October 21, 2023

ಪತ್ರಕರ್ತೆರ್ ಡಾ. ದಿನೇಶ್ ಶೆಟ್ಟಿ ರೆಂಜಾಳೆರ್ನ ಬೂಕುಗು ಕಾರ್ನಾಡ್ ಪ್ರತಿಷ್ಠಾನದ ವಿಕಾಸ ಪುರಸ್ಕಾರ‌

ಬೊಂಬೈ : ಪ್ರತಿಷ್ಠಿತ ಕಾರ್ನಾಡ್ ಪ್ರತಿಷ್ಠಾನ ಮುಂಬಯಿ ನೆತ್ತ 2022-2023 ನೇ ಸಾಲ್‌ದ ವಿಕಾಸ ಪುಸ್ತಕ ಪುರಸ್ಕಾರಗ್ ಪತ್ರಕರ್ತೆರ್, ಕಾರ್ಲ ರೆಂಜಾಳದ ಡಾ. ದಿನೇಶ್ ಶೆಟ್ಟಿ ಅರೆನ “ಮುಂಬೈ ಕನ್ನಡ ಪತ್ರಿಕೋದ್ಯಮ” ಸಂಶೋಧನ ಕೃತಿ ಆಯ್ಕೆಯಾತ್‌ಂಡ್. ರೆಂಜಾಳ ಮೆರೆನ ಈ ಬೂಕುಗು ಮುಂಬೈ ವಿಶ್ವವಿದ್ಯಾಲಯ ಪಿಎಚ್‌.ಡಿ ಕೊರ್ತುಂಡ್.
500 ಕ್ಕ್ ಎಚ್ಚ ಪುಟತ್ತ ಈ ಬೂಕು ಕರಿನ ವರ್ಷ ಪ್ರಕಟ ಆದ್, ಮುಂಬೈ ಬಂಟರ ಸಂಘದ ಕನ್ನಡ ವಿಭಾಗ ಮುಂಬೈ ವಿಶ್ವವಿದ್ಯಾಲಯ ಆಯೋಜನೆ ಮಲ್ತಿನ “ಮುಂಬೈ ಪತ್ರಕರ್ತೆರ್ನ ಸಮಾಗಮ” ಸಂಭ್ರಮಡ್ ಬಿಡುಗಡೆ ಆದ್‌ ಇತ್ತ್‌ಂಡ್. ಕೃತಿ ಮುಂಬೈ ಕನ್ನಡ ಪತ್ರಿಕೋದ್ಯಮದ ನೂತ್ತೈವ ಅಧಿಕ ವರ್ಷದ ಇತಿಹಾಸನ್ ಹೊಂದುದ್, ಹಿರಿಯ ವಿಮರ್ಶಕೆರ್ನ ಮೆಚ್ಚುಗೆಗ್‌ ಪಾತ್ರ ಆತ್‌ಂಡ್. ಮುಂಬೈದ ಯುವ ಪತ್ರಕರ್ತೆರ್ ರೆಂಜಾಳರ ಮುಂಬೈ ವಿಶ್ವವಿದ್ಯಾಲಯ ಕನ್ನಡ ವಿಭಾಗಡ್ ಎಂಎ ಪದವಿಡ್ ಸುರುತ ❌ರ್ಯಾಂಕ್ ರ‌್ಯಾಂಕ್ ಪಡೆತೆರ್. ಸಾಹಿತ್ಯ ಕ್ಷೇತ್ರಡ್ ಸಾಧನೆ ಮಲ್ತೊಂದು ಇಪ್ಪುನ ಆರ್ ಎಂಫಿಲ್ ಸಂಶೋಧನ ಕೃತಿ “ಗಿರಿಕುಂಜರ”, “ದೀಪದ ಬುಡ ಕತ್ತಲು”, “ಚಿನ್ನದ ಚೆಂಡು” ಕೃತಿ ಪುಗರ್ತೆನ್‌ ಪಡೆಯೊಂದುಂಡ್. ಪ್ರತಿ ವರ್ಷ ಮೂಜಿ ಅತ್ಯುತ್ತಮ ಕೃತಿಗ್ ಕಾರ್ನಾಡ್ ಪ್ರತಿಷ್ಠಾನ ವಿಕಾಸ ಪುಸ್ತಕ ಪುರಸ್ಕಾರನ್‌ ಕೊರೊಂದು ಉಂಡು.
ಈ ವರ್ಷ ಡಾ. ದಿನೇಶ್ ಶೆಟ್ಟಿ ರೆಂಜಾಳ, ಡಾ. ಶ್ಯಾಮಲಾ ಪ್ರಕಾಶ್ ಬೊಕ್ಕ ಅಮಿತಾ ಭಾಗ್ವತ್ ಅರೆನ ಕೃತಿ ಆಯ್ಕೆಯಾತ್‌ಂಡ್. ಪ್ರಶಸ್ತಿ ನಗದು ಪುರಸ್ಕಾರ, ಗೌರವ ಗ್ರಂಥ, ಪ್ರಶಸ್ತಿ ಪತ್ರನ್‌ ಕೊರ್ದು ಮಾನಾದಿಗೆ ಮಲ್ಪೆರೆ ಉಲ್ಲೆರ್. ಪ್ರಶಸ್ತಿ ಪ್ರದಾನ ಸಮಾರಂಭ ಡಿ. 23ದಾನಿ ಅಂದೇರಿಡ್‌ ನಡಪೆರೆ ಉಂಡು ಪಂದ್‌ ಪ್ರತಿಷ್ಠಾನದ ಪ್ರಕಟನೆ ತೆರಿಪಾದ್‌ಂಡ್.