕೇರಳದ ಮುಖ್ಯಮಂತ್ರಿಗ್ 12 ವರ್ಷದ ಆಣ್ ಒರಿ ಕಾಲ್ ಮಲ್ತ್ ಜೀವ ಬೆದರಿಕೆ ಪಾಡಿನ ಘಟನೆ ತಿರುವನಂತಪುರಂಡ್ ನಡತ್ಂಡ್.
ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ಗ್ ಪೊಲೀಸ್ ಪ್ರಧಾನ ಕಚೇರಿದ ನಿಯಂತ್ರಣ ಕೊಠಡಿಗ್ ಕಾಲ್ ಬತ್ತ್ದ್ ಕಾಲ್ಡ್ ಪಾತೆರ್ನಗ ಆಣ್ ಜೀವ ಬೆದರಿಕೆ ಪಾಡ್ದೆ. ಆ ಕೂಡ್ಲೆ ಸಿಬಂದಿಲು ಮುಖ್ಯಮಂತ್ರಿನ ಇಲ್ಲಗ್ ಬೊಕ್ಕ ಕಚೇರಿದ ಸುತ್ತಮುತ್ತ ಎಚ್ಚದ ಪೊಲೀಸ್ ಬಂದೋಬಸ್ತ್ ಮಲ್ತೆರ್.
ವಿಳಾಸ ಪತ್ತೆ ಮಲ್ಪುನಗ 12 ವರ್ಷದ ಆಣ್, ಏಳನೇ ತರಗತಿದ ವಿದ್ಯಾರ್ಥಿ. ಈ ಬಗೆಟ್ಟ್ ಆಯನ ಇಲ್ಲದಕ್ಲೆಡ ಪಾತೆರ್ನಗ ಆಯೆ ಫೋನ್ಡ್ ಗೊಬ್ಬುನಗ ಆಕಸ್ಮಾತ್ ಆದ್ ಕಾಲ್ ಪೋತುಂಡು. ನಿಯಂತ್ರಣ ಕೊಠಡಿದ ಅಧಿಕಾರಿಲು ಆಣನ ಕಾಲ್ನ್ ತಪ್ಪಾದ್ ಕೇಂದ್ ಬೆದರಿಕೆ ಪಾಡುನ ಉದ್ದೇಶಡ್ ಕಾಲ್ ಮಲ್ತ್ದೆ ಪಂದ್ ಎನ್ನಿದ್ ಎಚ್ಚದ ಬಂದೊಬಸ್ತ್ ಏರ್ಪಡಿಸಾದ್ ಪೊಲೀಸ್ ಠಾಣೆಗ್ ಮಾಹಿತಿ ಕೊರ್ತೆರ್. ಬೆದರಿಕೆ ಹಿನ್ನೆಲೆಡ್ ಮ್ಯೂಸಿಯಂ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಮಲ್ತ್ ತನಿಖೆ ಮಲ್ತ್ದೆರ್.