ಮಣಿಪಾಲ: ರೇಡಿಯೊ ಮಣಿಪಾಲ್ ಡ್ ಸಂಗೀತ ಶಿಕ್ಷಕೆರ್ ಕಾವ್ಯಶ್ರೀ ಸೀತಾರಾಮ ಆಚಾರ್ಯ ಕೊಡವೂರು ನಡಪಾದ್ ಕೊರ್ಪುನ ಕಾವ್ಯಗಾನ -ಸಂಗೀತ ಪಾಠ ಲೇಸ್ ದ 30 ನೇ ಸಂಚಿಕೆ ಇನಿ (ಅ.20) ಬಯ್ಯಗ್ 5.30 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಕಲ್ಪಾರ್ಥಿಯಾದ್ ಪುಟಾಣಿ ಅನಘ ಪಾಲ್ ಪಡೆಯೆರೆ ಉಲ್ಲೆರ್. ಈ ಲೇಸ್ ಅ.21 ಸನಿಯಾರ 1.30ಕ್ಕ್ ಕುಡೊರ ಪ್ರಸಾರ ಆಪುಂಡು.
ಈ ಲೇಸ್ ನ್ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದೆರ್.
ಭಿವಂಡಿ ಕಲ್ಚರಲ್ ಟೀಮ್ ದ 4ನೇ ವರ್ಷೊದ ಲೇಸ್ ಭಿವಂಡಿದ ಪದ್ಮನಗರ ಅಯ್ಯಪ್ಪ ಸ್ವಾಮಿ ದೇವಲ್ಯಡ್ ನ.5 ಐತಾರ ನಡಪರೆ ಉಂಡು.
ಬೊಲ್ಪುಗು ಶ್ರೀ ಸತ್ಯನಾರಾಯಣ ಪೂಜೆ, ಬಯ್ಯಗ್ ಸಭಾ ಲೇಸ್ ಬೊಕ್ಕ ಸನ್ಮಾನ ಲೇಸ್, ರಾತ್ರೆ ಪೌರಾಣಿಕ ಕಲಾವಿದೆರಾಯಿನ ಮನೋಹರ್ ಶೆಟ್ಟಿ ನಂದಳಿಕೆ, ಅಶೋಕ್ ಕುಮಾರ್ ಕೊಡ್ಯಾಡಿಕ, ಸುನಿಲ್ ಪೂಜಾರಿ ಪೊಸ್ರಾಲ್ ಬೊಕ್ಕ ಭಿವಂಡಿ ಕೂಟದಕ್ಲೆರ್ದ್ ವಾ… ಅವಸ್ಥೆ ಮಾರೆ ಲೇಸ್ ನಡಪರೆ ಉಂಡು.
ಅಂಚೆನೆ ಬೊಲ್ಪುರ್ದ್ ಬಯ್ಯ ಮುಟ್ಟ ಭಕ್ತಿದ ಉರಲ್ ಬೇತೆ ಬೇತೆ ಭಜನಾ ಮಂಡಳಿದಕ್ಲೆರ್ದ್ 12 ಗಂಟೆ ಭಜನಾ ಲೇಸ್ ನಡಪರೆ ಉಂಡು ಪಂದ್ ಭಿವಂಡಿ ಕಲ್ಚರಲ್ ಟೀಮ್ ದ ಮಾತ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಬೆಂಗಳೂರು : ಹಮಾಸ್ ಉಗ್ರ ಸಂಘಟನೆ ಬೊಕ್ಕ ಇಸ್ರೇಲ್ ನಡುತ ಯುದ್ಧದ ವಿಚಾರದ ಬಗ್ಗೆ ಬಹರೈನ್ಡ್ ಬೇಲೆಡ್ ಇತ್ತಿನ ಕರ್ನಾಟಕ ಮೂಲದ ವೈದ್ಯೆರ್ ಸೋಷಿಯಲ್ ಮೀಡಿಯಾ ಎಕ್ಸ್ಡ್ ಸ್ಟೇಟಸ್ ಪಾಡಿನೆಕ್ಕ್ ಬೇಲೆ ಕಲೆವೊನ್ನ ಘಟನೆ ನಡತ್ಂಡ್.
ಡಾ. ಸುನೀಲ್ ಜೆ. ರಾವ್ ಬೇಲೆ ಕಲೆವೊನ್ನ ವೈದ್ಯೆರ್. ಮೇರ್ ಬಹರೈನ ಆಸ್ಪತ್ರೆಡ್ ಬೇಲೆ ಮಲ್ತೊಂದು ಇತ್ತ್ದ್, ಪ್ಯಾಲೆಸ್ತೀನಿಯೆರ್ನ ವಿರುದ್ಧ ಎಕ್ಸ್ಡ್ ಸ್ಟೇಟಸ್ ಪೋಸ್ಟ್ ಮಲ್ತ್ ಇತ್ತೆರ್. ಆಂಡ ಬೊಕ್ಕ ಸ್ಟೇಟಸ್ ಡಿಲೀಟ್ ಮಲ್ತ್ದ್ ಕ್ಷಮೆ ಕೇಂಡಲ ಬೇಲೆನ್ ಕಲೆಯೊಂದೆರ್.
ಕಡಬ: ಕಡಬದ ಜವನೆ ಒರಿ ಕಣ್ಣೂರ್ಡ್ ಬೊಲ್ಪುಗೆ ರೈಲ್ರ್ದ್ ಆಯತತ್ತ್ದ್ ಬೂರ್ದ್ ತೀರ್ಪೋಯಿನ ಘಟನೆ ಅ.20 ದಾನಿ ನಡತ್ಂಡ್. ಕಡಬ ತಾಲೂಕುದ ಮರ್ದಾಳ ಬಂಟ್ರ ಗ್ರಾಮದ ನೀರಾಜೆ ನಿವಾಸಿ ಸುರೇಶ (34) ತೀರ್ಪೋಯಿನ ಜವನೆ.
ಇನಿ ಕಾಂಡೆ 8 ಗಂಟೆಗ್ ಅರೆನ ಮೊಬೈಲ್ ನಂಬರ್ಗ್ ಇಲ್ಲರ್ದ್ ಕಾಲ್ ಮಲ್ಪುನಗ ಆಸ್ಪತ್ರೆದ ಸಿಬ್ಬಂದಿ ಪೋನ್ ದೆತ್ತ್ ಪಾತೆರ್ನಗ ಈ ವಿಚಾರ ತೆರಿಪಾದೆರ್ ಪಂದ್ ತೆರಿದ್ ಬೈದ್ಂಡ್.
ನವರಾತ್ರಿ ಉಚ್ಚಯದ ಪ್ರಯುಕ್ತ ಸುಳ್ಯ ಸರಕಾರಿ ಆಸ್ಪತ್ರೆದ ಆಂಬ್ಯುಲೆನ್ಸ್ ಬೊಕ್ಕ ಸಿಬ್ಬಂದಿಲೆನ ಗಾಡಿಲೆಗ್ ಇನಿ ಆಯುಧ ಪೂಜೆ ನಡತ್ಂಡ್. ಪುರೋಹಿತೆರ್ ಗಣೇಶ್ ಭಟ್ ಪೂಜಾ ಕಾರ್ಯಕ್ರಮ ಮಲ್ತೆರ್. ಈ ಪೊರ್ತುಡ್ ವೈದ್ಯಾಧಿಕಾರಿ ಕರುಣಾಕರ, ನರ್ಸ್ನಕುಲ್, ಸಿಬ್ಬಂದಿಲು ಇತ್ತೆರ್.
ಬೆಂಗಳೂರು : ಅಕ್ಟೋಬರ್ 28 ಬೊಕ್ಕ 29 ದಾನಿ ಬೇತೆ ಬೇತೆ ನಿಗಮ ಮಂಡಳಿದ ಹುದ್ದೆಲೆದ ಭರ್ತಿಗ್ ನಡಪುನ ಪರೀಕ್ಷೆಗ್ ಹಿಜಾಬ್ ಪಾರ್ದ್ ಹಾಜರ್ ಆವೆರೆ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ಅನುಮತಿ ಕೊರ್ತುಂಡ್.
ಕೆಇಎ ಬೇತೆ ಬೇತೆ ನಿಗಮ ಮಂಡಳಿದ ಹುದ್ದೆ ಪರೀಕ್ಷೆಗ್ ಹಿಜಾಬ್ ಪಾರ್ದ್ ಪರೀಕ್ಷೆ ಬರೆಯೊಲಿ. ಪರೀಕ್ಷೆದ ಅಭ್ಯರ್ಥಿಲು ಒಂಜಿ ಗಂಟೆ ದುಂಬ್ ಪರೀಕ್ಷಾ ಕೇಂದ್ರಡ್ ಇಪ್ಪೊಡು. ಅಕ್ಲೆನ್ ಮಹಿಳಾ ಸಿಬ್ಬಂದಿ ತಪಾಸಣೆ ಮಲ್ಪುವೆರ್ ಪಂದ್ ಕೆಇಎ ತೆರಿಪಾದ್ಂಡ್.
ಕುಡ್ಲ: ಸುರತ್ಕಲ್ ಮಂಗಳಪೇಟೆ ನಿವಾಸಿ ಫಾಝಿಲ್ ಹತ್ಯೆ ಕೇಸ್ಗ್ ಸಂಬಂಧಪಟ್ಟಿನಂಚ ರಡ್ಡ್ ಆರೋಪಿಲೆಗ್ ಜಾಮೀನು ಮಂಜೂರಾತ್ಂಡ್. ಪ್ರಕರಣದ ಆರೋಪಿಲಾಯಿನ ಕುಲಾಯಿದ ಗಿರಿಧರ್, ಕೈಕಂಬದ ದೀಕ್ಷಿತ್’ಗ್ ಜಾಮೀನ್ ಮಂಜೂರಾತ್ಂಡ್.
ಟೊಮ್ಯಾಟೊ ತಿನ್ಪುನೆರ್ದ್ ಆರೋಗ್ಯಗ್ ಮಸ್ತ್ ಪ್ರಯೋಜನ ಆಪುಂಡು.
ಉಂದು ನೆತ್ತೆರ್ ಡ್ ಇಪ್ಪುನ ಸೆಕ್ಕೆರೆ ಮಟ್ಟನ್ ಕಮ್ಮಿ ಮಲ್ಪರೆ ಬೊಕ್ಕ ಪಡಿಕೆಡ್ ಕಲ್ಲ್ ಆಪುನೆನ್ ತಡೆಯರೆ ಸಕಾಯ ಮಲ್ಪುಂಡು. ಉಂದು ಕುಜಲ್ ಗ್ ಮಾಸ್ತ್ ಎಡ್ಡೆ. ನೆರ್ದ್ ದೃಷ್ಟಿದೋಪಲ ಕಮ್ಮಿ ಆಪುಂಡು. ಎಲುಬುಲು ಗಟ್ಟಿ ಆಪುಂಡು. ಅತ್ತಂದೆ ಚರ್ಮ ಪೊರ್ಲು ಆಪುಂಡು. ನೆಟ್ಟ್ ವಿಟಮಿನ್ ಸಿ, ಕಮ್ಮಿ ಕ್ಯಾಲೋರಿ ಇಪ್ಪುಂಡು.
ಅಗ್ನಿನೇತ್ರ ಕ್ರಿಯೇಶನ್ಸ್ ದ ಮುತಾಲಿಕೆಡ್, ಮಡಂತ್ಯಾರು ಪಾರೆಂಕಿ ಶ್ರೀ ಮಹಿಷಮರ್ಧಿನಿ ದೇವಲ್ಯದ ಭಕ್ತಿಸುಗಿಪು “ಪಾರೆಂಕಿದ ಅಪ್ಪೆ ಶ್ರೀ ಮಹಿಷಮರ್ದಿನಿ” ಅ.20 ಸುಕ್ರಾರ ಬುಡುಗಡೆ ಆಪುಂಡು.
ಈ ಭಕ್ತಿಸುಗಿಪು ಪ್ರವೀಣ್ ಶೆಟ್ಟಿ ಮಡಂತ್ಯಾರ್ ಮೆರೆನ ನಿರ್ಮಾಣಡ್, ವಿಜಯ್ ಕಾರಿಂಜ ಮೆರೆನ ಸಾಹಿತ್ಯಡ್, ತೇಜಸ್ ಕೋಡೊಟ್ಟು ಮೆರೆನ ಗಾಯನಡ್, ಯಶು ಸ್ನೇಹಗಿರಿ ನೈನಾಡು ಮೆರೆನ ರೆಕಾರ್ಡಿಂಗ್ ಸ್ಟುಡಿಯೋ, ಪ್ರಿತೇಶ್ ಕೋಡೊಟ್ಟು ಮೆರೆನ ಸಂಕಲನಡ್, ಕು. ರಕ್ಷಿತಾ ಪುಂಜಾಲಕಟ್ಟೆ, ಕು. ಚೈತ್ರ ಪಾದೆಕೋಡಿ ಮೆರೆನ ಸಹ ಗಾಯನಡ್, ಶ್ರೀ ವಿದ್ಯಾಸರಸ್ವತಿ ಭಜನಾ ಮಂಡಳಿ ಪಾರೆಂಕಿ, ಮಡಂತ್ಯಾರ್ ದ ಸಂಪೂರ್ಣ ಸಹಕಾರಡ್ ಬುಡುಗಡೆ ಆಪುಂಡು.
ಕುಂದಾಪುರ ತಾಲೂಕ್ ದ ಕನ್ಯಾನ ಗ್ರಾಮದ ಶ್ರೀಕ್ಷೇತ್ರ ಕೂಡ್ಲು ಬಾಡಬೆಟ್ಟು ಶ್ರೀ ಶನೀಶ್ವರ ಬೊಕ್ಕ ಶ್ರೀ ಚೌಡೇಶ್ವರಿ ದೇವಲ್ಯಡ್ ಅ.23 ಸೋಮಾರ ಚಂಡಿಕಾಹೋಮ ನಡಪರೆ ಉಂಡು.
ಮಧ್ಯಾಹ್ನ ಮಹಾಪೂಜೆ, ನುಪ್ಪು ಪ್ರಸಾದ ಸೇವೆ, ರಾತ್ರೆ ನಡಪುನ ರಂಗಪೂಜೆ ಬೊಕ್ಕ ಭಜನೆ ನಡಪರೆ ಉಂಡು. ಈ ಲೇಸ್ ಗ್ ಭಕ್ತಾದಿಲು ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.
