ಬೆಂಗ್ಲೂರು ಕಂಬುಲ ಅನುಷ್ಕಾ ಶೆಟ್ಟಿರ್ದ್ ಉದಿಪನ

ಬೆಂಗ್ಲೂರ್: ನವೆಂಬರ್ 25 ಬೊಕ್ಕ 26 ಕ್ಕ್ ನಡಪರೆ ಇಪ್ಪುನ ಸುರುತ್ತ ಕಂಬುಲದ ಲೇಸ್ ನ್ ನಟಿ ಅನುಷ್ಕಾ ಶೆಟ್ಟಿ ಉದಿಪನ ಮಲ್ಪುವೆರ್.

ಲೇಸ್ ಡ್ ನಟೆ ರಜನಿಕಾಂತ್‌, ಸುನೀಲ್‌ ಶೆಟ್ಟಿ, ಶಿಲ್ಪಾ ಶೆಟ್ಟಿ, ಯಶ್ ಬೊಕ್ಕ ದರ್ಶನ್, ಕ್ರಿಕೆಟಿಗೆ ಕೆಎಲ್ ರಾಹುಲ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಪುತ್ತೂರು ಶಾಸಕೆರ್ ಬೊಕ್ಕ ಬೆಂಗ್ಲೂರು ಕಂಬುಲ ಸಮಿತಿದ ಗುರ್ಕಾರೆ ಅಶೋಕ್ ಕುಮಾರ್ ರೈ ಮೇರ್ ಪಂಡೆರ್.

ಸುದ್ದಿಗಾರೆರ್ನ ಒಟ್ಟಿಗೆ ಪಾತೆರ್ನ ಮೇರ್, ಅರಮನೆ ಮೈದಾನಡ್ ನಡಪುನ ಲೇಸ್ ಗ್ 8 ಲಕ್ಷರ್ದ್ ಎಚ್ಚ ಜನ ಸಾಕ್ಷಿ ಆಪಿನ ನಿರೀಕ್ಷೆ ಉಂಡು. ಕಂಬುಲಡ್ ಪಾಲ್ ಪಡೆಯೆರೆ 116 ಕಂಬುಲ ಎರುಕ್ಲೆನ ಮಾಲೀಕೆರ್ ತನ್ನ ಪುದರ್ ನ್ ನೋಂದಣಿ ಮಲ್ದೆರ್. ಈ ಮುಖೇನ ರಡ್ಡ್ ದಿನತ್ತ ಕಂಬುಲ ಸುಮಾರ್ ದಾಖಲೆನ್ ದೆಪ್ಪುನ ಅಂದಾಜಿ ಉಂಡು ಪಂದ್ ಪಂಡೆರ್.