ಬೆದ್ರ: ಹಾಲಿ ಶಾಸಕೆರ್, ಬಿಜೆಪಿ ಅಭ್ಯರ್ಥಿ ಉಮಾನಾಥ ಕೋಟ್ಯಾನ್ ಮೇರ್ ಇನಿ ಆಡಳಿತ ಸೌಧಡ್ ನಾಮಪತ್ರ ಸಂದಾಯೆರ್.
ಬೊಲ್ಪುಗು ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಗ್ ಬೊಕ್ಕ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಪೂಜೆ ಮಲ್ತ್ ದ್, ಬೊಕ್ಕ ಬೆದ್ರ ವೆಂಕಟರಮಣ ದೇವಲ್ಯ, ಹನುಮಂತ ದೇವಲ್ಯದ ಕೈತಲ್ ರ್ದ್ ಮೆರವಣಿಗೆದ ಮುಖೇನ ಬತ್ತ್ ದ್ ನಾಮಪತ್ರ ಸಂದಾದೆರ್.
ಈ ಪೊರ್ತುಡು ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್, ಜಿಲ್ಲಾಧ್ಯಕ್ಷೆರ್ ಸುದರ್ಶನ್, ಮುಖಂಡೆರ್ ಈಶ್ವರ ಕಟೀಲ್, ಕಸ್ತೂರಿ ಪಂಜ, ಸುನಿಲ್ ಆಳ್ವ, ಮೇಘನಾಥ ಶೆಟ್ಟಿ ಇತ್ತೆರ್.
ಅಭಿಮಾನಿಲು ಬೊಕ್ಕ ಬಿಜೆಪಿ ಕಾರ್ತಕರ್ತೆರ್ ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆದಿತ್ತೆರ್. ಅಂಚೆನೆ ಬರ್ಪುನಕ್ಲೆಗ್ ಬಸ್ ತ್ತ ವ್ಯವಸ್ಥೆಲ ಇತ್ಂಡ್. ಬೊಲ್ಪುರ್ದೇ ಪೇಂಟೆ ಇಡೀ ಜನ ಸೇರ್ದಿತ್ತೆರ್.