ಕಾಸ್ರೋಡು: ಜೈ ತುಲುನಾಡ್ (ರಿ.) ಕಾಸ್ರೋಡುದ ಮುತಾಲಿಕೆಡ್ ಬೊಕ್ಕ ಮಹಾಜನ ಸಂಸ್ಕೃತ ಕಾಲೇಜ್ ಹೈಯರ್ ಸೆಕೆಂಡರಿ ಶಾಲೆ ಪೆರಡಾಲದ ಒಟ್ಟುಸೇರಿಗೆಡ್ ಅ.10 ಕ್ಕ್ ಮಹಾಜನ ಸಂಸ್ಕೃತ ಕಾಲೇಜ್ ಹೈಯರ್ ಸೆಕೆಂಡರಿ ಶಾಲೆ ಪೆರಡಾಲ, ನೀರ್ಚಾಲುಡ್ ತುಲು ಲಿಪಿ ಸಂಶೋಧಕೆರ್ ಡಾ.ಪು. ವೆಂಕಟರಾಜ ಪುಣಿಂಚತ್ತಾಯ ಮೆರೆನ ಪುಟ್ಟುದಿನತ್ತ ನೆಂಪುಗಾದ್ ತುಲು ಲಿಪಿ ದಿನೊ ಲೇಸ್ ನಡಪರೆ ಉಂಡು.
ಈ ಲೇಸ್ ದ ಉದಿಪನನ್ ಮಹಾಜನ ಸಂಸ್ಕೃತ ಕಾಲೇಜ್ ಹೈಯರ್ ಸೆಕೆಂಡರಿ ಶಾಲೆದ ಮ್ಯಾನೆಜರ್ ಜಯದೇವ ಖಂಡಿಗ ಮಲ್ಪರೆ ಉಲ್ಲೆರ್. ಲೇಸ್ ದ ಗುರ್ಕಾರ್ಮೆನ್ ಜೈ ತುಲುನಾಡ್ (ರಿ.) ಕಾಸ್ರೋಡುದ ಗುರ್ಕಾರ್ದಿ ಕುಶಲಾಕ್ಷಿ ವಿ. ಕುಲಾಲ್ ಕಣ್ವತೀರ್ಥ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಮಹಾಜನ ಸಂಸ್ಕೃತ ಕಾಲೇಜ್ ಹೈಯರ್ ಸೆಕೆಂಡರಿ ಶಾಲೆ ಪೆರಡಾಲದ ಮುಖ್ಯೋಪಾಧ್ಯಯೆರ್ ಶಿವಪ್ರಕಾಶ್ ಎಂ ಕೆ ಪಾಲ್ ಪಡೆಯೆರೆ ಉಲ್ಲೆರ್. ಬೊಕ್ಕ ಪುವೆಂಪು ಮೆರೆನ ಮಗೆ ವಿಜಯರಾಜ್ ಪುಣಿಂಚತ್ತಾಯ, ನಿವೃತ್ತ ಕಲ್ಪಾದಿ ಪ್ರೊ. ಎ ಶ್ರೀನಾಥ್, ಒತ್ತು ಗುರ್ಕಾರ್ಲು ಉಮೇಶ್ ಸಾಲಿಯಾನ್ ಸಿರಿಯಾ, ಪ್ರಧಾನ ಕಾರ್ಯಂತೆರ್ ಕಿರಣ್ ತುಲುವೆ ಮೊಕುಲು ಒತ್ತು ಪಾಲ್ ಪಡೆಯೆರೆ ಉಲ್ಲೆರ್.
ಜೈ ತುಲುನಾಡ್ (ರಿ.) ಕಾಸ್ರೋಡುದ ಉಪಾಧ್ಯಕ್ಷೆರ್ ಶ್ರೀನಿವಾಸ ಆಳ್ವ ಕಳತ್ತೂರು ಎದ್ಕೊನುವೆರ್. ಶಿಕ್ಷಕಿ ಡಾ. ವಿದ್ಯಾಲಕ್ಷ್ಮಿ ಮೇರ್ ಪುವೆಂಪು ಮೆರೆನ ಹಾದಿ ಬೊಕ್ಕ ಸಾಧನೆದ ಪರಿಚಯ ಮಲ್ಪುವೆರ್. ಲೇಸ್ ನ್ ಶಿಕ್ಷಕಿ ಶೈಲಜಾ ಸುಧಾರಿಕೆ ಮಲ್ಪುವೆರ್. ಉತ್ತಮ್‌ ಯು. ಸೊಲ್ಮೆ ಸಂದಾಯೆರೆ ಉಲ್ಲೆರ್.
niriksha