ಕಾರ್ಲ ಭಾಗದ ಪುಗರ್ತೆದ ಸಂಸ್ಥೆ ರೋಟರಿ ಸಮುದಾಯ ದಳತ್ತ ರೋಟರಿ ಕ್ಲಬ್ ಕೆಮ್ಮಣ್ಣುದ ನಿಟ್ಟೆಗ್ ರೋಟರಿ ಗವರ್ನರ್ ರೋಟೇರಿಯನ್ ಪಿಹೆಚ್ಎಫ್. ಬಿ. ಸಿ. ಗೀತಾ ಮೇರ್ ಅ.5 ಗುರುವಾರ ಮಧ್ಯಾಹ್ನ ಭೇಟಿ ಕೊರಿಯೆರ್.
ಸುರುಕು ಕೆಮ್ಮಣ್ಣು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಶ್ರೀ ದೇವೆರೆನ ಅನುಗ್ರಹ ಪ್ರಸಾದ ಸ್ವೀಕಾರ ಮಲ್ತ್ ದ್ ಬೊಕ್ಕ ಸಂಸ್ಥೆದ ಕಾರ್ಯ ಚಟುವಟಿಕೆಲೆನ ಬಗೆಟ್ಟ್ ಪೊಲಬು ಪಡೆದ್ ಸಂತೋಷ ಪಡೆಯೆರ್.
ಈ ಪೊರ್ತುಡು ಮೆರೆನೊಟ್ಟಿಗೆ ರೋಟರಿ ಜಿಲ್ಲಾ ಸಹಾಯಕ ಗವರ್ನರ್ ರೊ.ಪಿಹೆಚ್ಎಫ್. ಶೈಲೇಂದ್ರ ರಾವ್ ಕೆ., ಝೋನಲ್ ಲೆಫ್ಟಿನೆಂಟ್ ರೊ. ಡಾ. ಸುದೀಪ ಕೆ.ಬಿ, ಹಿರಿಯರ್ ರೊ.ಪಿಎಚ್ಎಫ್. ಎ. ಯೋಗೀಶ್ ಹೆಗ್ಡೆ, ಸಂಸ್ಥೆದ ಗುರ್ಕಾರೆ ರೊ.ಡಾ. ಕೃಷ್ಣಪ್ರಸಾದ್, ಕಾರ್ಯದರ್ಶಿ ರೊ. ಶಶಿಕಲಾ ಶೆಟ್ಟಿ ಬೊಕ್ಕ ಸಂಸ್ಥೆದ ಹಿರಿಯ ಸದಸ್ಯೆರ್ ಪಾಲ್ ಪಡೆದಿತ್ತೆರ್.
ರೋಟರಿ ಸಮುದಾಯ ದಳತ್ತ ಮುತಾಲಿಕೆಡ್ ಇಂಚಿಪ್ಪ ಶ್ರೀಕೃಷ್ಣ ಜನ್ಮಾಷ್ಟಮಿದ ಲೆಕ್ಕೊಡು ನಡತಿನ ಆಟೋಟ ಪಂತೊಡು ಪಾಲ್ ಪಡೆದ್ ಕಾರ್ ಗ್ ಪೆಟ್ಟಾದಿತ್ತಿನ ಸದಸ್ಯೆರ್ ರಾಜೇಶ್ ಮೂಲ್ಯ ಮೆರೆಗ್ ಸಮುದಾಯ ದಳತ್ತ ಮುತಾಲಿಕೆಡ್ ಕೊರ್ಪುನ ಪನವುದ ಸಕಾಯನ್ ರಾಜ್ಯಪಾಲೆರೆನ ಮುಖೇನ ಹಸ್ತಾಂತರ ಮಲ್ತೆರ್.
ಈ ಪೊರ್ತುಡು ರೋಟರಿ ಸಮುದಾಯ ದಳತ್ತ ಗುರ್ಕಾರೆ ಪ್ರದೀಪ್ ಸುವರ್ಣ, ಮಾಜಿ ಜಿಲ್ಲಾ ಪ್ರತಿನಿಧಿ ವೆಂಕಟಕೃಷ್ಣ ಕುಮಾರ್, ಹಿರಿಯ ಸದಸ್ಯೆರ್ ಪ್ರಕಾಶ್ ಕೋಟ್ಯಾನ್, ಶಂಕರ ಪೂಜಾರಿ, ಡಾ. ದಿಲೀಪ್ ಕುಮಾರ್ ಕೆ., ಪೂರ್ವಾಧ್ಯಕ್ಷೆರ್ ಸತೀಶ್ ಶೆಟ್ಟಿ ಇತ್ತೆರ್. ಕಾರ್ಯದರ್ಶಿ ಪ್ರಕಾಶ್ ಸಾಲ್ಯಾನ್ ಎದ್ಕೊನಿಯೆರ್. ವಿಠಲ್ ಆಚಾರ್ಯ ಲೇಸ್ ನ್ ಸುಧಾರಿಕೆ ಮಲ್ತ್ ದ್ ಸೊಲ್ಮೆ ಸಂದಾಯೆರ್.
pallavi shetty