karkala news

ಏ.6-10 : ಬೋಳಂಬಲ್ಲಿ ಶ್ರೀ ಪಾರ್ಶ್ವನಾಥ, ಪದ್ಮಾವತಿ ಅಮ್ಮನ ಬಸದಿಡ್ ಪಂಚಕಲ್ಯಾಣ , ರಥೋತ್ಸವ

ಬೈಂದೂರು ತಾಲೂಕು ಕಾಲ್ತೋಡು ಗ್ರಾಮ ಶ್ರೀ ಕ್ಷೇತ್ರ ಬೊಳಂಬಳ್ಳಿ ಶ್ರೀ ಪಾರ್ಶ್ವನಾಥ ಸ್ವಾಮಿ, ಆಳುಪ ರಾಜ ಮನೆತನದ ದೇವಿ ಮಹಾಮಾತೆ ಪದ್ಮಾವತಿ ಅಮ್ಮನವರ ದೇವಸ್ಥಾನ ಬಸದಿದ ಪಂಚಕಲ್ಯಾಣ ಮಹೋತ್ಸವ, ನೂತನ ಶಿಲಾಮಯ ಮಾನಸ್ತಂಭ ಪ್ರತಿಷ್ಠಾಪನೆ, ಶ್ರೀ ದೇವರ ರಥೋತ್ಸವ ಮಹೋತ್ಸವ ಏ.6-10 ಮುಟ್ಟ ಬೆದ್ರ ಜೈನಮಠ ಚಾರುಕೀರ್ತಿ ಭಟ್ಟಾರಕೆರ್ನ ಮಾರ್ಗ ದರ್ಶನಡ್ ಶ್ರೀ ಕ್ಷೇತ್ರ ಹೊಂಬುಜ ಜೈನ ಮಠ ದೇವೇಂದ್ರಕೀರ್ತಿ ಭಟ್ಟಾರಕ ಅಂಚೆನೆ ಸೋಂದೆ ಮಠ ಭಟ್ಟಾಕಳಂಕ ಸ್ವಾಮಿಲೆನ ಮುತಾಲಿಕೆಡ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆರ್ನ ಆಶೀರ್ವಾದೊಡು ನಡಪರೆ ಉಂಡು.

ಪ್ರತಿ ದಿನ ಕಾಂಡೆರ್ದ್ ರಾತ್ರೆ ಮುಟ್ಟ ದೇವ ಪೂಜಾ ಕಾರ್ಯ, ಪದ್ಮಾವತಿ ಅಮ್ಮನವರ ಆರಾಧನೆ, ಬಯ್ಯಡ್ 5.30ಕ್ಕೆ ಸಭಾ ಕಾರ್ಯಕ್ರಮ, ರಾತ್ರಿ 8 ಗಂಟೆರ್ದ್ ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮಲು, ಯಕ್ಷಗಾನ ಜೋಡಾಟ, ನಾಟಕ, ಮನು ಹಂದಾಡಿ ಮೆರೆರ್ದ್ ಕಾರ್ಯಕ್ರಮ, ಮಹೇಶ ಹರಪನಹಳ್ಳಿ ಬಳಗದಕ್ಲೆರ್ದ್ ಸಂಗೀತ ರಸಮಂಜರಿ, ಗಂಗೊಳ್ಳಿ ಜೂ. ಗುರುಕಿರಣ್ ಮೆರೆರ್ದ್ ನೃತ್ಯ ಸಂಗೀತ ಅಂಚೆನೆ ಪಗೆಲ್ ಡ್ ಧಾರ್ಮಿಕ ಸಭಾ ಕಾರ್ಯಕ್ರಮ ನಡಪರೆ ಉಂಡು.

ಕಾರ್ಯಕ್ರಮಗ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಡಿ. ಸುರೇಂದ್ರ ಹೆಗ್ಗಡೆರ್ ಬೈಂದೂರು ಶಾಸಕೆರ್ ಸುಕುಮಾರ್ ಶೆಟ್ಟಿ , ಸಚಿವೆರ್ ಕೋಟ ಶ್ರೀನಿವಾಸ ಪೂಜಾರಿ , ಸಂಸದ ರಾಘವೇಂದ್ರ, ಸಹಕಾರಿ ಧುರೀಣ ಡಾ. ಎಂ ಎನ್ ರಾಜೇಂದ್ರ ಕುಮಾರ್, ಧರ್ಮಸ್ಥಳದ ಹರ್ಷೇಂದ್ರ ಕುಮಾರ್, ಮಾಜಿ ಶಾಸಕ ಗೋಪಾಲ ಪೂಜಾರಿ, ಬಸ್ರೂರು ಅಪ್ಪಣ್ಣ ಹೆಗಡೆ, ರಾಜಶೇಖರ್ ಹೆಬ್ಬಾರ್, ಪೃಥ್ವಿರಾಜ್ ಜೈನ್ ಅಂಚೆನೆ ಸಮಾಜದ ಗಣ್ಯೆರ್ ಪಾಲ್ ಪಡೆವೆರ್.

12 ವರ್ಷಗೊರ ನಡಪುನ ಈ ಪುಣ್ಯ ಕಾರ್ಯಡ್ ಸಾರ್ವಜನಿಕರು ಪಾಲ್ ಪಡೆದ್ ಶ್ರೀದೇವಿ ಮಹಾಮಾತೆ ಪದ್ಮಾವತಿ ಅಮ್ಮನ ಅನುಗ್ರಹಗ್ ಪಾತ್ರರಾವೊಡು ಪಂದ್ ದೇವಸ್ಥಾನದ ಧರ್ಮದರ್ಶಿಲಾಯಿನ ಧರ್ಮರಾಜ್ ಜೈನ್, ಸ್ವಾಗತ ಸಮಿತಿದ ಅಧ್ಯಕ್ಷೆರ್ ಡಾ.ಆಕಾಶ ರಾಜ್ ಜೈನ್ ಲೆಪ್ಪೋಲೆಡ್ ತೆರಿಪಾದೆರ್.
ಏ.10 ಕ್ಕ್ ನಡಪುನ ಮಹಾ ರಥೋತ್ಸವಡ್ ಪಾಲ್ ಪಡೆವರೆ ಸಾರ್ವಜನಿಕೆರೆಗೆ ಅವಕಾಶ ಉಂಡು.
ಮಾತಾ ಐನ್ ದಿನಲ ಪ್ರಸಾದ ವಿತರಣೆ , ಮದ್ದೆನ ಅನ್ನ ಸಂತರ್ಪಣೆ, ಕಾಂಡೆ ಬೊಕ್ಕ ರಾತ್ರೆ ಉಪಹಾರದ ವ್ಯವಸ್ಥೆ ಉಂಡು ದೇವಸ್ಥಾನದ ಆಡಳಿತ ಮಂಡಳಿ ತೆರಿಪಾದ್ಂಡ್.

Panchakalyana Mahotsava at Parswanatha Padmavati Amma temple at Bolamballi from April 6th -10th

The panchakalyana Mahotsava of Sri Parswanatha Padmavati Amma temple, Bolamballi, Kaltodi grama, Byndoor taluk will be held from April 6th- 10th , under the guidance of Charukeerthi Battaraka Swamiji of Moodbidri Jain Mutt and the blessings of Devendra keerthi mahaswaniji of Humbuja ; Battakalanka Swamiji of Sonde Mutt and Sri Veerendra Heggade of Dharmasthala.

Holy rituals as per Panchakalyana tradition will be conducted on all days,followed by cultural program in the evenings.
Dignitaries and devotees from far and near are expected to take part in the program.
On the 10th of April the Rathotsav of the new charriot of the temple will be conducted with pomp and devotion .

People in large numbers are requested to participate in the holy festivities and seek blessings of the divine. Arrangements of food for the devotees visiting the temple has been made on all days of the festivities.

Dharmadarshi of the temple- Dharmaraj Jain. Dr Akash Raj Jain, president of the organising committee of the temple,and all members of the managing committee of the temple.